(Paulus Semote Mekoduko Youwe Titus Kote Titus Wei Po) ¹ Neplre naiye Paulus, mang nenei kembalri detlro moiyena Walei yei nenna akyana, nete ti yekeko telre pelre na deltro Mang Walri elri puko neplre mendo telre peltre na, mendo melro-melro bulra te tan nembon ne. ² Neplre Walri sena neman nemote neken de, manimpa na sanebuko na A, bulrate, mang Walri a peu-peu di panya memetlre na yapi slrei ne. ³ Ne yatna nene a sena Walri ate ane elri youwe, mang Walri kena man ne sanutupuko, etepoi te meko mu puko. ⁴ Titus kore yei de elri pukalrna nekembari mote meka dena. Mang Walri kena yambupoi neplre Walri yei, ete yelre poi te kimelre. (Titus Tekilrai Peko Kelreta Ne Pena Tua Tekilrim Bon De) ⁵ Dakalro tena te wete Kelreta, yone tewepukalre, nepelrena kembari te poi-poi mekombe neplre yo doplre na penatua te elrim bombe neplre na a ilea malre nemane, ⁶ nedeltro peko mekoi panya deltro, do milre boi monam nena yenining Walri yeite tlre-pelre elra pekona, neplre netena mamana a, elro panyo deltro. ⁷ Neplre nam detlro Walri you te ya tenem lre kaso tena dilrei panya meterenasa nenei mote. ⁸ Neplre nam deltro te nenei yete nemlrena sate mama yem oulre na deltro, nekembari poi te mekowena deltro. ⁹ Dena A, sena malre na sematna poi ye nekembe we tlre-plre a, te dowembe dakembalri dekilram malrna mane mekombe, neplre naiye dena A, sena yang sine neme tong ke mewe, neplre na a nemane mo neme santenemlre, da a kulrung poi, nedelro A, alma te sane. ¹⁰ Neplre naiye, detlro detro kena alre mate niki yaiye ne detlro a, peu-peu sulrena, nemei wapi yaiye, ne detrlo-detlro kembalri pekote mekaina, you. You te nekepuko. ¹¹ Neplre naiye ne detlro=detlro amblru te dinai peko, nena eute nemane, Walri wai nena mie deko peko re sani yam me. Nenei kembalri nolruna, nem na detlrosi tena kilri panya, detlro site paita bulre te mekau we ¹² Nena detlro simbei, nene blreng ka mena a, te elri youwe, ne deltro kereta yolrna a peu-peu na detlro, malrisa selrei tena mame, eti selrai te dum ne, nekembalri tena a, mekoi poi. ¹³ Walri kena kembalri poi. Nepelre naiye, ne detlro tena a, alre ma saneamblre, ne deltro mendo poi te dou naiye walri wai kena einenekenaiye. ¹⁴ Neplrena Yahudi detlro kena a, susute bulran ne betepelre betoipaiNya nedetlro Walri wai jenam a'te baite salremupuko. ¹⁵ Mang kena akulrung pai, meter nam poi mo-poi mo. Ne detlro beisika menapai ambai nena mendo nena kena peko more mekoyouwe. Nena a elri yaiye nelari mang tekapi you ne, nenei kembalri kalro ne, Mang tena ter plre na, elri pai, nete ate wapensuku. ¹⁶ Telre pelre, delati mang te ni me yanembuko, kembalri karo ne, detenemai wapi yaite, emblru tu mone keparna ambai, mang a oeu-oeu wa pi yaine. Ne detlro niki yaiye mang kena, kenabulru na nikipai ne detelro wakembanya, mang kena kembalri nepoina mekoi pai.