¹ Dewe bow paska, pakafu roti pkamwronai da kulu, pa dewa ali peio, nesipa ikafu Nefulus ygolkwai ypogo Yesus ypelek angkar papiso ygolk mana yuyou, ² yfai papiso dewepla papapi, po mie dla psalfai plik dowis. ³ Yesus wolon pau Betania, wolon wakafu Simon ne, wsu lepra, ko. Aiygo yo lony ei ma mejako nelagiku mfeden kilima mnik moron amuk woronai pau basus kien apmaida mayo maben lgak ma basus ko, muk ma pau maso Yesus wspayo. ⁴ Mankaiso kulu yuyi ylan ptusun peiso minik amuk woronai apmaida ko papisa minik kup, ysau pmaida maso kamknak wutin tuluk ⁵ palin, no paiso yusu busu pusu nebauk ye. Paiso nelagi kumi ypek busuk. ⁶ Pein, Yesus wfai; molon maima yo, Nanfasar ak mamna? mofosos busuk kam en. Nobak busuk, nusu tapi. ⁷ Pemena, nanfasar ak mamna? Mfosus kam nu pobok pusu ma, tapi pu. Paiso nansantolo maso nebauk ye. Pakafu kam nane. Kulsukko du, nanfosos busuk anobok yen nusu yipi peiso du nannene kaida tik ku madau. ⁸ Nelagi mfosos tolo bumaso kam mfosos tolo mayen. Tusu atiguyuke, mawanak kotit, ⁹ Tfai ko. Apmolo pusu nan nipi. Ymana badir ligin fos pau malawen ku pein dik biti. Kam ma nelagi mfosos maini, nsata bewai pusu mapiy. ¹⁰ Patili ma yupe neya wkidi Yudas Iskariot wi, Yesus wmie mele kenl paima wlikkak pelma Yesus sow. Wali ne.... Mayei ini ypogo Yesus. ¹¹ Kulu ywanin pno yunise, ybowo ysu kamknak nusu Yudas wapi. Pnoyo Yudas wogol kwaiwe feles wopeisa wadayuk Yesus wa ne ypogo yo. ¹² Pauma, depe mele kulyo, depe roti pai kamworanai dakulu. Ygolwai, ykarak domba Paska, Yesus wmie dla yunuk wai pusu wapi; ngolok wai kipi masakul pai ya, paposos, perjamuan Paska pa, nikma? ¹³ Pein wasa yuk wmie dla neuk ali pai bewai: nanini kota nanbatili neuk mele awisik kalapau kendi yo, nanilik pitiwai. ¹⁴ Nanfai pusu so neya wkeik op. Guru wunuk wai: kippi masak kul pai tai, tmie dla mamikti paska pau ypa? ¹⁵ Wain kuus pusu yipi keik plupu, psinin pepela, pofon kei perabot en pau maso keik pkalik apigi lanno. Kam, nolon tsus nanfunun wai papiso, papolon perjamuan pauyo. ¹⁶ Pein matu Yesus wsayuk wmie dla ali ikma kota. Aliyfai piti wai maso ligin bewai a nein ma. Ya Yesus sapi ye pein matu yfunun wai ma Paska yo. ¹⁷ Lein pada se, Yesus wefeden wali wmie dla fetumali ali en. ¹⁸ Yolon nali, pakafu iyik Yesus wfai, tafai molo pusu nannipi, neuk mele kulu wakafu man, nannik fagutolo nili mabusu maso tit kom. Peinsuk nansu pyek pei tit, ¹⁹ pein mase, ybaluk, ykoloksowo, kulu wfai pusu kuluwapi tfun nim, tikomainma? ²⁰ Yesus we pelek, pusu wapi, ne uk melekulu wakafu maso ne fetumali ali nan no. Maso wbulun ma roti wakafu busuk ma pau tele mok op. ²¹ Mie naa du wamu kainak, piti waiso ligin belem pein wapi yo. Main kaiso, pau wokaapi, psangkar pusu maso ne ywakalkilis mayo. Pobok kaiso, pusu ne yawai dime mninsus ayo. ²² Yesus wali wmie dla ngok mna nik, Yesus wsik roti, wmana bok nusu naa wapi, welgak roti ken pein wusu nusu ipi pakafu wafai: nannisik, tkem masuken. ²³ Peintek su wsik su anggur, wmana bok nusus naa wapi. Pein wusu nusu ipi yein dadi yo faguk maso cawan no. ²⁴ Pein wfai pusu ipi "tsadan, masuko sadan bewai, tuuk pusu neimok yoo. ²⁵ Tfai ko pusu nannipi, dutotu su daya anggur api kidi tik mdau. Toopu, toosu pau kerajaan malaso libiyo. ²⁶ Ysala sala woronai pein, yumu yusu mala Zaitun. ²⁷ Pein Yesus wfai te suk pusu ipi, nan iman nolos dau. Papiso pfak pau ligin fos pno moso. Towolok tadaman yse du domba domba kni nolon salan si. ²⁸ Main kaiso tibili pein ki, tamuton totolo nannuya Galelea. ²⁹ Petrus wafai pusu Wapi, mna kowsa kutuk kulu ye, iman nolos ade tit kumi dau. ³⁰ Pein suk, Yesus wfai suk pusu wapi, tfai pusu napi; pau dewe kupi, leim kupi. Kelem tole pilak kidi ali atiyi, nikmi nikisipe tangkiri tuluk. ³¹ Main kaiso Petrus wowo die salak kaima pno maso Petrus wamana. Tagi kanak tamu tit waisal kai maso, nikom. Tkisi dapei nik mdau. Kutuk kal maye yfai busuk pitiwai maso. ³² Pein masuk Yesus wakafu wmie dala yen ini masuk kipi ya pibidi Getsemani. Yesus wafai pusu wimie dla nipi: nannolon ni masu ko, tunuk ma te sombain. ³³ Walima Petrus, Yakobus wakafu Yohanes. Wabakolo, wabowon. ³⁴ Pein wafai pusu, suk ipi: tbaluk pau ma tlan kupu. Nan nolon ma nima sukup pakafu nantna. ³⁵ Wadayuk wanama isi, wutu yun wilik nu eges. Pein matu we, sombain wmana pno yupe, du yfai kanak peiso dewe yupe pimilik. ³⁶ Pein Yesus wafai, psal pno suko. Tumu nim, tumu nim, kamkulu putun dwo ya wisi. Nannisik ma cawan ko pein tapi. Main kaiso pno da telyo, pno da telyo pnoso nelyo. ³⁷ Pein wepelek ulusu, wowosalkaima. Neuktuluk yusi inis, wfai pusu suk Petrus wapi: Simon nau salakai maya? notolo sini buk pidin konon mele pak daya? ³⁸ Netna pakafu nesombain. Su nannolk fluk pau kam nbenek iy yno; paiso kolok pitiwai main kaiso kem pdulun. ³⁹ Pein wamusuk wmana salmaso sombain mele mayo. ⁴⁰ Wepelek wusu, wowo salkai ma yupno masen. Papiso, ysowo nodosok pakafu yek dwo yau ypelek ligin masukul pusu wapi yupa. ⁴¹ Pein Yesus wpelek kedi tuluk key yo. Wmana pusu ipi: nannu, pakafu nanuwus pisi so tumpe pla so, nan nowo Mie Nemolo Yusu wusu ne yele kamsele inin towo. ⁴² Nan nibili, nan nimise, papumu. Ney walkilistik me, wefeden waduwok ⁴³ Yesus wafai tik ligin ne, Yudas awali tolo busuk ma mie dala kul yuni yasa feden iniasi, wakafu nesabuk kul maiye. Yfeden kili maya klewan nen, gili yen. Nesipala ye, nekamfitin ye, ikafusuk ma nekaun wai. ⁴⁴ Neya wasayuk ma wusu ma ipi, wfitin waiko ma pusu ma ipi. Neya wai tas muk mayu wu, neyu maso, nan nopgof non kai pakafu nannili wefe pama pobok kai. ⁴⁵ Pein ma wali iik mayo, wamu yuk ton ma wadawok ma Yesus pakafu wfai pusu wapi "Rabi," pein wasimuk matu mayow. ⁴⁶ Pnoyupise yapiti ma yaptima Yesus pakafu yopogo matu. ⁴⁷ Neuk mele kul wolon wakafu busuk mase wsik ma klewen pama wda pau maso ine sipala kulu yu wutuw mayo. ⁴⁸ Yesus wfai pusu ipi: nanokok tit kimi tasilik a? su papi nan feden kili maya kelewen, nikafu gili yen nusu tapi pai maso nan nopgo titkom? ⁴⁹ Dewe kul tolo ininisi takafu fagak main nanom. Tifitin wai nannu keik blemop. Nan pgo koya tatili yupamna. Main kaiso pkabu pau maso piti wai ligin blem pafok pau Kitab blem yu. ⁵⁰ Pein matu wmie dla yumu ketek pakafu yalan ketek. ⁵¹ Patili yupi, ne, libi sagu kuluyuwi uuk maya mele pknak paati maso weten no, witi wai kai Masow (Yesus) ypogo Masow, ⁵² Pein masu, winin fatet ma mele ko, wudun kebolokai. ⁵³ Pein suk, yituwu Yesus wusu Imam pela, pakafu Imam pela yeindadi pakafu nehkaun, pakafu ney Taurat yefagu dadi. ⁵⁴ Pakafu Petrus wali Yesus yein beis, mani yusu keik laba Imam pela. Paw anji, wolom wekafu kowsa nekamba yesaik yak pauw yak pigik. ⁵⁵ Paw iman sawusu yekafu daman pela yefeles jakik kamsele peyso yikifin Yesus peyso yogok yuyow. Mangkaiso yeindadi yasan daw kamwain. ⁵⁶ Peyso neyimok yusu ligim nimolo daw neyso yekarsa pusu way, mangkaiso yefai ligin nen nasah ney ligin kulu yen. ⁵⁷ Pein suk neway suk yusuwon pakafu yefai ligin peyso sasini ligin molo daw Yesus yefai, ⁵⁸ Mam'wani wefay, "tikom teyilik keik na apay nemolo nane fatos pay nanilin, mangkaiso paw nemolo yining. ⁵⁹ Mangkaiso, peyso kamkow neyefai ligin nono daw ligin kuluven. ⁶⁰ Peinso, Imam pela yusuwon fawulu pusu yewi pakafu yunuk way pusu Yesus, peyasuk mawa nusu daw ligin pusu neyay yamanayuk nikma? ⁶¹ . ⁶² Pakafu Yesus wamawa, "tikom masow, pakafu nanegen miye nemolo wolom way damar angkalar, awpofos pay pefedem faguk mandek nu yuk. ⁶³ Peinsuk welagak sansun, Iman pela wamawa pewebesul neyimawa? ⁶⁴ Nanuwani managel yo nane ligin polok daya? pakaf neyein dadi yolos masow peso yoloh wagi. ⁶⁵ Newaisuk yukusugik pusu masow, pakafu wabuti wasata pein wukutuk pay wefai pusu way nefasos se, ney kamba yitway yeben kabar yow. ⁶⁶ Pakafu petili Petrus wolontik way keik laba Imam pela, nelagi daman mele kulum mein Imam pela. ⁶⁷ Pakafu megen Petrus wesaik yak. Nelagiyom megen mamana," nik busuk om nai i Yesus neyow Nasaret maso. ⁶⁸ Mangkaiso Petrus wikisi lawti, wefai matu tek abuk we. Tek daw nefai ligin ko, tebusuk daw peinse wamu wusu kanker pela, pakafu petiau mayo kelem tole dala pesala. ⁶⁹ Daman nelagi mow Petrus, mamawa pusu kowsa yosowon yey yo. nekow neuk mele wein busuk yiwi yow. ⁷⁰ Mangriso, wikisi lawti, peinse patik daw neya yu suwon. Yamawa pusu Petrus way. Nimbusuk neuk mele kulu masuk nikom ney Galilea. ⁷¹ Ponokanaken, wikisi wosomti tifein busuk daw neyay nan fay kowe. ⁷² Kiti kiyem matu kentoir daia pasala kidi ali peinse, Petrus wunuk wai Yesus wamana yoh. Pein kelem pasal pangkidi aii das i, nifen dauw tikom. pasal 15