¹ Yesus beneng sinagoge eise eweusike, neang kena domyea embai nea me pasi oneuboke. ² Neangkena domiyea Yesus te ijoko embamba etewainye, ni domyea Yesus ye onomi Sabat yaa ne Yengnende bea neande deusi yea Yesus te atungnanyebonte. ³ Neangkaije, Yesus neang domyea neande nea me pasi te nimenyeboke kiyea te weunge, “na noro ne meisebeinyu.” ⁴ Yesus neande yo te weumi, “Poi be makhamare, pekho be mokhamare Sabat ya ne? Domyea tore te mongbabonte, domyea te tomarte?” Neande be, neyea mareu nekewaije. ⁵ Neangkhaije bea, Yesus neande yowana yo te eteweumi ikereyea khoweure. Yesus nea khena pekho yeuboke neande yo neai kena erea khowaije. Neangkaije, Yesus neang do me pasi neminyeboke te weunge, “Wea me neinyeme.” Neang do nea me neinyemeke, nea me neasbi onomi yeuboke. ⁶ Neande be, Farisi domyea nesbi ewaije Herodian domyea a embaise damungwaije. Injeama wakeyea Yesus te tonaibonde. ⁷ Naende be, Yesus neuga keungesikaije nea u na tomo na yo bere bukaou te, Galilea khani na dotereng – miyea tereng Yesus te takhoungebokhaije, Yudea na, ⁸ Yerusalem na, Idumea, Yorda wii rang pasi na yoo bere, Sidon na yoo bere, domyea tereng Yesus na me u mokhowere botowaije, neangkene Yesus re te mewaije. ⁹ Domyea tereng ne bea, Yesus nea u na tomo na yoo te wekeumi ipo embai neneaimeangde menaineaije Neai ugwa te, domyea kiring-kiring toisoi ekoijea. ¹⁰ Yesus onomi domyea tereng Yekeumi ne bea, eta yo yung jo nesbi kiring-kiring toisoi koime khaije Yesus re euga te ikenaibonde onomi dounaije. ¹¹ Angkhai neande burowarbo Yesus te etekhainye, Yesus re bene ototerendea isewainye mo khari keangwainye, “We yea Allah re Keru”. ¹² Naende be, Yesus nea te aseweumi neande a ereijea. ¹³ Neangkhaijea, Yesus wiri rang te ye ke. Yesus kena te Khowere domiyea Neai buko te mekhaije. ¹⁴ Neyea domiyea me bee – bee bere Ereukoke, Neai uga ne sikeaneaibonde yoo, Yesus neate wengminde Neai akho peukho te ernayende te. ¹⁵ Me yung dang ne khoroumikoke buro warbo tukenaiminde. ¹⁶ Yesus do me bee – bee bere ereukoke (nangkiyea te Yesus Petrus yea doungeboke). ¹⁷ Yakobus, Zebedeus re keru, Yohanes, Yakobus neubake, (neate Yesus ne do boarneges yea doumiboke, iseai – iseainya pa-pa). ¹⁸ Andreas, Filipus, Bartolomeus, Matius, Tomas, Yakobus, Alfius re keru, Tadeus, Simon, Zelot domyea. ¹⁹ Angkaijea Yudas Iskariot, Yesus te seiboke kiyea. ²⁰ Neangkhaije, Yesus imea embaise eweusike domiyea beneng neaisere neang yowa adirweunge. Yesus neai u na tomona yoo bere ouw te angnaikonte nea surui bang tuwa wainye. ²¹ Ne akha beake yea neante botokhaijene bea, mekhaije beneng Yesus te yaunanyetonte neyea eraije na ne ubene peko yeuboke. ²² Taurat do – do Yerusalem yea wokhaije yo yea waimi, “Neyea Beelzebul de warbo yea eweusike”. Neyea warbo te bea warbo neai yundang kiyea re buro yea tukeumi rombea. ²³ Neangkhaijea, Yesus neang domyea keneumikoke Neai buko te mekhaije mo a yea atuneuboke mo weumi, injeama burowarbo yea warbo te tukengesinte? ²⁴ Yo yang embai neai u ga neneaijea petenaije khainaije, neande yo yanag neyea kambu bang yembonde. ²⁵ Imea obe embai neai u ga te neneai petenaije khainaje, neang imea obe neyea tung bang yembonde. ²⁶ Mana warbo neai u ga te neneai petende kayende, neai u ga te neneai jea tung etaisiy, tete yea mende tuwaineikonde. ²⁷ Domyea embai tambai neande erea te khaije domyea neai imea eise yokho beaikoise neasinoibang eyeisiy, nea me oto yea ikernainyekonde mo wa nea imea einye yokho beanaikonde. ²⁸ Deyea a tere be mate wamare, domyea neai niki kombu, a peko peu peko ereyaije Allah yea neasinoi kiyengkonde. ²⁹ Neande be, sindeyea Allah re Boye poyse a peko wengnende, nea niki kombu e kiyeikoi, nea niki kombu tena bona. ³⁰ Neangkene, Taurat do – do yea eraije, “Neyea buro warbo yea aungeboke kore”. ³¹ Naendekhaije, Yesus ne nangke bere neugwake neai mekhaije imeamoinye tengwaije. Domyea te wakaimire Yesus te keangnanyekonte. ³² Domyea Yesus te ereyea sirenyebokhaije neate wainya, “Weijoko eiwe, ana neai weugake neai yakha na ekhaije tebaije, Weate beimiyayeuge. ³³ Yesus yea weumi, menangke sinde, degwakewa sindeneai?” ³⁴ Neangkhaijea Neaijoko Eiweke Nea bukona domyea nekhaije te Eteumi mo a Weumi, maijoko eteng, na yoo neyea Deai menangke, Deai deugake wa. ³⁵ Tanyebang, sinde sande Allah re Akho peuko te mokhonde kiyea, neande neyea Deai akha beake, Deai demeang, Deai menangke”