¹ nebateho yesusing tatauke tata kelentu; pa teba tata pipate teteete, ananyara yesus kera tatakelentu. ² pete nawea, neru tata hahakeing pipate nete, anara ne tata pipate nete pa pikeke nelanete. ³ kewe tata efengkike, ne petikeke nelanete; pa pikeke rampapika. ⁴ peanya, jawa tatate vitoja pepuju; pa peanya tatanafengke vitowe pepuju. ⁵ vitowe penenaju keing tatanafengke yesus keing tatauke? jabatotoing pikotutu yesus neuke ⁶ yesuskea hipa papa kekatu: yesus kristus; pawofaka hipa papa. rohkepikeli keba bamua. ⁷ peanya, tebahentu peteete surga: ⁸ pa papa hipa; tebahetong ali. ⁹ Anara teba pite neruingm, tata pitikeing nafewo. peanya, tata pikelili kewele okewo ¹⁰ teba tatauke pike tering tata nafengke kotutu hupala tite. teba tata pike terikaing tebaing teotefa. tebaing tetatapike terika ja tata kewele uke. ¹¹ pa, pitiwe pitunawea: tatake vitobatutu kewelene, pa vito batutuing pekotu ukewo. ¹² teba tatauke tekekote keing temete kewo; teba tatauke telaka keing tata temeka. tata hahakeing te nulengka ¹³ janowe japo nilikoteing tatauke efelang ura vito batutu efufule. ¹⁴ pa, hupalawe tata welentu, janewanete ahanetenete hupalakike, kelealili ne. ¹⁵ pa, anara neru tatake pineneing keluili, janewaing, neru janewaing kelu janewake. ¹⁶ kebaung kebahi nulengke kefu jafefeung lewawangkatu, efeara kebaing kewawa, pa tatake hefengkike kewelele kebanulenya neba wuwute lewawa katu. peanya, nuleheing nepeputete newuwungte; nilelekale nuleing kengkengkale. ¹⁷ keing jaing jaong, nulekaung newungwungkate. ¹⁸ tata hahakeing neru janule tetetekate, keba katatate tutangkele kebafeng nukewelengka. ¹⁹ neru newena tatate, vitotupawe temetete kebatefa nuke. ²⁰ pa, neru tatauke kete pa hupala kewele ne peaung kenete keba bamua; pa nemotete keing keba bamua, uke yesus kristus. keing tata bamua pa vitong batutu. ²¹ eangkunine jafefe kebatifa neukeing elalaka.