1
Ne dainya me wate kiyampuku Yohanes butekeleyoumu "baya pau kula-kula ne Yudea kena kelame ate saniyou me ;
2
"Peke mekatemate apakeloma baya baluma,awa kena saidia keleudia le na. Akulung nepe watoupa dewamu na.
3
Tepeleitele nena mendo Waliyei dambele Yesaya neyeko dambele ate saniyoune: "a teetro kena akulung kalitesumu-kalite talu baya pau kula-kula nelone akailung walu.
Semate kende nipite poiye mekomane kani bo kainijate kanite balumane nipite temeye mekomane Waliyei menenate, nipi yeli-yelite teta-teta te sipi ye mekomane.
4
Yohanes nena mayong unta kenale nena serou unta ele te wapa beyu puku, nena za anuyouna orlomai pele melena madu pele.
5
Netai ye tetero meye dewamainya Yerusalem yolena yo neman delati dewamainya, Yudea yolena yo pele da nou ne kainya tetero meyenamane Yordan pa bei tetonu.
6
Nepelena kaye neo meyenamane nenai pekate ate mekai sewai tepeleitele Yohanis nete Yordan nalewaime butekeloumu.
7
Ne sonine ne doute teu Parisi tetero pele Saduki tetero pele mekai nete butekeloiminate, neye neyote aye sanumu, "Wai wepedaye wali yaselena yopedaye, sime wete sanumpuku dapa mekau, we wei wasematema keipeiye dewa mau balupuku ne peko dewa menemate?
8
nepeleinya e mendote mane mekome ona peko ena wapa nate aloupuku ena peko meketemate ate masawane tepeleitele,
9
nepeleinya e apeu-peu tena wapipeinya, nepeleinya wei kena yeume ate seinende; Abraham pene ayei awa!
Nemenate dewete ate denam; Awa mangtetero Awa Abraham te saminu wena nu da olu tenainya mane! Kisiye kisikane temainya mane, neyaye mane kainya manemelenemene.
10
Meteka bula o yenso bulup dua mai sesuku ne o tapainya meyename nena yu poite na ambai, ne o baya desenai baya balumai sing yeupa tamunai.
11
De wete bune kelotempine wena pekote baya sikitepimate, ne metole muma nena mendo Waliyei nena wanekainya, Nepeleinye de nekewana ne yekotena nekoipei de meka bute baye sikite pine, ne wete butekelom ba beba mendo Waliyei pele sing pele nena wanekainya.
12
Mekane dua deko tepuna za penampi. NE nepeleinya noute bayasikineme gandum te bebeipa kapilinaime lumbung, yeupa balunaitene; jerami kena tipa ne meyenane sing yeupa nai tanune ne sing bayana kepeipeinya sing "
Yohanes Waliyei te butekeloumbuku
13
Waliyei Galileale Yordsn panamu Yohanis kewanate mu nete butekelonembinate.
14
Nepelena kaye Yohanis nete titsupuku, nete dsnune; "depedaye weye dete butekeloitipime nate, we beyakewanate dekewa meke?"
15
Nemana kaye Waliyei ate saweke, nete ate sanune; "Nenema sate ne yeko duwa kiyambina, nepeleina e Awa kena kenane keu namane e nete moupa mekapine." Yohanis ne ate saweke nete tawekene.
16
Nete bute duwa keloumbuku, Waliyei seraibeite buyeku esuwa ne sonin beine ma baya beseukeloke AWa kena mendo Waliyei awe keleu-keleu merpati apa yepusu meke nena tenai damba sakekone.
17
Ne neyename bentekeite betai akulung Saidia Keleudia lena akulung te betai, dena yei yupu beina, nebesi ka tenate kenate ka."