1 Teofilus piyambainya yei tetro ena nerore tetro tereng dopre da akurung yekote meranainyate drane. 2 Da akurung neye ete saniyanina mana seimana memetena dayekote nenei douye tiani wari ate seinani mane(seiyani na mane). 3 Nepe,de ye da ayeko seiyanina mane deye poite nete,arya ne yeko mete mekeyouna tupuru de dei knare ciyeukeroko smopa mre tena nere poiye merete mine we nete aronde. 4 Nepre we ye ne ate aropunu da yeko de te kiriyamina aa nourena aa. (Yohanis bukroi-kroi dote sengkainya a kieiung meke) 5 Herodes kna sreine,Yudea kna andwapona,Awa man kna meine kembarite mekeyanya detno nena wado Zakaria abia kna yauna nembire Harunmai kna toruna mire nena wado Elisabet. 6 Ne mire do man kna bekouna kembari poite mike yoinya detro nena yerew kiyonya man kna aa yekote semate kiyou pekotena mkoipeinya. 7 Nepe, da mire do kiyonya yei ambai Elisabet yei banya mire dan mena may tiki kiyonya man.kena aa yekote semate kiyoinya dete de sreipa dwa meke. 8 Ne dete man kna mene kembaru pre mekainya yauna detro Zakaria wai te kirapiki man ate sanene nate. 9 Nepe na kaye kenei nerone mekai eriyai,nenei mekaina mane simite kirinaipini kembari te ne mekone neyei nete kirapiki deko mro mrone sinte nene entingne. 10 Ne danya detro trng basune kiyai man te ate saniyani ne somingna man kna yeko singte sime entuku. 11 Nepe Zakaria way kna bekoune malaikat singbre ensuka na tipa yene msusunu mke tepeyou. 12 Zakaria way dou tembuku nuru ake kone nepe endikite dua mude nou knoko. 13 Neme nate, Malaikat nate ate sanumu,''Zakariaway we beya endikiti dekeye wena mendo meke yenena aa Awa man ate dua saweke wena mire, Elisabet, yei dote snone ne wei yei nena wado te tarumuna Yohanisyei. 14 Nepre we kna karite derenu nepre detro trngme kna karite derenami yeite sngkona ate sainani. 15 Ne daitena ne dere orumbini detro kena bekoune warene mamauna bu anggur amipei neye ware nena ayomire pre warnei nawa kna yasere dewa mine. 16 Neye warene kembarite mekone Israel detro trngme dwa birinaipini nenei man yekote tawenani. 17 Nepre ne ye man kna bekouna oto toune warene ayomire nete kriyonu Eliawai,' kna kembari yeko mekeyona nepe Awa bra yei bra kna mana bring binde detro mendo peko mekaninate tawepeinya detro yereu poite wrai nyate tawemende nepu man nenei yekote mekona man nenei detro mane warema.'' 18 Nepre Zakariawai Malaikat,'' tepekenate sangkene de mopere arombuka?da yeko mekombina de kaye neprenya paitua dua oruka yereu nepre de na mire kaye knawa kna wanane dua orupuku.'' 19 Malaikat ate seiyonu dena wado Gabriel, man kna mene kembarite mekane detro Awa. sanu tupuku meka wembre ate saiyane a poite we te saniwepine. 20 tprey da yana we abainya detro mane keu!neme keuneme da yeko saniyawena kiyambini de da yeko seiyanena we teprenya a tena we sawipei.'' 21 Di pini tetro teren Zakariate tani.ne tengkente srai,wapena Zakaria Bait suci mang kena ongko mene eyune tikitena. 22 Neyane ne basua meke,ne atena bitemena donbipei tetro teren dampa .tetro tereu basune kanya dua nemeiyambiki,da wapene eyusunu sasite tembuku da mang kena ongko mie.ne mekate mekou,ne amumute teko. 23 Nenei kembari serei ikanina ambai orupuku,ne wande nenei miepa duake. 24 Ya maserei dua,nembira Elisabet wapre doke oko mekasu ne watena klipipei neye seyuyonu, 25 ''Da mang kena meka somo de dampa.nepreinya dena neki di tetro yeikena bene baya supuku.'' (Yesus te senonainya ate saniyami) 26 Oko mekasu suna besika,mang Malaikat Gabriel sanumbuke Galileapa, euw kota besika nena wade Nazaret. 27 Nepena mire brang yuantpre banyante warina,ne dauweiku kena mierena. ne miere brang nena wado Maria. 28 Ne yane Malaikat Maria nena nuepake,ne ate emakopuke,'' poi we dampa kenabise,mang wembre wembre dunumupuku.'' 29 Maria diteikroke ate betopuku,nenei kena seyunu.da poi a ukuna nena nipi wato karo beya mane keu. 30 Malaikat nete ate sanune,'' Maria, endikitena dekoipeinya mang kena bene wete kena bisete dreune. 31 Tepreitere we yeite tepu yei dote senou,nena wado tarendena Yesus. 32 Ne detere deimbinina tarnainina donambina mang nenei yei detere.we dunumpini mang detere nena dampa Daud, kena betrate mini da nenei mang. 33 Ne ondoafite kena Yakob nena nu dampa nemena bei te tenone mene ne seray betepre ambai orupipei.'' 34 Maria nete ate Malaikat sanune,''da waro beya mane mekombini dena do kaye ambai?'' 35 Malaikat ate saweke nete sanune,''Aru wariyei we dampa da mene.mang detere kena detere wete dunumpini wembre-wembre,neyei senouna terenainya yei mro-mro mang kena yei. 36 Tepreitere Elisabet wena mire keka,ne detene serei ne yei dote tepu,da oko mekasu suna besikapa muna.nete doiyanina kentong miere. 37 Mang apeu-peutena ambai wapipei.'' 38 Maria dombuku,''de mang nenei mikana tetro nemberi tetro,''wena asei yenei mana depa dua klimbinina ne Malaikat nete neme tembuku,wande duake. (Mariapre Elisabetpre) 39 Ya maserey dua,Maria otote dawekene,mekopa kengkene yu kota besika Yudea kanine. 40 Ne noune Maria Zakaria nena miepake apoite Elisabete mekompuku. 41 Elisabet,Maria kena a poite dombuku betoupuku neyei yase eune bunapa senombuku Elisabete Aru wariyei nete saupuku. 42 A betere taru.''kenabise we dampa di miere tenouna nerore,kenabise wena yase dampa 43 Be kaye sinmeka ne draite mang nenei mire dwa meke? ate doute tenyate meke. 44 Wena a poite dena bentekeipa meke,da yei yase eune buna senombuku kena kari kou drenu. 45 Ne kena temena a warite saweke nepre mang kena ate nete dua sanembiki ne dua betoupuku ne nipi karo dua mekonaipini.'' (Maria kena wari dimisemo) 46 Maria ate dombuku,'' dena Aru mante piyambai senane. 47 Dena mang wariyei depe kena karite drane mang nenei teme tetro sate,mang poi mekomu. 48 (Poi natumu) poi ye natumu tepreina nepreina meterna nu tenou waruna,dete kena karimete sanaite. 49 Mang detere piyambai de dampa kembari deterete kru(atute) barumu,nena wado mro-mro wado neki keipei). 50 Nena kenabise,nete endikite dekainina tetro yei dampa nena ne beite atumu. 51 Nenei meka semona deterete kunu.nenei wapa neterete seyunena tetrote kera-kera wasu. 52 Ne tetro dedete apa sanumu mai,anekainya tetrote bunapa tamu. 53 Ne tetro munute tukainina dampa,poi kasopre atomu dra kasoprena tetro sanumbuyou meka bei baya eu. 54 Ne kenabise mendote mekoune Israel, nenei kembari tetrote nebeine mekoi. 55 Ana mang kena dampa ate sanumbuku,Abraham kena nu dampa nemanebei kenemene.'' 56 Oko namin serei snona Maria Elisabetpre kiyoi,nepre miepa dwa burusuku meke. (Yohanis bukroi-kroite sengkai) 57 Elisabet neye yeite senonena oko noupa dua mekopuku wande yei dote sengko. 58 Meyene kanya tetropre,nenei tetro-tetropre ate betapiki mang kenabisete Elisabet, kena dampa ikene mena kenabisete mane ne tetroyei kena karite draine. 59 Ya mekasu suna namin ne tetro mekai,neyei kena wa etete keteipi.nyei kena wado Zakariate, tayenaine nenei nai kena wadopa. 60 Netai nenei nenan atemekoupuku,''ambai neyei kena wado Yohaniste.'' 61 Ne tetro ate ,''Elisabet senani ne wado wena touna kepei miena.'' 62 Ne tetro mekate mekai Zakariaste senani,beya wadote niyeite tarmani. 63 Zakarias batu tulis tenate sanumupuku,nepa da ate merepuku nena:'' wada Yohanis.'' ne tetro tetro meyena mane nepena tengkente serai. 64 Ne sonin draite nena emburu baya tusuku.nena peu baya yumbuku nepre ate seyunu mangte doye-doye orune. 65 Nepena tetro endikite dekai kroko nemane mekopukuna sah tetro kena emburu-emburure Yudea mekone seiani. 66 Tetro metere dua bete mendote mekeyani seiani,''damena da yei bea wamane orumbini?'' mang kena meka pana bwunu nembere nembere. (Zakaria kena wari dimi) 67 Zakaria, ayomilena Aru wariyeite deko ne mang kena arune seyuna, 68 ''Mang deterete Israel kenate doye-doye orumane ne nenei serai kwa meke nebe baya atekome. 69 Neye wari tenate te depupukuna atenate Daud, kena nu mang nenei kembari tetro, 70 Nemane yansini mang kena akurung sarumpukuna mang kena yeko serai nena amburure saniami 71 Ate yembe tetro kena nerore baya atomi nepre yenate tetro kena mekare baya atomi. 72 Nena mang kena kenabisete ana mang dampa mang kena piambainya seyumbukuna nete ye abinakante, 73 Tepreinya ate neye sanumpuku,Awa mang neye ate atumu. 74 Nemane aye yembe tetro kena mekare bayamaye mang beite kapmane,endikite dekoipei. 75 Mro-mro beine tepreinya blune mang kena detoune,mai bla-bla nemane beite tendne mene. 76 We dedei yei,we mang kena tetro detere wadote denawi,we bete waru,mang metou suru nena nipite dua baya mekonu. 77 Ne serayte mendote krumu wari nipipa ne tetro yei kena peko-pekote baya sumu. 78 Nena poi nena kenabise mang kenare dukunui nemane mang akwa meke soni yayapre bunare tetou tekembuku 79 Nemane da tetro yei akepe-kepene kanya,da tete damene kanya,ana otote nipi temepa.'' 80 Da yei newai serabei dua detere oru,ne dampa Aru wariyei wakete atone ne aya damene. keuna nepre nenei wate Israel srai kenapa mene kelimbi.