¹ Sababu gena-ge, ngoi ngowa'a du 'osama bui ge sababu Ma Jou'ong Yesus 'ai lomanga. Sikua-kuata ngini ni 'ahu marimoi re go-garo'o mangale ngini tarima dua. ² Rema aro rana sinyingara maholo, rema mereoso. Re'o ma 'ogoro re nyengara 'o riono gina toma dadalara madara, ³ mariono sikuata di'a kadiara si rimoi ngomas ofi-ofi toma bibiri'u 'o sanangi madara. ⁴ Duga mena lese rimoi re roh rimoi, matero bato wakutu ngini ni ma'e oro toma ngo-nganono re ni gogaro'o. ⁵ Jou rimoi, ngo-ngaku rimoi, re ma'e banyo rimoi. ⁶ Jou'ong Madutu rimoi re Baba toma mo-moini, mete'e da'u moi-moini, re madara moi-moini. ⁷ So'o gena di'i ngene matengo re matengo si pula'a anugra re Kristus materi 'ai karunia ma du-duga. ⁸ Sababu gena-ge 'O si kanau, mangale Unang 'o pere toma ngi'i 'i ka'udu 'ie, unang 'o cako'o ngowa'a-ngowa'a tawanan, re si pula'a karunia ra manusia 'ia. Masmur 68:19 ⁹ Wakutu 'O kanau, "Unang 'o pere", si'uara ma ngale Unang di'i 'o uci toma dunia ma adu. ¹⁰ Unang ka 'o uci, Unang di'i 'o pere 'i ka'udu toma diwanga mo-moini la 'A si romanga aro rana. ¹¹ Unang 'o pula'a ra rasul-rasul re nabi-nabi re si gasa-gasa Habari La gembala-gembala re do-doto-do-doto'o. ¹² Re na si to-toma ngowa'a ofi-ofi manga benyetoro re si momi'i Kristus, 'ai lese. ¹³ Singadol ngoi toma'e ngo-ngaku re do-doto'o rimoi re Ma jou'ong Madutu 'ai ngowa 'a matero so 'o manusia manga akala ngimono dogo Kristus 'a si romanga. ¹⁴ So'ogenagedi ngene ngo 'olo-ngo'olo matero so'o baoso ma'u silulu palala 'ia reino so'o genage di matero dodoto'o lohoko tipu re odaya Manusia,pande si haga-haga. ¹⁵ So 'o genage di kanau banari toma dadalara madara re ngene wo ahu sagala mangale re una'ia sababu una Kristus masa'e, ¹⁶ Re una 'i no nanga lese moin-moini asidei re apiri'u dadi ri moi moin-moini ni ma'e bilang dua re nanga lese na simomi'i re nia dadalara no mate-tengo dua no dadalara ani lese. (Nanga ahu imatero Kristus madara) ¹⁷ Sababu ngage, ngoi siajele re tosikuata re ma jo'ong Yesus, awa moju ngini ni ahu matero ngoa-ngoa'a re ana du ahu re manga sinyingara mode-mode 'ua. ¹⁸ Ana manga moma'e dadi gulumumu re manga ahu i kudutu re ma jo'ong madutu sababu du bodoko i dada na lese madara tala re'ana sababu manga sinyingara i kuata. ¹⁹ Ana manga bobasono i pududunu du'a re ana du pula'a manga lese, manga nyafisu re dudie'i ururana sigudubungu re silafa ²⁰ So'ogenage di.'ua re o acara ngage ngini madoto'o rema Kristus. ²¹ Ade-ade ngini memang ni isene dua masababu una re i'dodoto'o ge una toma dara. Matero sa'a lou re mode-mode'e re ro maena re Yesus. ²² Wu'upa'a bato Manusia masida re ngini ni'a ma'e ninga ahu re nia tabiata ino re masida re ya si pi'aolo re manga nyafisu re du sihaga. ²³ Nasoi ngomasa re na sinyingara. ²⁴ Pake bato manusia masungi re du sidadi majo'ong madutu ai ororana madara re toma loa-loasa madara ofi-ofi foloi. ²⁵ Mangale so'ongage, wa'upa'ia orurana masala ge ai nola ale'a. ngini ni kanau duga-duga demo mabanari re ma'u tero sababu ngini genage moi-moini ngongaku rimoi renanga lese 'ino. ²⁶ Ngamolah re awa ni die'i sala. awa siti'ama ni borata singadolo owanger i tumunu. ²⁷ Awa ni pula'a loasa re o ca ata 'ia. ²⁸ Ngoa'a re du tori'i nga'un 'ua dutori'i di lebelaha una o makaraja kuata re ni dei karaja ma ofi re giama mate-tengo singadolo una o ma'e ururana una sibilang re ngoa'a lelegu. ²⁹ Awa nasi biara 'o kanau ma bece i supu re ni 'udu'ia, ma da'a duga kanau ofi re si momi'i 'o ongoa'a susa duangi'a kanau ngage pula'a barakati duga ana 'ie dugigisene. ³⁰ Awa nimasinyingara mia ngomasa ofi-ofi re majo'ong madutu duga masababu una, ngini ma'e dina'o duga salamata ma wangere. ³¹ wu'pa'a di o sagala ururana re i mumadi. porata. Ngamo mau sala sinyingara re demo fitana, re moi-moini tingkai, sikudutu ena genage re ngini. ³² Nijako lala matengo-matengo, no pake sinyingara mamereoso re balaso genage ma'u siampung, matero sa'alou majo'ong madutu Kristus madara 'ia una osi ampung ngini.