¹ Imam kaban yoni-yoni ro miyae naei are Allahle elenate naeise,ro miyae u nolo u kaisa yaraikokhe.Allahre inyainyele rambun nane merau ro miyae naei u mekhai bheko faeinyeiboise obo yoku bhele nebhei imam hili era akau erare Allahre ongkou wae ifelewainye. ² Nebhei imam khabang ro miyaene nane merau u mekhai bheko bhelene,nebheinye ro miyae khobhu bhele Allah mokhoungehakhe wali niphira wekhate yo bhelere khena nime habha yae ei hawemmile. ³ Nebhei aerene ro miyae hiwa naei bheko mokhowatene mo ban nebheibhe naei uga naei bheko mokhowole bhele obo yoku yae ongkoufe feleiboyole. ⁴ Ro miyae hi nauga imam khabande yembonde naei,nenaeijae naugare ekaeibhoi sului.Nendahina Allah yae Harunde kaeneungekokhe wanen,iman khabangde yembonde ro miyaere Allah yae kaenennengkonde. ⁵ Nebhei sului mbai imam khabande yembonde naeise,Yesus wali ondofolo Naugare Nenaei ekaeiboi.Allah Nenaeijae kaeubhoke naeise nda a mekhai yae weunge, Weyae Raei Khelu fa mana ya Reyae waei Akhore yeubhokhale. "**5:5 Mazmur 2:7 ⁶ Allahle homofae reufi hine nda waneng eleukokha, "Imam Melkisedekle waneng weyae imamde yeubhonde rimolone yangkone nekhewende."* ⁷ Ro miyae uga wanen mae Yesus nda khani khelane nekhewole hee,here me eisa na hului hole molonnebondere Allahre ebheli khali rime bhele a bhele bhowounge.Allah ugounge huluinye uga haraungebhoke nekhewole ne,Yesus naei ebheli bhowounge are Allah bhoroungebhoke. ⁸ Yesus Allahle khelu hororobhe,bheko hubhawonge walora Allah weunge a huluinye nekhendere Yesus isaeiyeunge khokhe. ⁹ Yesus na wali hiyei raneungebhokera,ro miyae Neyae weumi a huluinye nekhate yo nanemene naei wali hena bhona no kiyae,Yesus Niyae. ¹⁰ Nane merau Allah yae Yesusre imam khabangde raneujekhe,imam khabang Melkisedekle waneng. ¹¹ Yesus imam khabangde yeubhoke naei mekhaise meyae a heleng mare isaeimamberebhe,nebheibbhe meyae hasalere isaeiyeiboinye yabi-yabi hele kelemangkombere. ¹² Na hele mayae hiwa yore kelemmile naei hee yeubhokhebhe,nebheibhe mayae namman sele hiwa yo naeisa na bhemena khelewayembe a mbaeibe isaeiyembere khena khauge.Mayae wayeu fa wanen nimeme namman anele,raman elaere na hului bang. ¹³ Nde namman nimene anele kiyae fa wayeu wanen u bhene nekhaimi,wali himalainyebhokhe yo yae me baemmile niphi are na foi yae isaeiyeibhoi. ¹⁴ Raman elae ro miyae uga henaibhoyate yo naei.Nebhei ro miyae na waline foi naei bheko naei hului raeisise nenaei nenaei isaeiyaibhokhe.