¹ Daya depe palapur nepala pasausu yasantili ikafu nekaun ikatu neyaipi ititin wailigin pakafu neidadi itaun yumukili kifos malaso pin sati miyefina piinili miyefuna wamuwasan tili Pilatus. ² Pilatus winiwai pusu miyepuna ninkamaya niin neyahudi yemidi pusu Pilatus wapi nimana. ³ nepela pasausu sahsini nimok pin miyefuna. ⁴ Pilatus wini wai pusu miyefuna paporpapuluk nusu panasuk nowo piin nusu nesele nimor molo. ⁵ Mankaiso miyefuna wemidi dau wafasos Pilatus wefikkede. ⁶ Depe pela Pilatus wokwusu wafater nou mele yalala paya kousa yama yebe. ⁷ Payo isik wolom wapi lala podur neimok yalan deik yasan busur yalala nouwaso yu neia ikifin neumele newe di berebas. ⁸ Mayo kousa neyetenden yusu Pilatus piin masagu kama kulu daya nane yapa adadi nan nagali sapisi. ⁹ Pilatus we yama sagu sapa nane nan nafatek pausu dau pegelek ne Yahudi ya? ¹⁰ Nedaya paso wefein walan morok pein nedela yafagalis mani itowo miyefuna wusu Pilatus. ¹¹ Pein mayo nipela nasausu yavalobok nepamok pitiluyo so yasala filiwo yusu berabas wusule. ¹² Pilatus wini wai sukdudu ipi yamana pono masana pono yupu ifili wai neya wapi pasausu paya pegelek neyahudi pamana? ¹³ Pein yumauk yafoto mawe. ¹⁴ Pilatus wamanaligin pusu ipi wesele kamana yada kamakulu wafagalis piin wuwauk dlan masuk yakawau upalik. ¹⁵ Pa Pilatus usuligin polobok yatain itaun yusu mele pin mayo yafatek barabas yatolo miyefuna pin yusu miyefuna neimok yuyuk yakai wau opalik. ¹⁶ Peinmayo neuwaiso yein alam mayen yisik Yesus pein keik ligin. pein masuk yebe dadi alam yotaloso paiso yefagu. ¹⁷ Mayen, yusuwelik Yesus we sasun wila pikhibi. pein masuk yesati ginik yuwo nu wesupha. pein suk pau yesus wesupha. ¹⁸ Pein masuk yusu yosom pusu pein masagu yemana, yoh nesiwala sausu gelek yahudi. ¹⁹ Pein suk yokolow pau wesuwa. pay owk pein su yukhusus gigmayow. Peinamasuk yadayelik pau Yesus wa ba wadi. pono su yosunne. ²⁰ Peinsuk yusok, pein yefatew wesasun kodo puwa pikibi masagu yusu wulu sasun pususuk pamtante. pein paiso wasan ow pawilik. ²¹ Petilik pau wokipidi yeiy tas neukmele mahwikhiti sagu wein kampun waso wisik kam, nei mayo wigili simon nei kirene . pein yetahw peyso wakha ow pawilik. ²² Alam yotolo pein yisik Yesus wusu mala kiyem ano pikedi maso Golgota "Yutuluk pikedi mala sausu. ²³ Maye yikifin ligin, Yesus anggur away yasan pesafuk pay mur mangkai so medaw. ²⁴ Pein suk yofotow wefason. yekalafo payso fili piyasi pein sasun kodo suwaya pein yuwa mayey pikidi pay masey wilik mayey yotolo. ²⁵ Nin nesele daya depewosowo tuluk pein yofoto waw ow panilik maso. ²⁶ Pau kompes kiyek pein yefak mana yuk pusu Yesus neph sawusu yahudi. ²⁷ Yofoto pusuk neuk ali yekafu neiy yiwek menek mele wolom paw angkalak pakafu neuk melekuluw wolom paw anghede. ²⁸ Mo lomase newapi fak pauw ligin helen pador wagi wau ney yiwek menek. ²⁹ Neyay yikili manayuk maye yesafili pein suk yemana pono maingke, jow mima namana nefuluk keik na yemana pono maingke, jow nima naman nefuluk keik na wele peinsuk pakafu wafasus pususuk. pay dewe tuluk. ³⁰ Nukhoni nikisik yamton pein nulu pein owk pawilik. ³¹ Ney yewela yamana gele pusu way. yefay wilik ligin, newai wafatek mangkaiso wikisik wili wafatek daw. ³² Wonomasen pawegen Kristus fun Israel, wulu wein ow panilik peiyso pawegen pawak. neiya yofotu busuk paw au panilik pei masaw yusok busuk pusuway. ³³ Petili kan maftami amulu pabtiy kiw pein dadi mami kono mafuk matnanifak. ³⁴ Kono mafuk matnanifak pisi Yesus webe pay salu palaim. Eloi,,Eloi lama sabakhtani, " ponoso tefuna paiy sule mana nawacetin suk mana. ³⁵ Neiwai suk nei nusunwon paw maso yuwani, pein suk yamana nanegen wege Elia." ³⁶ Pein mayo neuk mele kulu winik wu mouk Anggur paw, paw balak, Pein wesasi paw ouk pewila peso wusu pusu Yesus pein suk neyow wamana, namimi pawe pen Elia wefeden wisik wulu wusu ali. ³⁷ Peinsuk Yesus wulu wak pay sala pela pein so wagi. ³⁸ Limpala keik funa palagak ali pein palaba pidinali. ³⁹ Petiliyo alam pesawosu wusuwon pein wow Yesus wagi pono yow pein wamana moloyo neyawagi ko miye funa. ⁴⁰ Pein kiwi bei nelagi way yegen busuk, ney maso Maria magdalena, Maria ( yakobus wedimen milibi sagu pein Yoses ) pakafu salome. ⁴¹ Petili Yesus wolon Galilea, yeli masow pakafu fetin key yow. nelagi waysuk yegfeden yakafu yusu Yerusalem. ⁴² Petili leim wefeden, paw dewe yow dewe funawai peso dewe mele kai yusu sabat. ⁴³ Yusuf arimatea, wamu wusuangi pey so woun, kowsa funa wedaman pela, pey wotolo kiwi funa yefeden wusus we kisik pusu Pilatus pakafu webe Yesus usik. ⁴⁴ Pilatus wefede peso Yesus wagi pein webe alam pesawusu wunwai molo ya Yesus wagi ya ? Pitili Pilatus wani molo Yesus wagi pein wusu jenasahYusuf wai. ⁴⁵ Yusuf wisili tala melalenan pein wisik pemaso Yesus wulu wein salib pein wagi way melaba pein wauk, pau guyuk mla kawak peinsok welen kanker kwak. ⁴⁶ Pein weten kanker guyuk yuwe mele kwak plagak. ⁴⁷ Maria magdalena, makafu Maria nelagi yoses, woyo Yesus wkisik yokayo.