Pasal 1
YOHANES DA SEMO EUTE WASEYOWE
1
Walri yei tena Akalro, Mang Walri kinelre nenei kembalri detelro te krinemelre yansite kyanaye. Walri akyana kna walrore Yohanes te sanenembone, Nei kembalri detelro.
2
Yohanes eukiyaye teyowe Walri Asna nepelre Walri yei, meterena syazasi nei dou ne teyowena.
3
Mang Walri mepeto tapenemre detelro da Akundu te benaina, Neperna nemane lati detelro nete betonaina, nepelre semone mropukona mane kembalri nemane mekonaiye, ya nepe nopyepuko.
YOHANES ASIA NA WALRI YAU MESI NUNA BE POI A TE TAPEKEMELRE
4
Yohanes knalre, mesi suna be Walri yau Asia ne, bise teme poi wetena Nelre na nekewena, yansire nekwena nepelre yansite mendena; neperlati mesi suna be Wau nei engkeng bukou na
5
nepelre, Kristus Yesus knalre memte telre tete detelro kna nelrore deyepuko, Delrete ondowafi ondowafi kna bulrane dayobulrane nekende. Nenalre, etena kena bise wari sa dripuko ete peko eilre yemepuko,
6
nepelre, ete ne koprimupuko dia delrembei, Mang Walri nei kembalri detelro, netena Delre, telpelre daselrere dina sreite tnonemende, telpelre.
7
Tembe Walri yei ma drusuku mewe, metelrena dou. Nete tenembe, nemane lati nembere nekaina, da yoo bulrana selrai bra bra nete dimite diminaiye, ya, dana yumbona. Telpelre
8
De tuna seina, Mang Walri asna, Nekwena, yansire nekwena, nepelre yansite mendena, Nei delre eine."
WALRI YEI TE YOHANES EUKIYAYE TEPUKO
9
De, Yohanes, dokeka, nepelre Walri yona nekememupukona kalro te dikitemelre, nepelre Walri yei kna eine knatepa tepa, Patmos eidona kepou ne nekalre, Walri Asna nepelre Walri yei tante,
10
De Wau pretutku, Walri nei yane, De betoyalre metosulre a daneyowe toni kulrung mane.
11
Saneyotu, metelre da teyena semokepei eite mropone. Neplre mekoupone mesi suna be Walri yau kote, Efesus, Smirna, Pergamus, Tiatira, Sardis, Filadelfia nepelre Laodikia."
12
Neperna, De seso te sasengkukalre tetembo akulrung sime dete sanutu, ne sasungkakalre, de kaki dian emas te tembukalre,
13
Ne kaki dian nelrone de tialre, detelro mane nekyowe, Mayong tikite titipuko oto selreite, nepelre spainangkre kenane olrungkuko.
14
Belrengka nepelre nyua domba pie kru kru wau kelreu mane; dou Sing peupeu tena mane.
15
Oto kelreu telre tembaga sing nensen bulrana mane, Akulrung bume kulrung mane
16
Metremesuna meye mesi suna be te tapewe, nepelre embru eilrena kemau yemo kaibena, Be nena kia suu elrimbiona kia mane.
17
Ne mane nete tekanalre, nena oto bulrate delkalre tete detro mane, Nemaneye, Nena metelre mesute eubulrate satesuku, Saneyotu, ‘’Endikite dekoipaina, De tuna seina,
18
nepelre Walri, De tetepukalre, nemane ye, tewe De Walri sena neketre, tete oti De tepalre.
19
Netenate metrena kalro dune tanuna semone mrombombe, metelrena kalro da sereine yuwiyaina nepelre yansite yunaina.
20
Da nenei ye telreh na A, Nemeya mesi suna be dena mene tianuna nepelre.