¹ Rake kani kelana mere mokaimi yoni yoni nanemene Allah yea raneumiboke namekai mehi u helene, romiyea nemene neai a keleene nekemembe hele ² Pelene mere mokaimi yo neai are elea uw elea konatena, pele romiyea neai uwre ehe bukulu neneai hubayenggonde. ³ Foite mokate romiyea mere mokaimi yore fe efeajea peleyeare uw mekai nebangde mokaimi romiyeare fe feaimile mai kena kaube fe bang nekememberena uw mekai foi jea mokomembera mere mokaini yo yea mare uw keana yembe ei molonayembe. ⁴ Meremokaimi romiyea mai foi neaite Allahre kaliare mokate yore yeaiboke peleyeare uw mekai nebang eumokoubondena nare fere feaumile yo niyea mere mokaimi romiyea Allahre yebeai uw mekai nebang mokoi yoro ehe bukulu hainyaimile. ⁵ Pelene meyea ehe bukulure ahi elaube earene mo bang nawaneng Allahre Roh yea mai kena une wembe earene mare mere mokaimi waimi a huluinye hakombe. ⁶ Bararebonde meyea pajak mokombe haubihine bang mere mokaimi yo Allahre yebeai bubeai yea me mokoi mokoite wa yane beai mokommiyende. ⁷ Mai paka rangne honayembe kayeero yemmile yore yemmile hele pajakre yaronate yore pajak yea yemmile, cukaire yaronate yore cukai yea yemmile, eite emmihawembeyore ei yea emmihawembe, bereemmihinembe yore beyea emmihinembe. (Romiyae Ehire Kena Buhae Hemamile Bele Me Hukum Kabam) ⁸ Ehiyo neainya hambung yaraube meyea nahibi yea arunembe kena buhea uw buhea yea ehiyea ehire nahibihibi hennele, haubih nebang romiyea nayaya wali nibi mbainye ohate romiyeare kena buhea uw buhea hemmile yo Tauratre a nanemene hakainyekoke. ⁹ Haubihine bang, meyea ro yeale miyea yeale uw mbainye ohonoijea, romiyea ohoijea yoko ebeaijea, romiyea ehi neai hambung roweyere kena heahea okoijea mai uw re kena buhea uw buhea haungele waneng mbai yaya nambele wali nibi mbai nye ohaube romiyea yeale buhea hemmiyeambena, meyea Tauratre a ijene mokaukoke. ¹⁰ Romiyea yaya wali nibi mbainye ohojaube yore kena buhea uw buhea yea heumi kiyea yea nare uw mekai nebang yea omokoyeinye, kena buhea heyaini romiyea yea Tauratre a ijene mokaikoke. ¹¹ Ya nobene benatere maiiteainye, na ranne moloukokale a huluinye nekembo mai wali ijokune kaube waneng neakubera annumbe, haubihine bang eyea wali ondofolo hila rabo hengkele randehikera haleimeyande rake hee wali hole molommebonde ya nobeungekoke. ¹² Peniai koko na heki bang huba mokonnele waneng uw mekai nebang mokate romiyea uw nolo uw ikainye nekandera naheki bang eyea emayembonde, haubihine bang Yesus beneng mende ya nobeungekoke bele earene oubeng ne mokate me uw nebang mokandera hee nema. Mem felayo rohansan hehene fela hung raisiyeumi hambung hirate yo waneng, walobo yunde hung ramansinde me uw mokomande. ¹³ Eai uw mekai mokandere Allahre ro be royoinye nayakala yeubokene, eyea na mekai jea nekemale. Rake me uw omokoijea hele wanggo nebang kombe keu bu mali yoko kamea kombe kena henseng kombe. ¹⁴ Peleyeare Yesus wali ondofolo kena koye huluinye nekembe pele. Mai wali einye romiyea ehi Yesusre erenainyele, neai malo hireuboube waneng. Mai nebang de kena heahea kaubere ehakoiboi jea nawaneng uw bene enekeijea!