¹ Dewe hari ati lauk Imam Kepala yataun yei Ahli-Ahli Taurat yikafu nee yindi anggota pemerintahan agama. Mi saguh yindih yili Yesus yiakfu Nee isaat Yesus weinse yatuwo Yesus, wamu uteneu giri pilatus. ² Pilatus U winit wigi Yesus; Nin molo Nee betun min nee Yahudi ya? Yesus wafabin wusu Pilatus nin wilikat kamu nin mafai. ³ Imam-Imam kapa iye yufai wai moat. Yewawai wea Yesus. ⁴ Niin muwagu nunau nafabim suh lia? negen nee yusu sele niin wai moot? ⁵ Weinse Yesus wakabin suwau wisisk masunin Pilatus merasa heran. Wein matse hari raya. ⁶ Wein Matse Hari raya Pilatus wamau wusu yigi yili lome nee tahanan emuya kansa iye miyebe. ⁷ Diwe iwi wau udor bui wai moot mo nee jahat yasan tahan walima muya nee iye yikafu nee wanwo iyo iya bun muya yeli wau udor perlawanan, neut mele nee wigiri Barabas. ⁸ Amu waawo kelompok nee iyo yeferen yini Pilatus musagu yebe wusu. ⁹ Pelatus emo Nee sagu yama nan nee tit tinin fatet kapa suku nee Yahudi ya?" ¹⁰ Yu weep kamu yo wiin miye rasa benci wiin miye, Kepala-Kepala, Imam-Imam uma yafasos nee namu Yesus wai Pilatus. ¹¹ Winse Imam-imam Kepala Yusu lubok wai moot nee iye musagu nee ya u emuyo Barabas yuwi yu san yusu bebas. ¹² Weinsuk Pilatus uwinitsuk wigi yei, wofai sini mugu" siniyo wein musagu tit tufasos wigi Kepala suku nee Yahudi ku wai emo? ¹³ Nee yebetas suk "salibkan Muo!" ¹⁴ Pilatus wafai wusu yei, sele osini yiwo yuwai ya wafasos? weinse yikafu yebetas kuata suh ke "Salibkan Muo! ¹⁵ Weinse Pilatus umau usu yobot nee yeindik wai wein matse yuwi wusu wapiin siri barabas Weinse we cambuk Yesus Weinse Yesus wigi nee iyei, wai Ye salibkan. ¹⁶ Weinse Newut wauwo, Yein Pasukan yitu wo Yesus wigi halaman pengadilan, weinse Nee yebe yeindik pasukan jaga musagu yetaun. ¹⁷ Weinsee Yusu Yesus wuum susun gamwi warna ungu, weinsuk isaat Mahkotan jinik wuinsik yusu wisik wau Yesus wusuwaa. ¹⁸ Sini mugu nanusu soop wusu wai weinsee nma wobot kapa suku Nee Yahudi. ¹⁹ Weinsuk yawot suk wusu waiya nut weinsuk yugu suit suk su yikafu yolom yumutuk wau Yesus wasata wai waiya penghormatan. ²⁰ Weinsee ye nee yafaat jelau muyo nee iye yalulu ne juba ungu, weinse yusu wuum we sasun, wigisule, yituwait usu wasan salib. ²¹ Dewe wau wo, nee yasait nee mele gai amuyo, gai sagu weferen wein kampung waiya wekerja nee yuwi wigira muya Simon, Nee Kirene mamam weinna Alexsander wakafu Rufus, Nee yuwinit wusu wai ema wakafu Yesus nagalum Salib. ²² Pasukan yolom tinee yiliwait Yesus wigi masa, yum iwi wigiri muya Golgota "Masa swaa goros. ²³ Nee isi yeep ligin ati Yesus. ²⁴ Weinsuk ye salibkan weinse iye yei li waiya yifili wadawar wein we juba olo yuwai ye yisik ka negio-negio wolomti. ²⁵ Waiyelim mo jem tuluk nee iye yegau muyau. ²⁶ Wau gotogenap inye yafaat, yarak, wusu yesus, "Raja nee Yahudi". ²⁷ Yuwe yutum nee ali nee jahat mele guwau anggak meleguwau angere. ²⁸ Molo emuya wafaat wau Alkitab, wein wagi wau wa kafu nee-nee jahat. ²⁹ Nee iye yefe iye yafai ligin wamutusu suwau, nee iye yasafilin, yee suau, weinsse yafai sini mugu Ke niin muya nufuluk wein fun naa, Weinsuk weinin mambusuk nafasos wigi suk wau de tuluk. ³⁰ selamatkan miin nisik wamuton musagu nulu nein salib o. ³¹ Negaun-negaun Kapa yikafu ahli-ahli Taurat iye yisil muyon newai nin nusu selamat wilihat nin suwan. ³² Nusu gatet Kristus, Naa Israel, wulu weinn salib waat wan wegan sub wein wau waat nan ni salib namu yau nali ni sili busuh. ³³ Wisi wau majan matanani mafut le im galit wabuti weindih mala masinin jam mata nani. ³⁴ Wisi wau jam matanani mafut watani fat Yesu webe wai wusalu wuna am "Eloi-Eloi Lama sabatani?"kuwi wiligin bewai sinimugu, Tumwe-Tumwe emolo nin Nafugitin tik suk mo? ³⁵ Kusuk wau wo, nee iye yusuwon yei iyo. Yikefu sagu nee yafai, Negen De, Webe Elia." ³⁶ Weinsuk amu mele nee, mili-mili wau ulup anggur walai wau ya spon weinsuk wusu wisik iwi kamuwi wai yusu wigi Yesus weinsee woo weinse nee yuwi wafai," Nama yani wawo taik iw we Elia au fren musagu wisik wulu, wigi yali. ³⁷ Weinsie Yesus wekle wai salu yuwi wanaan wainsee wagi. ³⁸ Agun wau geit mamam wewalagak ali wein naan masini, Ali. ³⁹ Dewe Kapa pasukan iye yusuwon wein i taile Yesus wagi waii wiligin sini muyo yu wafai molo mamuyo nee guwei mo miye fun naa. ⁴⁰ Wein mala yuwi beis amuyo nelagi iye muyegen, wusu iyeindik ite Maria Magdalena, Maria Yakobus wejimen yume mamumemo weinna-Yoses wai salome. ⁴¹ Wisis Yesus olom Galilea, nee yamak yelimuyo yikafu melayani miyo, nee lagi isa kusuh yamale yeferen fagu yei miyo yigi Yerusalem. ⁴² Wisis leim wau wisi wauyo, dee yiu wisi toro de mele giyo wanti sabat. ⁴³ Yusuf Arimatea wamu wigi anju, yuwi anggota terhormat majelis beten mamuto Allah wau Kerajaan wusu yini wisisk wusu pilatus, weinsuk webe Yesus we gisik ko. ⁴⁴ Pilatus watokke wemua Yesus wagi weinsuh webe kapa pasukan sagu yuwinit mo nin kamu de Yesus molo wagi. ⁴⁵ Wisis Pilatus uwani Yesus wagi, wama wusu ijin wai Yusuf Yesus we jenasa wufu Yusuf. ⁴⁶ Yusuf wusu wisisli agun lenan, weinse wusu wulu wulu Yesus we mayat weint Kayu salib, weinse yubu yo wai agun lenan no weinsuh wusu wau jip masa gwat. weinsuh tutup pintu jiip wai mele kwat beton. ⁴⁷ Maria Magdalena mai Maria meme Yoses, iye yegen wauwo wisisk Yesus yaut.