Pasal 7
1
Kuasa Farisi yakafu nee Ahli Taurat yein Yerusalem Nan neferen wau san tili Naa Yesus.
2
Kusuk Nan negen gamuyo weinse wali miye yusuwo yinin musagu yit roti.
3
Emolo nee Farisi yakafu Nee Yahudi nan nanusuwo belem nan ninin masinin wigi ninin faruu, musagu nan nit na naat nan nanti ligin fagu nanne adat istiadat wiin nan ne ne gau naat.
4
Dewi Nee Yahudi, yusu yiin geit gem sau, nee i ye nan nindik nanusuwo nan ninin, nanit fei. Yakafu nan ne aturan yakafu nan naat.
5
Kusuk Nee Farisi yakafu Ahli Taurat nee yuwinit Naa Yesus wiinse nemiye ili winse ifai suwau ligin adat isti adat negaun naat wiinse yusuwo yinin ati yit roti.
6
Winse Naa wafai nufulus waimo wai wigi miye, lei munafik amuyo wafaat keiri giyo yosom nin yikafu nan yikafu gamba nan.
7
Nannusu kemsafan fagusa Yikafu Kamosini iwo. Wau fitin wai wigi nee molo.
8
gatet ligin nau Naa sagu ligin tradisi nan nan nanti ligin tradisi nan.
9
Inse wafai wusu yei nan npandai nama belet ligin Naa we sagu nan nanti kwata tradisi nemolo.
10
Esukmolo Musa wafai yeins nin nosom nini numum wakafu nem, inse nagi.
11
Inse telegem wusu di yanti yikafu yegen miye insse wusu wai korban wusu Naa wai.
12
Insse mamme suwau kemosini iwo Yafasos yikafu mamam au maru dimem.
13
Nan nfasus ligin Naawe wau wobot suwau wi in miya tradisi wakafuye kelakuan wulu saluk kai wiin Amuyo waimot mirin ligin faguye nan nufasos ite.
14
Inse Naa Yesus webe nannindik miye nanafai nannindik nanuwani yakafu nan neiti.
15
Suwau kembu wamuwein ali wibisik namulo ite wakafu yumum nanusu papus kusuk kemosini iwo awigi luar wakafu fisik namolo msagu rusu papus gibi wakafu nigisik.
16
Nee Wutut wisi wobot wakafu wagani.
17
Naa Yesus wamu gatet ne yimoot yuum yusu keit weinse miye li liwinit ligin ben osini iwo.
18
Msa wufai wusu yei emo nanunukwai suwa - nanep suwa emiya kemwiin ali kusuk wuum igi wu wilit nin, newai suwau emolo uma tebarak muwa.
19
Aluk ma mu yo ligin ni wobot iso walom wau namuso wau nana lam wolom.
20
Insse uma kemosini wo yo wigi ali nigri Naa molo inse notasus najis.
21
Eingaru nein yalun wodor namolo, wasasolo pikiran wobot tau dosa-dosa nesek nai nee yabot rau Namawi ine, wacilik, nabun,
22
Nesele, nai nee mafasos nee, muntabarak,
23
Liindik hat jahat wasa solo wiin wamolo yatasos papus usu kameye.
24
Inse Naa Yesus wamu gatet wigi mala Tirus yakafu sodom, masagu wuum yigi mele keit, insee yee suwan Nee mele weep wemiya amuyo inse weteren yakalah.
25
Amuyo nelagi mai miye yam ayasan Kerasukan roh jahat nuwani gamuyo Naa Yesus weferan musagu nani wari wau naa Yesus wilik.
26
Nelagi Yunani molowinna siro Fenisia mebe wusu Naa Yesus wai musu yali Roh jahat weein me miye.
27
Winse Naa Yesus uma, wusu nelagi imai Anak nat namuton masining nan nilit emuya wobok suwau. sini suwau wobot nisik roti wiin miye inse nagatu wusu ufum lei.
28
Inse nelagi muwinit wusu Naa Yesus juwe molo, "Naa Inse ufun yiwau meja migi busuk yit sisa roti winna miye.
29
Inse Naa Yesus wufai, emiya uma sini miyo wein man bisa usili wamugeiting Roh jahat wegiali nin miye.
30
Inse nelagi ime musu keit makafu mimiye pau, wemuyu roh jahat awana we figi Ali wi eini wdor gisik.
31
Inse Naa Yesus wana tirus woke kiwi Sidon wakafu bowon Galileya warawe Dekapolis.
32
Wau anju nee yatuwo ne yaitut kunut yikafu yagama yusu Naa Yesus yebe Naa Yesus wau wulup winin wau yun nee yo.
33
Ense Naa Yesus wafase yein nee yemoat. Naa Yesus wusu wiini totelu wusu wutuut wiinsuh Naa Yesus wugusu wau winintotela winsse wafamuh wgafilit.
34
Inse wegen yusu yuk Yesus wafai "Efata, berarti "Wasaboo!".
35
Dewi wisi wauyo yutunt jasa insok yagatilit malan yikafai yasalu wobat.
36
Rusuh Yesus wafai wana fabinse yi wusu newai ati emolo Yesus wamati wusu newai ati emolo Yesus wamati Nee mirin yekawani ligin awana ni.
37
Inse Nee Ye sangat heran wuhatu yana" wi insuh nafasos wiin komosini iwo wai mugu wobat wahafu ku yugunutte bisa yuwani wahafu awa gana ye bisa wafai ligin.