¹ Allahre kena buhea yea uw mekai neaite maka a yae elemakonde! Allah eare kena buhea bang mea emeikai yeale emmeyande neaite, uw mekai nebang yea na hibihibi mokomandere? ² Pele mekai bang! Here no uw nulu yeale waheukoke waneng eyea eai nebangde kena kandere haraime elea yeale waheandekokene, na mekai bang hele pele pelea nekemale. ³ Meyea rake neaite uw bene yea nekenayembe, eyea nnanemene yesas wali ondofolo einye bu kaimikoke hee, romiyea neai bene wo koibande Yesus uw neme rowende neaite na uw melem uw haare hereke waneng mbai eyea wali ondofolo weume a hului nekemale walora eai nebang de kena heahea kandere hareaime elea heahea kandere hareaime elea hakowande wali waneng herandeboke. ⁴ Ako Allah neai nene weawea walora wali ondofolore waleungeboke waneng mea eyea wali neme nekemande neaite, bu kaimekoke walora keleammiboke eai nebangde kena kandere haraime elea hakowande wali waneng beneng enekei. ⁵ Yesus wali ondofolo hereke waneng mbai eai uw mekai nebang kena kandere haraime elea yeale waneng waheandekoke eateai nekande Yesus aunguke waneng bea wali neme Yesus yeale mbainye nekemande. ⁶ Eyea nahibi uw bene nekenaimele eai nebangde kena kandere haraime elea uw yembonde neaite nawaneng neai yeabai bubeaite eyeiboi neaite, eyea nahele hele Yesus yeale nanembainye ohaline baimekoke waneng bena hene uw mekai nebangde kena kandere haraime elea yeale waheande koke. ⁷ Haubihine romiyea mbai herendena, pele romiyea mbai herendena, pele romiyea nebangde kena heahea koyere haraunge eleara me hayeungekoke. ⁸ Eyea eai nebang de kena kondere haraime elea Yeale waheandekoke, wali ondofolo neai mbainye emanekende. ⁹ Haubihinebang eyea eateai Yesus herekera aungukera benen neyea eherei hulu, nawaneng here neai uw rande elea bang. ¹⁰ Uw mekai nebangna elea neai uw rande riyau weiboite, Yesus rokombai hereke, beneng eherei, peleyeare rake hee Allahre mbainye kenafoite mokonendere nekeijeye. ¹¹ Pele hului mbai mai uw nebangde kena heahea kombere harayembe elea moi buleaungeboke, nawaneng wali ondofolo Yesusre hakaunge walora Allah kenafoite mokonainyelere nekate yo yea me beambe. ¹² Pelene mai uw einye uw mekai nebang beneng annemfombe yeale, meyea uw mekai nebangde kena heahea koube huluinye omokoijea. ¹³ Mai uw na meleng bai mbai sambai uw mekai nebang mokonatere eweaisiy jea hele. peleyeare Allahre kena foite mokonembe neaite, romiyea here nolora yaronggokombe wemekembe beneng wali ikembe yo waneng mea mai uw Allahre kinyennembe mai uw na meleng bai wali himalaungeboke me uw mokate hambung bea Allahre kinyennembombe. ¹⁴ Nebangde kena kaubere harayembe elea mare beneng emelesai, haubihine bang mai wali Tauratre walora wali heere folaikoke kelera nekaube bang peleyeare Allah mare kena buhea eare bang mea hembe kiyea neai me kele uw kelene nekaube. (Wali Nehalere Yebai-bubaei) ¹⁵ Meahea mekai eyea rake hee Tauratre walora wali heere folakoke a na me kelene enekei peleyeare Allah kena buhea eare bang mea hemele kiyea neai me kele uw kelene nekeande earene uw mekai nebang nahibi mokomandere? pele mekai bang! ¹⁶ Meyea maiteai sele, hinyere mai uw yebeai bubeai waneng mea kinyaungebokena meyea pele kiyeare yebeai, neai a eleye huluinye hubara heaita yanaungele, peleyeare nakomembena, here no uw no uwnulu yeale waheikoke waneng Allah yeale wahengkombe bubeai nawaneng wali ondofolo neai a eleyere hakomembene wali himalainyeboke romiyeare kembonde. ¹⁷ Allahre heleng foi wenne, haubihibang bere meyea uw mekai nebangde kena kaubere harawombe, elea neai yebeai bubeaite yeauboke, peleyeare rake hee kelewayembe a uw teai mai kena uw na meamea yea hubara neaita yanaunge. ¹⁸ Meyea nebangde kena kaubere hayayembe elea neai yebeai bubeaite nekewaubere me hayenggokembe, rake hee wali ijene nekembe neaite wali ondofolo yebeai bubeaite yeauboke. ¹⁹ Reyea keleamale a uteaite iteayembombere, kabewaungene, rake yebeai bubeai jea aruneubokale, nabere mai uw ne barakate nebangde kena kaubere harayembe elea neai yebea bubeai waneng mea kinyaungeboke, neai kena hului jea mokondeba uw mekai nebang emeikai jeale mokowaube, pele waneng mea rake hee mai uw ne barakate kinyenembombera Allahre kena foite mokonnele uw mekai jea neyembe. ²⁰ Haubihine bang nebangde kena kaubere harayembe elea neai yebeai bubeaite nekawaumbe heene naisong wali ijene neai a uwteai oboroi nekewaube. ²¹ Pele uw mekai nebang mokowaube rake hee mare mokombokombe fee hubaungele, haubihi bang elaubc haubihine bang pele uw mekai nebang nanemene mokonaimibonde romiyea Allah yeale wahenaikonde huba bang heai bang nekenayende. ²² Pelayeare rake hee nebangde kena kaubere harayembe elea me hayengkombe nawaneng Allahre yebeai bubeaite yeaubokene Allahre kena foite mokaunge uw mekai waneng mea nekembe nawaneng wali hena bona uw mekai hubaunge. ²³ Uw mekai nebang mokoijate romiyea Allah yeale wahenaikonde huba bang heai bang nekenayende, here no uw nulu yea waheikoke waneng, peleyeare Allah yea eai Yesus wali ondofolo yeale mbainye nekate romiyeare wali hena bona uw mekai hubainye.