Pasal 13
(Yesus Nena Ototouna Kena Otote Sukuyoumu)
1
paskah ya nemeyenane,Yesus nepe nimeyembuk,netena ya nepe nopiyepuko dayobulrate tenembonde nenei nemang kote,nenei yatekemelrenate selraite kena bisete dumbuko ne kena bise neme tenonde ende.
2
Deneyena sate neme aniyaye nane,maseye Yudas Iskariot kena,kena bulrate kulruke,Simon nuwei,Yesus te peko bulrate salrembondenate.
3
Yesus nepeye nimeyembuko metelrena sa nemang nena me bulrate kelrombuko,nepelre ne Mang Walri kenalre meyowe,nepelre Mang Walri kote bulrunsinde,
4
ne deneyena sa toulre e`su e`miki,nepelre nenei euna mayote baite wekembuko,nepelrena linen mayo belrate douku seseine bekepuko.
5
Nepelrena kaye loyang e`ite bute danusuku,nepelre nenei ototouna yo kena otote sukuyoume.
6
Simon Petrus kena eu yete yowenakaye Yesus te sane younu,"Tuhan,we Dena ototena we sukuwe?
7
Yesus ate sauku nepelre nete sane younu,"Da kembalri mekalrena tena daselrei tena nimeyipai,malreweye we nimeyenembombe."
8
Petrus ate mekopuko,'Dena ototena bete pelrena we suskuipainya,"Yesus ate sauku,De wetena sukuipainya we,dena e`i nena we dowipai!"
9
Simon Petrus nete saneyounu,"Nemenatena Tuhan,dena otomotena ambai,dena me pelre belrengka pelre delrati.!"
10
Yesus nete saneyoumu,detelro bute kopukona otomote sekumbonde,nepelrena metelrena melro-melr.We nepe melro-melro duwaupuko,nepelrena we metelrena melro-melro ambai.
11
Nenatena Yesus nepe nimeyambuko sime nete peko bulrate salrembondena,netanate nete saneyoumu.We metelrena melro-melro ambai."
12
Nemenakaye,Yesus nena ototouna yo kena otote sukumupuko nenei mayongte nekenoute titipuko,nepelre nenei noute nekenoute yowe,ne nete saneyoumu,demena kembalri wetenate mekopukalrena we nimeyambuko?
13
We Detena Guru,nepelre Tuhan pelrete,nena nekewena De nekalrena Guru nepelre Tuhan pelre.
14
Netenate De nekalrea Tuhan nepelre wei Guru pelre,otote sukumupukalre,netenate wena nelrone otote dite delrati sukumbe.
15
Nepelrena De wete nepe kilri mupukalre nenate we delrati De mekopukalrena mane mekombe.
16
Nou telrenalre wete senamalre,kembalri nekewena nenei belrengka detelro nekewena pelrena elrikoipai,nepelre naye detelrote tiyekukona,nena nembelre tiyekukona detelro pelrena elrikoipai.
17
Nenate we metelrea mane nimeyambuko netena,wetena pai tu nenate kilrimembe.
18
De we metelrenatena de elripai.De nimeyembukkalre sinte De elripukalre,nepelrena da akalrotena dina yuwumbonde,"Detelro Dena piyeute anembonde detelro nena oto temete dekote kensuku.'
19
Da selreine wete nepe senamalre,nena kiyaipai nemeyenane,nenate weye dete telrenate elrembombe.
20
Noutelrenalre De wete senamalre,detelro siye De tiyetekondena detelrote dowundena dete douku,nepelre dete doukutelrena detelro,nena dete tiyekukonate douku.
(Sime Yesus te Peko Bulrate Salrembondena Ate Sane Youmu)
21
Yesus nemane ate sanemupunakaye,nenei kena selrengne bete-bete tayayena mane tuwayonuna kaye saneyoumu,Mou telrenate wete meke senamalre,wena nelrona detelro siye dete peko bulrate salrenaiteponde.
22
Nena ototouna doute dite date tiyaye nepelre pelro-pelro olruyaye sintena ate elrewe.
23
Nena ototouna simbeiye eutone nekeyowe Yesus kena kenane eute sauke.
24
Nepelrenakaye,Simon Petrus,nete douye melroyonu Tuhan Yesus te Simenin sinde,nena sintenate elreyowe.
25
Netenate,Yesus kena kenane saukuna ototounaye nete simiyounun.Tuhan,ne detelro kaye sing?"
26
Yesus ate sauku ne detelro deye,"da piyeu pote titauteponde nekaye nete itenelre,"Nepelre nepiyeu po titawupukonde Yudas Simon Iskariot nuweite.
27
Nepelre,Yudas nipeyeu pote doukuna,mase nete kelrokunulre.Netenate,Yesus nete saneyoumu,beyate weye mekowenatena welra dite mekouponde!"
28
Sate aniyayena nelrona beiska pelre Yesus kena a YUdas te saneyoununatena ne mendo doweipai.
29
Nena nelrolrena siye wepaisiki Yudas doi pelrena tangkete douku walyeyowenate Yesus nete saneyounu,ene ya delretena sa kalrote yatende,ambai walrum bainya detelronate sate yatene melrenate.
30
Nepelrenakaye,ne piyeu pote dokunaye,Yudas ne suselrei baite nepe asuku yowe,nepelre ne selreina denete nepe yowe.
(Yesus Nena Tete Tena Ate Elreyowe)
31
Yudas dite yowena tulre Yesus atemekopuko,daya nepe detelro jeite dindeiye melronaim bonde nepelre Mang Walri welrati nena welrone melronaimbonde.
32
Nemane,delrati Mang Walrite nena eine dindei melronaimbondena,Mang Wangri delrati nena
33
Delrei yei ninung,De wembelrena tiki ambai delreati,we dete duwembena,nepelre Yahudi detelro saniyamalre nemane,menaya delrati wete senamalre.De telrena nou,we nepetena.
34
Da wanimbana a kalrote wete ute melre,nena tena weye bisete dire date denembe Deye wete bisete diyamalrena mane,nemane delrati wena nelrone bisete dite date denembe.
35
Nemenatenate,metelrena detelro nimeyenaibonde,we dena ototouna nepe,we dite date bisete dnembe.
(Yesus Petrus Tena Ateite Saneyounu)
36
Simon Petrus Tuhan Yesus simi younu.Tuhan we kaye mepete ewenate,Yesus nete ate sauku.Deye telrenatena,we daselreina detena tawipai,malreweye wande we Dete tawentembe.
37
Petrus nete simiyounu,Tuhan,beyamena pote da selreine de wetena tawipai?We tante Dena da yelreu itelmelre.
38
Yesus ate sauku,wena yelreute de tante imulre?Da nou telrena ate santewe ponde ambreawe a dinipai nemayenane weye da namimgselrei detena nimeyipai nyate elreuponde."