1
Kawe hoho ropo Lopana.
2
Peing anara ke lengkotu Yesaya" Me kapeng Tewe. Nileng Keba nine we ketito lengma ketepi kote Me.
3
Kebaung kekapa hiwa ile hangpeng Hoe,piwe mepeng lengmaTata kekepi pa mepekote telele.
4
Keba pa ke keleng tehe ete Yohanis, keka hangpeng hoe pa keleng pate ebaka,pa ehehele pa neleng e e ko jojole.
5
Tebapa tekaja Yudea pa tekaja Yerusalem patete Kea, Pa teni pate petewa pate,neleng nene pa nehehe Yordan.
6
Yohanis Ro kefa ro jako tapa,ong pu ro ing iro kewete pa jajong ke ke ing pa madu.
7
Hoho keke,keleng pate ni we, epa nileng e he he le pa kebaung kekafangte,keing Bapoke epa ke keleng e hehe,pa lang hepo keke ara ni ho fafa kale.
8
Ni te pa ni le te he ra pa ke weing e pa kelengla bapoke.
9
Jawe lewang bang Yesus ke te ke ka Nasaret hangtu Galilea pa Yohanis pa kekeleng kehe pa Yordan.
10
Yesus he weing ke heti me pa,to ko ke e kekaleng te petang we keje,bapoke ke ana tang ke eti fe Kea.
11
Ke we ing pina wa pai keke, me ing ko nine pa meing ni pung lewo.
12
Yesus ke kakoti hangpeng.
13
Kelei hanpeng pe kebate ke ke lulu, kelei bang mambire nopo pa kelako jako-jako,Teba fang pa ke noja tete.
14
Yohanis ke teke,Yesus kekakote galilea patata jang ke kele.
15
kėlëng kė bang keke wakotü Pa,Tata bang këtu watü epa Pa ëlala hóhó.
16
Bang ung Yesus lëng-lëng kékai pato Galilea. Ke kaleng Simon képa tea.
17
Yesus kélëng Pate tea, "Ele, élala Nipa e Ni léko é hapa téba tang é wéli".
18
Simon téna Andreas tang ing ewe ie Pa élala Niáng.
19
Bang ung Yesus ke ka koti hámba wo. Ke kalëng te Zebedeus Pa teängkü keke Pa Yakobus tena Yohanes täng tetépie tángwo.
20
Bang te ung Yesus kéléng enakë éba hitüng ree Zebedeus kélëtáng to Pa téba ai Pa téla Kéa.
21
Ke ka kotü kéju Kapernaum paja kélüng.
22
Jaïng ja lopa këwë nalüng anara kéïng ma kele, téïng téraka and tëba hoho ropolafo eté.
23
Báng úng Pa tena ke teja kote lupóng-pöing Pa kéba alïng këba alïng kébaté ke héti néto ke ü I.
24
Ke léng Me piha mepëpë pe newe he Yesus mema Nazaret? Mepa newe me takükü pë? Ni lë Me ing töwo mema Tata pë.
25
Yesus kebate ke kaju Pa keleng. " Meléng mekëng me peng kea".
26
Kebate kekopawa-kekopawa keing kekengtu Pa ke u pape.
27
Bapa Pa koing te engtape Pa tejeng e " Ja we ?" Keing ja nati Pa ma kele? Keleng tebate-tebate epa Kea."
28
Pifeng keke pewapa wulolo kote Galilea.
29
Tewe Pa lupong-pongteweie, tete Simon tena Andreas Pate Pa Yohanes Pa Yakobus.
30
Bang ung Simon take pe ume pe loweng Pa pe no e te teni Yesus kelu.
31
Pa Yesus kété ani no pépe kéwé Pa pe waléng üng-ang wefa në pépe lente Pa ani pe te jano pere.
32
Báng ing pina rapáng te, rang we uti téba né e Pa téba ja pöpö téla é tu Ne Pa tété Yesus.
33
Bame we bapawe tele fata païng topü.
34
Yesus téba nawo kéléko te né hae Pa to to lélépa bate féng-féng ing ke kaju. Péapa kété baté-baté löng ra kéwélëngka pira tétéka Pa téing teri king Kea.
35
Báng ung fétáng hángpa wo, báng ing lopáng tafa, Yesus ke kalëng kéti jéng ïng pina raka lupöng-pöng kéléféa.
36
Simon képa téba narang-ranv tete Ke teju.
37
Tete Ke téfi Pa Ke téni téba nawo Metejh eté.
38
Yesus kélëng, " Ele ne ne ne bame Tutu watüpa ung Nira ja ni na lüng-lüng ke fea. Péa Ni we lé.
39
Yesus kekakoti Galilea ja kénalung I lupöng-pöng Pa Pa téba ké kaju.
40
Keba alïng ung ke né e kusta kéti Yesus.
41
Yesus pipaté kélépa Yesus ne kewete fi Pa kelengte nipungle, me ung-ang wefa ne hae.
42
Ung-ang wefa me ne hae é to to kusta.
43
Yesus kéléng mé kököfamémé pinaféng wo me pépé ke.
44
Ke léng, mé éngkoko ba üngra me péng-péngka jawe ing Pa meme ne meme menapúng-púng Imam Pa mé téfifi pa téni me ne hae.
45
Ka ing Pa keba ing kéti kapa léng I téba nawo te japa me jéng lolo. Peanya Yesus longra kéwéka ke kéng këng lé ketiti bame. Kele II jéng-jéng roropa. Téba téja lolo patetet paé Kéa.