¹ Winmatu, Yesus womu wigi mala yudga dan wigi malalani klah Yordan. naasafi yilim dusuk sini tologamuya fitin tololigin wigi yiya. ² Wana naa Farisi yilim wemuya coba wali woowut, isini guwo naa dala melegow wusuluketinet wulagi anamde? ³ Yumana kemasini Musa wufus wigi mamii?'' ⁴ Yumana, Musa wees sini yuwe wusuruketinet wufaat surat surat surutketinet.'' ⁵ Wana Yesus wumana wigiyii, ''manayuana muyo wemunani nan laniyi yata iyi kalukmuya wufaat hukum gu. ⁶ Waiaat uwanawi penciptaan, ' Allah menciptakan naadala-naalagi. ⁷ Wemuligin nusinigu naadala melegow womugitinet mamam wali memem womu wigi wulagi mai. ⁸ Wiinse yolom taun yigimele ali ayiya yegem mele. ⁹ Wemu ya, awisit masiniwo Allah waati wiins, naamolowam awosaram diawamsan wariwu Yesus wuut awam.'' ¹⁰ Tumbe we yilim meetaa, wali wumajami yoowut dusuk wemu ligingu. ¹¹ Wana wuma wigi yii,'' naasini yisit wusurut kinet wulagi yumu. wana wulagi walagi walisuk naalagi gosuk, wisit ligin sele wali wulagi yumsoo. ¹² Musalagi yumi musurut kitinet bukamu mudala yow, wana mudala malisuk naadala gosuk wusa musalagi yumii musele busukso.'' ¹³ Naayayini yii yili yamayini yinjaamati yigi naawai siye suwu berkati muyee wuya majam hiyiniyi, ymaan muyee. ¹⁴ Ketika Yesus wooliginu wauloosee, wulansun maansee wumana wigi yiin naanfait mujamiyiih yinimu taigu naan olom tiyiwauw, ''wemu majam isiniiyih yenemuya kerajaan Allah. ¹⁵ Titamana munan sesungguhnya naasini yuwomuyim, Kerajaan Allah sinimat mijam nyamguwenegu, wum wigi lin mana wah. ¹⁶ Wana matse Yesus wkeben majanyam ayini waanso wambis wini wau yusuaa laana wu berkati muyeih. ¹⁷ Tumbewe Yesus jauk figemafwe wamu, woonaa yuwaram wuumwigi wubawaigu wosom wiin woowut,'' Guru yu wobot, sini yoo geemasini waiya tisit wigiwai yuwo sutasan hidup kekal?'' ¹⁸ Yesus wuma wigiwai,'' namanasuk tittobotme? awolomisini guwi naagoow wolom wobok suawi kecuali Allah saja. ¹⁹ Nini neep gamu ligin giiy. '' nalabun naawau, fulus naawau, naasijawau, ninjelen naawau, nisit morop naawui gemu yiin wau, naigem mutgemwau, nusu noosee naaigemwau. nunanggar naawau, dan hormatilah numam wali nuumatem. ²⁰ Musa naayuwi wumana, ''Guru, geem anayiniyii tisityiindik wali gamu aat tai muda yuana. ²¹ Yesus woleek naayusee wunuk wumana ligin, maamu melegai nisit ati wiindik san. nomu nusau nigeem anini yiindik nusu wigi naa miskin yiih, masan nasanfi mele wiin sorga wainin. matu nama nalitit. ²² Masa wugai matligin gusee wusuwauk kedek. Masa wamu wali wusan susah, wemuya wugemmaaf yiinso. ²³ Yesus wulaik wisiwumu lait anyini yiindik wuma wigi wumajamiyii Sungguh sangat sulit wemaamu naa kaya aiyi wemu yuum yigi kerajaan Allah. ²⁴ Majam miyii suwak kedek wemu yugani wiliginei,'' tapi Yesus fulus dusuk naasini mijinyam,'' sangat sulit wemuya mamigi Kerajaan Allah yawi. ²⁵ Wobot muya unta mellgow wuum womu geleem waagada winmamu sinia naa gook wum wigi kerajaan Allah. ²⁶ Yitoke busukmu ligin o musa yowut mako melego yuwanaw wali mako goyana yinih, '' siniyuwe,naasini yuwasan slamatuwo?'' ²⁷ Yesus wisi wigi yiih masa wumana wigiyi wai naamolo yawam mustahil suwau wau suka Allah jadisan. wemu anaiyini yiindik yigi yapegamu Allah waiyaa. ²⁸ Wana petrus wumana wigi wai,'' nooyaani mamfatem gee maf giyolom masa mamili fiinin!'' ²⁹ Yesus wumana tufabin wigi nanii, naasiniiya molo-molo fatem yimet awe mako dala, awe mako lagi, awe memem, awe mamam, awe mayam, awe yisiit wemu tittali ligin fulus. ³⁰ Naayuwi siniya warayawi naayiyi yisit wutun mele dusuk wemu wumet mako dala mako lagi. mewem, wali mayam, wali siit, wali suuk keem goyana yini. wolom wana wisi woo wasan hidup yang kekal. ³¹ Naasafi goyi yumu don ayiniyin yiinyan, goiyinyan ayini yii yumu don.'' ³² Yumu yaape yerusalem Yesus womu don. wumajam ayini yiin yiinyan fana ybagolo, sini gamu naasafi goyi yiin nyan yili yuwi Yesus wuut wumuja fee jili ali. musa wumana wigi yii, geemasini wusan ligin weyuwo, ³³ Deeguawagi,'' yerusalem mujam mologuwi awusu wigi imam-imam dan ahli-ahli taurat. weeyalabun muyow yusuu wigi yaa naagoi wasa yiin. ³⁴ Musa yufafi muyow, kufujit cambuk, yalabun muyow were masini wagi, dee tuluk wiinagu. ³⁵ Wanase yakobus wali yohanes, zebedeus wali mayam, yemana wigi wai,'' Guru mamuna ninii nisitmua geem sinia mamana mamuut ayini.'' ³⁶ Yesus wumana wigi yiin nanuut masini yuwo?'' ³⁷ Yumana.'' siniyuwe nusu giigo waimam mamolom mari mamiin nuyu kemuliaan melegoo wolom wolom ninin aimolo melegow wolom ninin aingede.'' ³⁸ Yesus wumana wigiyiin.''naneep nanuut bukkemsana. naneegamua nanoo cawan nuwai too awe wai baptisan nawa mana tisit gui?'' ³⁹ Yumana wigi wai,'' mameep.'' wana Yesus wumana wigiyiin.'' cawan nuwai tooyuanasin. nannoo busuk, wiin nannu baptis titisik nanisik busuk. ⁴⁰ Wiina liginisiniya naamele gooyu wolom wininai naimolo yoow yuwolom winai gede yoow, yuwolom winai gedeyow, tittepsan yuwigi wape gamuya naaisiniya yaagos ayini.'' ⁴¹ Mujam fee yuganise musa yumaan yakobus wali yohanes. ⁴² Wana Yesus wuut yilimse wumana.''nanneep iyuman yuwi iyut wigiria pamirintan naa yahudi yunanggar wemu yaiyi yamana parentamu wunaa yiligamu wunaa betene yumuna yumuyili yeneyo. ⁴³ Mamu yugumuwi nani sitwaayene yuwae, naasini wumana wainan beten wenanumo, wai pelayan wemamunan, ⁴⁴ Naayu weewai nomor meleyow, yuwiin wai pelayan weemamu naniindik. ⁴⁵ Wemuya Majam, Naamolo wali wesua awulayani yuwau, wemuwulayani, wiinse wugolok kuwaiya wauti naasafi.'' ⁴⁶ Tumbe weyilim yolo yerikho. tumbe we Yesus wumujam yilinaa safi yigiyali yiin yerikho naamelegoo yuwgaut wugirimua bartimeus, timeus, mayam wolom wai woowigit. ⁴⁷ Musa wugani Yesus naa nazaret, wumu wulut wusaluwuut,''Yesus mujam Daud nususinagi webuk titde!'' ⁴⁸ Naasafi sait wusoon. wiin wusosua wusalu faik wana.'' Mujam daud, nususina waitit bukde!'' ⁴⁹ Yesus wutono, wana wumana wuut naayomi wana yuut naawi gemek kuana yumana wigi wuai.'' nusu nalan naambis wigi naa wai! nusuwor wuut muni.'' ⁵⁰ Wana matusee wufatem wu samsun wusuor womu wigin Yesus wain. ⁵¹ Wana Yesus wufulus wumana.''kemasini neewai tusu wigi nai yuwo?'' naawisi gemek kuwana wumana.'' Guru, tumana toobusuk.'' ⁵² Yesus muwana,''namu nusu nalan wigi naawi nimalanso.'' wamatusee woogeem jasa wali Yesus yaawo dolowi yuana.