¹ Akaneai beakeneai reai yoho mbai Israel romiyeare Allah hole emmimolombondere, reyea kena kabang kale, nawaneng Allahre eiti yanale. ² Reai ijokone eramale huluinye wamale, Yahudi romiyea nakena uw meamea koumikokene uw harainyeboke yea Allahre beainyele, peleyeare Yesus kelewoumi wali nibi a huluinye bang. ³ Neai kobu huluinye wali himalainyeboke yo yea Allah me beammile nibi neainatere kena okoinye, namekai neai kena kate huluinye wali himaloibote nibi beaibatene Allahre na wali himaloiboi nibi neme a huluinye ehakoiboi. ⁴ Romiyea nemene nahului wali ondofolo hila rabo haleainye wali himalainyeboke romiyea yea me beammile neaite, wali ondofolo neai uw kinyeungeboke, Tauratre walora wali heere foloukoke a yoni elea bangde mokoungeboke. ⁵ Wali heere foloukoke are hubara heaita yaneunge earene wali himalonainyele neaite Musa yea howo feane rake waneng moloukoke, pele einye honate a nemene mokonate romiyea, pele huluinye wali hena bona nekenate. ⁶ Romiyea mbai sambai pele wali heere foloukoke a huluinye nemene ehakoiboi hului peleyeare romiyea wali imaloinainyele neaite, wali ondofolo neai a eleyeare isakowate yo rilibo yeale rake a elei. Hinyeyea surga re yendere? ⁷ Nawaneng hinye yea abulu na waugau hele kiyeare ondere? Pele a mekai wali nibi keleibote wali ondofolo re beanainyele yawenainyehondere. ⁸ Peleyeare, pele romiyea nahului rake a elende, wali ondofolo hila rabo halennele afeau mai uw keleanunga hele, neai neaite mai euga yea na hului nou hembe. Pele a mbai meyea, mare huwayembe, pele rake waneng hele wali himaloiboi neaite wali ondofolo neai a eleyere hila rabu halembe hele. ⁹ Mai Euga yea Yesus wali ondofolore Tuhan mea wo kaube nawaneng mai kena uw eita Yesus Yesus wali ondofolo here uw nolo ikaita Allah yea aungunuke yea nahele elaube, Allah yea hole enemmolombombe. ¹⁰ Romiyea kena uw eita hila rabo haleikoyatene wali himalonainyele, Allah yea nawaneng yea romiyea neai bene wo koikiyoye Allah yea wali hole emmimolombonde. ¹¹ Allahre homo feane, wali ondofolo neaite rake waneng bea weume, nare hira rabo haleainye romiyea, mehi hakore eifoloi. ¹² Allah yea Yahudi romiyea yeale, Yunani romiyea yeale me uw mbai mokommile Yesus wali ondofolo romiyea nanemene neaituhan nawaneng nare hole molommibonde neaite riyenainyele, yo, neai waline neai foi emerei emerei emerenende. ¹³ Pele a neaite Allahre yendo kayalo yoel rake a moloukoke romiyea hinye hole molommibonde neaite Tuhan Allahre riyeinanyele yo, hole emmimolombonde. ¹⁴ Naubea, romiyea ehi rake a elenete pele wali ondofolore hila rabo ehalei romiyea mbea, meahea mekai jea hole molommibonde are riyenainyele? Nawaneng wali ondofolo neai a aleasi oboroiboi romiyea mbea, meahea mekai jea hila rabo haleinainyele? Nawaneng romiyea wali ondofolore na a foi feau foi te ehi yea ha yea ehuwei koi romiyea mbea, meahea mekai neai are enaiboronde. ¹⁵ Nawaneng, Allah yea wali ondofolore na a foi feaufa te enaihuwende romiyea ewei ei mbea, maemae mekaijea pele romiyea enaihuwende, Allah yea - wemmile enate romiyea neaite, Allahre homo fea ne rake waneng moloukoke eha foi ba! Allahre na afoi feaufoite roukate huweimiyate romiyea. ¹⁶ Peleyeare reyea wamale, Allah romiyea ukeumi ekete wali ondofolo re na afol feau foi huwate hee, Israel na romiyea nanemene kena reimai jea ei aiboi. Allahre yendo kayalo Yesaya rake hee Neaire rake waneng moloukoke, Tuhan meyea pele yore emami huwende hee, romiyea keli name mo meai huwande are nahele yea yea elenate. ¹⁷ Pelene romiyea Yesus wali ondofolore hila rabo haleinanyele neaite, wali ondofolo re na afoi feufoi boronate hele. ¹⁸ Peleyeare Yahudi romiyea neaite meahea mekaijea elerekonde, wali ondofolo a foi feaufoi huwatere oboroiboinye? boraiboke hele, haubihine bang Allahre homo feane, wali ondofolore na a foi feufoi huwate romiyea neaite rake waneng molakoke, romiyea ekainekate anuwang yeale, peleafoi feaufoi aimi - huweukoke, namekai pele afoi feaufoi rake kani kela na hubane heainye ainyehayeukoke. ¹⁹ Naubea, romiyea ehi rake a yea hinamale, wali ondofolo rena afoi feaufoite Israel romiyea ei iteiboi? Reyea wamale Israel romiyea iteainyeabonde neai a Musa yea Allah nare ukeumi are rake waneng moloukokeYahudi romiyea bang yore ei eremihawende walora, meyea kena hensen engkombere mokorembombe, Nawaneng romiye reai neaite itea yeiboi nekayeke yo walora meyea ikele kommilere reyea mokorembombe. ²⁰ Nawaneng Allahre yendo kayalo Yesaya be rabuleu boke yea Allah a eleukokere moloukoke, rearo ebeai romiyea yea raere hakaitele nawaneng, reai uw neaite a ehineyei romiyeare, reai uw yakalaumi bokale. ²¹ Peleyeare Israel romiyea neaite Allah rake waneng mea eleye na yane hele, kena elea uw elea nawaneng wameale a huluinye ehakoiboi yo reai me ei aremibonde neaite nekeijale hebeijale.