1 Nepere, Yesus tarumpuku mekabi sunabi yaunaterene,nepere wakete yekote ikimme nepere neyeko dambere mase-mase dekonami peko-pekote poi mekoneme ne dambre mase-mase deko nami pekote poi mekoneme 2 Nete saniyommu ende enseyinde Awa knayo tetrote poi mekomuna. 3 Ne ate nete saniyommu,''sa sisitna oripenya nipi nerote warmana katetna dopeinya satna dopei pena pre ongdung,bei mayong po bisrei. 4 Nemenate wete ate kami nemeyeuwne kau kiyauw,nepene neme kende nepere otote dua endena. 5 Ne nouwna tetrosi wete a tompeinya,nenowre baya ende ai oto nekanyate apa tekrende nepere wande mendote mekonai.'' 6 Ne otote duakanya kaye nenouwte yembiyani yore-yore wari ate sani yami sanamuna tetrote poi mekeyami di nouw sisire. (Andwa pona pre Yesus) 7 Andwapona nenouwte tepuna,betoupuku kembarite nena nouwne di mekeyai neme nakaye dekenate tikayonnu nepere tetrosi saniyani nepene Yohanis dua yemuku nekarore tetro souwna nerore, 8 Simekai seyiyaninya ne Elia nekwa dwa mekena,sidrati seiyainya nepene tetro serai dede yang sina nekwa ya yemuku. 9 Mopena andwaponate seyuyonu,''Yohanis baya dua propuka tenai terene-singte mekauw seyauwne,yauw waru da kembarite mekai-mekai?'' nete nate wake te teteite nembere beteta Yesus. (Makanan untuk lima ribu orang) 10 Nekwa dwa bira sikna kaye yauna mekai ate meka inseiyani nena kembari kai mekeyainya neperna kaye Yesus atkomna kaye nepere nouw sua kai nena wadote Betsaida nemena kaye nebeitere nepene Yesus. 11 Nemna kaye, tetro teren ariyainya kaye.neperna, kaye nete dua tawkani ne atkomme(dwame) ate santeme we nime indna Awa knayo tetro te poi mikamina wenete nouwtre-nouwntre poi orupunu(deyupunu) 12 Ne sonin ya deko denan ba orku reuw mekainya mekabi oto sunabi nekwapa mekai ate seyiyani,sanimpime tetro tereng nepere baya ari,nemena kaye emana nouwre,nouwre-nouwre nepene mayore-yore dayene nouwte ure ma nepene makene makaye sateh,da nouwne da nouwna nouwa yekai kate. 13 Nemena kaye ate saniyommu,''wewera tere nete sate atomdene ate mekapiki de dapena detre ambai dapna pena mekasu preka deme biserei,nemena kaye dua ma nai sate ma orune depen mekai kainya tetro tereng dopre,'' 14 Nemena dapene dani menyatna mekasu terem-terem tetro doye-doye nete natene ate yauna te saniyomu,''senampunu nouwne ane derone now ne ane kenai,doa bi tetro derone-derone.'' 15 Yauna nete mekeyainya kaye sani yami da tetro tereng ane kende. 16 Nepere ne euwdo kena meka subei pre ka biserei,ne bunapa mapati youmu nenei yaunate sani yommu dape tetro teren. 17 Metere oriyai aniyai kemeyai nemena kaye nekwa kopriyani pena po-potena yainya nena tereng mekabi oto suna biwengkai. (Sau youw petrus) 18 Ya besika kiyainya Yesus kembarite kemekeko nebei tere,nena yauna mekainya kaye.nemna kaye nete sirkemme,''di tetro tereng siramina simi demeka kah?'' ate sawiyai,Elia sudrati mekan seiyani na,nepene tetro serai dede yangsina nekwa ya yemuku,'' 19 Ate sawiyai,''Yohanis bute kreyomna,sidrati mekainseyani,Elia sidrati mekan seiyanina nepene tetro serai dede yang sina nekwa ya yemuku.'' 20 Yesus nete siriyommu,''wenane tikanuna simide meka tepana?'' Petrus ate saweke poi Awaknarna.'' 21 Nemena kaye Yesus armatere dua titauwyommu ,nemna wetepre seyinpenya yeko sisitna sanimpenya. (Akurung metena setetikanena Yesus yekote nete tawman nena) 22 Nemena kaye Yesus ate seyuyonu.''dayei tetro nemena sate dopre bisi-bisi wasi-wasi tikayonu nete baya sariyai yarise-yarise,Awa-awa mane kiyai,mendona-mendona yekote nete tewapiki ne esua yemina yamine.'' 23 Nena ah nete metere saniyommu,''wei beine tetro tawtendena dete,tawipenya wei dam beine. 24 Nemena kaye simi ye poite wanuru te mekonena,neye karun bine kanuru.nemenate simiye karumbine wanuru de sat sate,neye poite mekotembine. 25 Byemna potnate tetro bei done metere dayoda mena kaye ne pekote mekombine bei nenei watere? 26 Nemena kaye simi yang paita burete tikanuna de sat sate nemena ah sei yanna dena,yei tetro drati paita bure nepena tetro sih nete nate ne nekwa dwa eupa nenei detrene Awa nenei tenten prena poi. 27 De ate wete sename,nouwtre-nouwtrena da nerone tetro dapne mekau kauna si betepre teteipei maninne douwtepei Awakna nouw,'' (Yesus bersama Musa dan Elia) 28 Nime yauna kaye ya mekasu suna namin naya wande metere kuru yommu,wariyei atkomme Petrus,Yohanes,pre. 29 Nepena kaye meko damba iki nekaye ne mendote ken mekyouw nena bebisi bete mane nena mayong kreuw-kreuw meya-meya mane. 30 Nepena kaye nena bene tetro bi srei mekei tepei ate nembre seiyani.nemena Musapre Elia. 31 Ne bi mekeinya kaye wate mikiripiki euwne kireuw-kireuwpre ate mekein seiyoni ne otote dua nenatna ne kmenepina Yerusalemne. 32 Merase Neme Petrus nenei yauna yukute nemeteneyai,tiki bai neye esuwa ya ye mukuna kaye douw tekan tiani Yesus nenei kireuw-kireupre meketepeuw tetro bisrei nena wayene. 33 Nemena kaye tetro bisrei nete baya ambin nate Yesus,Petrus ate nekwapa ken kene,''tetrode teprei piyambaitre danouwne mekate metere mekat kate.teprei emetere merema nepereinamin mete besika wetna,besika Musa tna,si besika drati Elia tna nemena kaye Petrus dimeyipei beya sate seyununa. 34 Merase manim ate damane mekainya mangko preuwtekenete,nemenakaye ne euwpa kainya kaye mangko yeuwpa endikite nedeke keyai. 35 Nemena kaye bete yainya kaye akurung nemangko burure seyuyonu,'' da dedei yeite erupukana nete beton dena.'' 36 Nemenakaye kurungte beyatena kaye neperna tiante Yesus nebei tere kiyouw,neperna kaye nena yauna apa suram biki.nepernakaye nesi mena nesyeinya neseinpenya betepre sisi tna sani penya beye mane dipine di tianina. (Seorang anak laki-laki di bebaskan dari roh jahat) 37 Wa peyate menainya metere apa meko dambre apa menaiyonsine mekai tetro tereng dopre derongne-derongne tiyane wariyai. 38 Tetro si tetro tereng nerore ate mekopuku seyuyonu tetrode dedusu kroka seyana we suateuw dena yei,ne dena yei bei-beinya. 39 Nekena mene kene mene aru nena brupa,neperna kaye ate ketertitipine nemena kaye embrure mangkeng kiyapa menai aru nouwne nete peko te nouwne tepene netela baya ambi peinya. 40 Neme nate wete mekauw senawte,wena yauw nate sani yamme weda aru te baya tikemsuru netiken sipei.'' 41 Nemena kaye ate Yesus,''mekopuku wemendo tepnainya mekoni penya tyai kroke serai tiki drati de wembre wena nerone kete merase tetem kete? dwa yeite donimi!'' 42 Nemenakaye yei newai wayepa meke Yesus sekai nete apa sasu puku kani dampa nakaye nete tipiyonu,nemenakaye Yesus sani yomu aru peko armatere poite mekombuku neyeite tamuku nai kwapa. (Yesus membicarakan kematiaNYA) 43 Nepre dekyami tetro metere Awakna detere,nemenakaye nepene tepeyainya tre-tre oriyai,Yesus nenei yauwnate sani yommu, 44 ''Bentekeite betonde mendote poimekande dena da ah seyanena: tetro yeite tetro yei tena meka damba tanambine.'' 45 Ne mendo poinya mekonipei nena ah seyi yau nuna,nemna nena yeko yeterene narumbuku ne damte.nemenakaye nenimeipei aroipei,nemenakaye ne armapei,nete siri nai nena ah seyuyouwna beye mane nete saniyouwna beye mane nete sani youwmu. (Siapakah yang terutama?) 46 Nemenakaye, bebeite titiyai nenei yauw nerone dere yani Yesus nepenakaye simi yang detre ena nerone. 47 Nemenakaye sah yei Yesus duwa nimei yumpuku nena mendo,nemenakaye neye yei newaite deko menena wayepa tambuku. 48 Nete sani yowmu simi dayei ne waite meka pa poi donena,''neye dete sanutupuku,nemenakaye nanken trenewai wena nerone metere,neyang detretere. (Pihak yang sama) 49 Yohanis ate mekopuku,''tetrode detianena tetrosi wena wadone masetetiken suku nemenakaye denete ketambikite da tetro embrena wari penya''. 50 Yesus ate nete saniyowmu,''wenetena ketembipenya,simi wembrena ah dreni penya ne wena sune waruna.'' (Yesus ditolak di Samaria) 51 Nemenakaye sonin watouwpa nouw pirian muna Yesuste bunapa Sorga panate,nekenti youwna Yerusalem suapa ditiyouw. 52 Ne sani yomu mosrei krumpuku tua dua kai nena nerore.ne duakainya kaye,nepere yosipakai Samaria tetro nemina tnate kembarite mekeyai. 53 Nemenakaye tetro-tetro Samaria si nete ate dereyani,baya sariyai nenanipi neme Yerusalempa nate. 54 Nemenakaye nenei yauna biserei nena wado Yakobuspre Yohanis,newaro kenapa, yonsine manore nete pekote mekonemena?'' 55 Neapa burusuku nete apreyomu. 56 Yo sipa nekoa duakai. (Tantangan bagi pengikut Yesus) 57 Nepernakaye Yesus nenei yaunate atkomme neme nipite nouw ne duakai,ah te tetrosi nipi nerone seyuyonu Yesus,''dewete tawtewe momna nouwpa euwna de wembre-wembre.'' 58 Yesus ate nete sani yomu,''serigala nenei buru perna.awe nenei nah perna,nemnakaye tetroyei nouw ambai nenei tenaite sensina.'' 59 Nemenakaye ne tetro site nekwa sani yomu,''dete tawutu ne tetro ate mekopuku.''santewpine detena tua di dedei Awate perteme.'' 60 Nete nate, Yesus nete ate saniyonu,''nepene tetro tete nepene pernaina tetro tete,nemna we dua euw,akiate enseyunu man kna dianoru non.'' 61 Si tetro si drati ate seyi yani,''de wetetaw tewe,mande wete santewe.dena mena tetero te tua sanimpiriye,'' 62 Nete nate Yesus ate saniyonu,''simi yang kenare keteng krone da kembarite mekonena nemnate meto nekwa birinsina peko terete tikan nena awaman kna serai tna dopei.''