¹ Nepelrena ye delrei yau-yau na, kena bisyete danalre na, neplre na kena kalrite twanalre. Walri kna eine nou netepe malre. ² Da, kena telrelre, we-te snawalre Euodia, neplre dlrati Sintike, dlrati walri kena ci-ne, ne kombelneme nekepi. ³ Nepelre de'wete diamelre delrei yau-yau na, da'milre-milre te di-kimampone, dina kenatelrelre klemens, nei yau-yauna si slrati nena Eudo asna semone dina merai peka. ⁴ Walri kna ci-ne kalri-kalri plre, sari plre elretepone kalri-kalri plrei. ⁵ Wena kena tepa-tepa de tlro mukunamane, nimei naim pinde, walri nepe nopyewe. ⁶ Da, yelrue endiki tena dekoi panya, nete natas, metlrena sya-sya si mandone mekoyena, walri kna bulrune sani-sani kalro ne sanunulre, neplre a poi te sanunulre. ⁷ Mang kena poi, wena kena dekone kembalrite, neme mekonde mende dina slrei te. ⁸ Neplrenaye, yau-yau na eyei tlre plre, eyei pai, eyei de ke eyei mlro-mlro tlre plre, eyei pai, eyei de keeyei mlro-mlro tlre plre, nenate wei mendo yei mekombe. ⁹ We beyasate kireaine, yatiyau webetoyau we tiayau we denalrena, metlrena mane mekombe, mang kena poi e te nemane moto yatenem lre mende. (Paulus, Filipi Yona De Tiro Te Tlreplre Plre Saukai Netroneta) ¹⁰ Walri kna ei-na wairaire, kena kalri doplrete, twa nalre, nemane satenate we bulrau puko dena yeko wlralre nate tau, neplre wenekalrotna-dowipai. ¹¹ Da'a senamarna dena cune, nuku pukona ambai, da'kalro de, nepe ni meim bukalre. ¹² Nekepukona kalro, de'nepe nimeim bukalre, eringkondena ya de'nime yanalre neya;ya, menaina de, nepe nemeimbukalre, sa' pernaya, moning ya, doi pernaya, doi-ambainya ya. ¹³ Dena da' yelreu, walri kna ne, klro tembonde, nembeimoye, wakete ini tlre. ¹⁴ Wena poi, klri yena, sete twanurna kalrone, walri wete diki neu ponde. ¹⁵ We'nepe nimeyanu, Filipi yo, me-me-ta a'sna meyowe, de; Makedonia-yote dane tembukalre, nepda de tlro, satetuyaine, demberna-a' nembeina Elripai. ¹⁶ Tesalonika yone, diki-diki kalro, notulre mekoyau, kasoplre. ¹⁷ Ne, karotenade, duweipai, de' duwernape, dena a'saniyamarna, eu ne kilrimbe mene mekombe, eu plre wau nai ye. ¹⁸ Wenapoy nepe muku yati yalre neplrena ka so plre, nesa wena walrolrena, Epafroditus, sa'poi te dupuko, ne-kembalri walri kenate dununa. ¹⁹ Walri yane-yane ena poi klri yandenate, walri ate nepe saumu wey tlre plre mekoyena. ²⁰ Mang Walri te kapemanlre, da' slreire, di slrei te malre, tlre plre. ²¹ Dana da'a' poi te, dou we, walri kna ci-ne kembalri te mekainate sanumulre, da, a'poi eyei yau-yau knalre na, walri kna bulrune kembelrite mekan denatna. ²² Metlre na detlro mlro-mlro, wetena a' poi te saniyaiwe, a' poi motlrena, detlro kembalrite dia delre ne mekaina tnate, sane you me, ²³ Walri knapoi wemblre-wemblre tlreplre. Poi