¹ Ligin polo pai busa pamalabusu badir Yesus Kristus miyee Funau, punu maye yafai pau kitab Yesaya. ² Nowo tikum tefai yumpe ku pamuyak Yesus, wufunu wai woyo pusu nim pau Meleaki 3 : 1 ³ Noana newebe waluk wai malayo yufunuwai woyo paibusuk Yesus yisik talu woyo, piteli pisituli pusu, Yesaya 40 : 3 ⁴ Punu Yohans wisik neyisili kla pau mala yefeden, wusu wotak ye kamsele. ⁵ Paik kuasa yein Yudea, Yerusalem yefeden yein yusu Yohanes wai wisik yisili kala Yordan yusu wotak yekamsele. ⁶ Yohanes wasak bai luu wasagin wekam kini paturu wasak wigisa pai kamabun kiri pamunai wigisa peinmatu wak sifik pakafu madu towo ukolo. ⁷ Yohanes wafai ligin fos pakafu pein matu punu maye yefeden neumele welibih tikum wekuasa pagan, tibusuk tetulu sandal pein nelik yo ⁸ Tikum tisiknan nisili kala. Pein matu Yesus wein nasi wisik nan neey gala fos ⁹ Paima deveyo-deveyo punu Yesus wefeden wein Nazaret, kiwi Galilea wein nasi Yohanes wisik waiy kala goun Yordan ¹⁰ Mili wusuduk wein kala Yesus wowoyuk plagak paimaso, galafos punuso pisitili pai kelem Merpati pulu pusu polom pai. ¹¹ Punu kamkuso salu pefeden pein malaso miye funau tisinagi pusu nin salukai ¹² Mili kahai pau maso punu gala fos pali Yesus ayusu wen sidi ¹³ Pau wilik kihiwi pau wen sidi wolom dewe neawinin fak pein matu kasas pelhei Yesus wolom wakafu kisik kamkahai, pein matu malaikat pisiktek Yesus winino ¹⁴ Punuyo Yohanes yutuluk pein matu Yesus wamu wanas pau kihiwi Galilea pein wamu gili wufuluk ligin fos. ¹⁵ Yesus wafai pisitili wusu maso tumpeyo wuginik malawen fos paduwok nan numu moro pein nuanasalu pusu injil Yesus Kristus ¹⁶ Punu Yesus wohgok wamuwai selehfeh oun Galilea, wowoh Simon wakafu malud, Andreas, yunuk yumu gili pau wisik yefeles komon. ¹⁷ Punu maye Yesus wafai pusu nan, Naunili tiik pein tisik nan nefeles nemolo. ¹⁸ Simon wakafu mukulu Andreas animili anumu giting punu maye anilitihim. ¹⁹ Pahai mayo weibeis Yesus wowoh Yakobus miye Zebedeus wakafu Yohanes ayolom kamah ayufunuk wai. ²⁰ Punu maye Yesus webe punu ayumu giting mun Zebedeus wakafu Nekousa yolom yimaso kama pein ayumu yili Yesus ²¹ Panu maye yilik Kapernaum pauma deveyo yusuwo yamuk. Yesus youn keyik belem punumaye wefeting ligin. ²² Yitok keya wefetin gilino punumaye nefulus taurat paiso neyuwana pau biti panudau ²³ Pitilimayo pau keheiyik belem SInagoge paumayo nedala mele kasas pirigin wayali webetas nefun tikum. ²⁴ Niwaiya kemina punu nunuk nolong nakafu mam, Yesus wein kiwi Nazaret ? paino ia nefeden nunuk kamsuso, punu mayo yiwiniwai nogo numam ? pein matu yewiniwai nema wunuyunina tikum tefeden pau funau Allah. ²⁵ Punu maye Yesus wamana mayou punuyo nosau nusuduk namgiting nekou, ²⁶ Paimaya pagala pufun pefilu-pefili punu maye welek kampele, pagala pufun pusuduk pamgiting pein nehyou. ²⁷ Pein neyeindik yiwinik wai pilik, punu molo 'kampeinno yowo pein'? kamlifi sagu kusu wafai pusu. Gala nobou ye neindik saluk pusu wafi punumaye nanoso pautai, ²⁸ Pitili mayo pamu mili ligingko pisiyen pusu Yesus, nim nevela pau ma - pau ma pilik peindik pusu kiwi aneindik nu Galilea. ²⁹ Mili punu Yesus wakafu miye dalaye numu giting Sinagoge yeindik youm pau keheyik Simon wakafu Andreas, wakafu Yakobus waturu Yahanes. ³⁰ Punumaye nelagi kulu Simon masalum punu mauyali paiso mikisi noboun, pein maneye mili yamala badir mamalan su pusu Yesus. ³¹ Peimatu Yesus wasantili punu wahfti mintouyo pakafu wisitek mibili punumaye pein matu mekesi noboun nosowo nalan ninis peinmatu nelagi misi busukam paimaye. ³² Lein wadas dave wusuk nan nilipusu Yesus netok safi pakafu punumaye kasas pagala pufun polon paiye. ³³ Peinmatu nesafi yolom fagu yukeik wilingsa mele. ³⁴ Yesus wisik nei safi yamalang yein tok pein sunimok wasaluk kasas nimok, peinso wedau kasas-kasas punu nafai ligin dau punuso nefeinsou. ³⁵ Lauk-lauk molo kampuruk kiyem Yesus wibili wamu wusu kikifi posou peinmatu wesembayang waianji. ³⁶ Punumaye, Simon wakafu neye yefeles Yesus. ³⁷ Punumaye yutuwe Yesus yafai ligin pusu nin yefeles Yesus. ³⁸ Pakafu Yesus wamana 'nanimi paulmu pusu kehfi paudewok pein tikum tafai busuk ligin pusu kousa pau anjik paiso yefeden nau kamlumano. ³⁹ Paumaye Yesus wamu wamuwai Gelilea yendik wafai wamu gili ligin belem pusu Sinagoge yein dik yawuluk kasas-kasas. ⁴⁰ Yesus wafi webe yefeden warwili pusu Yesus wakafu wamana warwilik pusu wamana pusu nafas sas pesenin pusu lepra. ⁴¹ Pusubok wesinagi pusu ma wimiyedala wisitek ma netou Yesus wafai pusu wafi ' Yesus wamana te namalan' ⁴² Pitilimayo su kusta pisili peinso netok kou punumaye wamala matau. ⁴³ Yesus wuyuk wamu pakafu webewai wusu ligin pusuti weyu wamu pusu tit. ⁴⁴ Yesus wafai pusu yifi wamana dau liging ko pusu nan nesafi mainkaso namuse, pusu Imam yowo pakafu wusu kamsompe pau yekisi namalan punuma Musa wuyuk towosai pusu yifi. ⁴⁵ Mainkaso neano wamu wafai fisitili punu pesebek wamubilima ligino paikamo Yesus wasan.