¹ Nebheinye,Wali Ondofololena a na bhemena khelewaimebhe nukhemande,Wali Ondofolole einye henammebhonde naei a usaei wasaei khelaeimene hakhomakhong.Aei hila rabho aehure raimehike naei a na bhere kelewaime nda niyae.Allah bele waheikonde u mekai bheko mokhatera nulu kenainyebonde naei,Allahre hila rabho halenainye naei. ² bu khaimi naei,romiyae uga ranne me kholaimile naei,ro miyae nulu yo mahe yo yora anainyunde naei,nane merau hubha bhang haei bhang ehee bhukhulu enainyehunde naei. ³ Allah khena khonggondena,nda hee eyae Wali Ondo folole einye henamabhonde naei a usaei waeisaeibhe khelemamile. ⁴ Nde maenin neyae nda rambun hubhawainye:na bhere Wali Ondofolole wali hena bhona niphi na a foi faeu foise isaeiyaeibhoke,nane merau hele yae na khena u einye naeumikokhe,rokho mbai surgane foi yoni-yoni hubhawate, Allahle Roh aumibhoke, ⁵ Allah yae elele a na foi yoni-yonire hubhawainye,bhena honoifoyole yane Allah me u mokhonende naei elaere hubhawainye, ⁶ nebheisa Yesus Wali Ondofolore moi bhulaeinyebhokena,na hului bhang sele nebhei ro miyae a usaei ungainyekondere bensonde.na bheko bhakora benen nulu kennebonde.Rabuhine ban nenaeijae Allahle khelura bheneng ohaline bhate waneng moibhe bhulaeinye nane merau mokhainyebhokhe ro miyae bhene fe mokhoinye. ⁷ Meyae ro miyae bhele khani khela bhele nda waneng mae ahunemmabonde:khani khela ya yae mololene fi fileungene mere ure mokhole kiyaele naeise o hakha ha hakha ani mokhate,nebhei ma khani Allah foi yni-yoni yeunge. ⁸ Nebheibhe khani khela fonom kaiwa mo fatena,nebhei khani rabuhine ban yeubhokhe,na hului olomo yae nennebonde,inye ungayonde bengkonde baensonde. ⁹ Akha naei bhaeke naei,nebhei a usaei waneng wayembe hororebhe,mai ugane eyeibhose maei khenara elae hubhannale,rabuhine ban Wali Ondofolore hila rabho haleyaungene,Allah hole moloyemmi ro miyaebe nekhauge. ¹⁰ Meyae Yesus Naei eleuboke ukeumi ro miyaere khena bhuhae hewaumine,nda hee bhele hakhoimeyeumi.Nebhei niphiyae meyae Allahre khena bhuhae hewaunge.Allah u mekhai na ijeng mo mokhole kiyae,mai me ure naei u bhenera enundekhoi sului. ¹¹ Meyae khena hele khande Allah nuleungekokhe a huluinye mokondere rabho elae halembe naeise,nebhei me foi u foi na hibhi-hibhi mokhomembe. ¹² Meyae behuaebe ehenaeijae,nebheibe ro miyae na hebhaen-sebhaen mae Wali Ondofolo Naei elelere hila rabho halaete walora Allah are hetengekhokhe rambunde yarate ro miyae bhune waunge hamennembe. ¹³ Yahudi ro miyae rore rowainye Yobhe Abrahamde Allah a heteungekhokhe.Allahre hi yae ha yae ehamekoi suluinye, Allah naei Ro yae a holo khoukokhe. ¹⁴ Neyae eleukokhe,"Na hele,Reyae foi yoni-yoni yae ware ereisawete,nane merau waei orona mena mokhoreminde heleng bholeng hurende nalende."* ¹⁵ Abraham na hebhaen sebhaen rakhewekhe wa Allah are heteungekhokhe hului roukhe. ======= ¹³ Yahudi ro miyae rore rowainye Yobhe Abrahamde Allah a heteungekhokhe.Allahre hi yae ha yae ehamekoi suluinye,Allah naei Ro yae a holo khoukokhe. ¹⁴ Neyae eleukokhe,"Na hele,Reyae foi yoni-yoni yae ware ereisawete,nane merau waei orona mena mokhoreminde heleng bholeng hurende nalende."* ¹⁵ Abraham na hebhaen sebhaen rakhewekhe wa Allah are heteungekhokhe hului roukhe. >>>>>>> b6490275baa87500b784879ca8d2432b3d873fb0 ¹⁶ Ro miyae hi a holokhaikokhe rambun naeise yembonderene,ro bhele rore kaeneikoyeunge.Nebhei mekhai yaere are kilate rambung foi mokhoibhoyate . ¹⁷ Allah khena khoukokhe Naei are heteungekhokhe rambung enaiyaronde ro miyaere yakhammibhonde Naei meraufe raungehike huluinye enaibhende helena,a holo khoukokhe. ¹⁸ Eyae Allah mokhoungehakhe wali nibhire oromale naeise wali niphi nukhandebhokhe nane merau Allah nuleubhokhe a huluinye mokhondere rabho elae halaende.Aere khena ammenunde naeise Allah ame-ame nebhei sului kiyaele a hetengekhokhe yae bhele a holo khoukokhe yae bhele Abrahamde ukeunge a elae mokhoungebhokhe.Nebhei Allah eleukokhe a bee ma hi omokhoi sului. ¹⁹ Allah nane merau Abrahamde a hetengekhokhe naei orona mena walora nda khani khela romiyae nemene foi yaronate.Wali Ondofolo Abrahambe orona mena yae mekene,eyae nahului Allah hetengekhokhe are rabho elae hele halemande, ²⁰ rabuhine ban Wali Ondofolole walora foi yarandekhokhe.Neyae Allah bhele mbainye nekhete.Melkisedek waneng imam khabande hubha bhang haei bhang mokhonende.