¹ Wana isi Yesus umugeten geit foos, mele muja muna ''libi'' noo kot-kot gai geit. ana wobot frari!'' ² Yesus wufai '' joh nam negem keit-keit boot unu? de bot negafa wamutusu unisi unisi wana wisi wililik!'' ³ Wei waa winali Yesus wolom ali mala geribu Zaitun auba usu ya kei foos, petrus, yohanes,yakobus, wakafu andreas winit usu Yesus, ⁴ Fabin usu mamei dewau woo wawo kemisi waloyo, yo isi yasaat tanda kam sini wai lendik yuwo wai wein?'' ⁵ Weinse Yesus wamana,'' feii-feii siye amu neeye yafasos nansi nalan watoro. ⁶ Merin ayaferen yolom emuya tegere, yese tamana titsi tai isi mafasos nee merin yalam watoro. ⁷ Yuwo mangani wolo alam wai ligin, bewai-bewai alam, kunan, nebagolo wau, kamusi-kamusi ade nonai nisi ati, wolom ade usulukei. ⁸ suku jelet awei ibili yana jelet giwi wana giwi aunu samoru malawen ku waimot gii, sibelit butolo. weindik isi sugu wai bica susu walawen sagu jauk feren. ⁹ Namolo fatana gesek, ayei wusu sabulo, awe naan dik nataun, yo sinagoge-sinagoge wein nansi ade nansowon wabaii sanhedrin fun-fun ein tit tai fadowo wai yee. ¹⁰ Wein ligin foos isi nofati saluk wamu toom usu kawasa. ¹¹ Iye wali wein yusu nam nalan susu ade awai ade awai nanisi yufai yuoo wai kam oo wai nan nafai wemuya kunansi nasafabi suwau aya, kunamufai suwau roh wobot. ¹² Tuwana mele anasi yusu ana, mauna anu wai yalbun, wakafuru mum, wemeye. meye-meye gisi lasa moo laat nee gaun, wein yalbum isi ye nee gaum. ¹³ nansi yalam wobot suwau nandik wolo muya tit tigere. neeyo wolom masni wei naat isi wobot.'' ¹⁴ De gu nan negen nee yalbun isi na negen yusuwon gii wamu tusu ade yegen failigin ayu kawai, nee-nee yolom yudea yalam yusu mala wasa. ¹⁵ Nee yolom aan geit nan sii nan mulu nege ali geit uwau nanisik kem lolom nei geit alolom yei geit. ¹⁶ Nee, ayolom gisiit nan noo negen nan nisik sele nee yasansun. ¹⁷ Yasangaun nelagi-nelagi ayei itaan wolos wolos wakafu neelagi ayusu sagu miye-miye wau dee goo. ¹⁸ Sebaim seye kam yuwi nasan wau waiees mulum. ¹⁹ Wau muya waumu dee isi awai susu beten, kamu sii walo ati wai bitca neefoos wafasos malawen, wai bitca woum gu kam uwi natli sewau. ²⁰ De a naa wolofele deo-deo yukunu mude a nee mele ku wolom suwau, emu wai wenee nee wanggos yu wanggos yusi wusu bensa de maamugu. ²¹ Ade ya wai gia nee-nee yafai,' noo foos aamugu wai!' au negen foos aamu anjuwa!' nan noom nangani seii. ²² Waumu foos-foos neelibi-neelibi angar isi iferen, yusi ade yafasos kemusu wawotosuwau suwau wai ligin, siye yalan wulu nee-nee anggosanai. ²³ Nanom tiar audo! tit tafai dik wamuton. ²⁴ Wana isi, yuin beten isi degu wei wai samoro, wai sna mai suwau. ²⁵ Towon-towon ade lolok lein juuk joo ugoyo-ugoyo juuk ade ganiendik. ²⁶ Yendik ade yegem miye nee molo wiferen weim yuk-yuk wai nee ligin wegen berem. ²⁷ Jo yuwe awe usait we malaikat weim wafagu yuwi wu nee-nee yufeli yein malawen wesus faat, wein malaku walaba-walaba wum walaba. ²⁸ Naan mesoka weim uut ara: noo ana walama-walama unusi lajaras jook lutun naneepde wai yees wasuk warawe. ²⁹ wana wisi nan negem kamusi-kamusi, walo nunuk wai audo jouk ana warwes unu wolom ulunsa walabas. ³⁰ Nunuk wamutusu, kam u waititafai wegen nan moloo waulaanku kuwe ade wisili suwau. ³¹ Yunuk wai malawen ade wisili, baimu ligin-ligin foos ade wisili suwau.'' ³² Wai jam, wai hari nee mele oo yuweep oo malaikat wolom surga igasa weep suwau, meye wilit kais, maamuya mum wilit muweep. ³³ Nantna-nantna naneit! ade neep suwau dee waawo. ³⁴ Kem kusi yunu muya nee jook wamu, ketenet wa geit. weinse wusu dosok labam geit legi wee miyedala-miyedala weise wusait wemeye dala wai yotolo-yotolo. ³⁵ Nan nolom fatana-fatana! nan neep sua de waawo nee wegeit wegi, leim de, wai kelem tole salu de, au dee gude, ³⁶ Ade yuferen golsik-golsik, wai fainee nan nuu. ³⁷ Ligin oowai tafai toun usunanei, yuwo tolom tafai busuk usu nee anawana yendik-yendik nantna-nantna auweit!'''