Pasal

1 Ligin polo pai busa pamalabusu badir Yesus Kristus miyee Funau, punu maye yafai pau kitab Yesaya. 2 Nowo tikum tefai yumpe ku pamuyak Yesus, wufunu wai woyo pusu nim pau Meleaki 3 : 1 3 Noana newebe waluk wai malayo yufunuwai woyo paibusuk Yesus yisik talu woyo, piteli pisituli pusu, Yesaya 40 : 3 4 Punu Yohans wisik neyisili kla pau mala yefeden, wusu wotak ye kamsele. 5 Paik kuasa yein Yudea, Yerusalem yefeden yein yusu Yohanes wai wisik yisili kala Yordan yusu wotak yekamsele. 6 Yohanes wasak bai luu wasagin wekam kini paturu wasak wigisa pai kamabun kiri pamunai wigisa peinmatu wak sifik pakafu madu towo ukolo. 7 Yohanes wafai ligin fos pakafu pein matu punu maye yefeden neumele welibih tikum wekuasa pagan, tibusuk tetulu sandal pein nelik yo 8 Tikum tisiknan nisili kala. Pein matu Yesus wein nasi wisik nan neey gala fos 9 Paima deveyo-deveyo punu Yesus wefeden wein Nazaret, kiwi Galilea wein nasi Yohanes wisik waiy kala goun Yordan 10 Mili wusuduk wein kala Yesus wowoyuk plagak paimaso, galafos punuso pisitili pai kelem Merpati pulu pusu polom pai. 11 Punu kamkuso salu pefeden pein malaso miye funau tisinagi pusu nin salukai 12 Mili kahai pau maso punu gala fos pali Yesus ayusu wen sidi 13 Pau wilik kihiwi pau wen sidi wolom dewe neawinin fak pein matu kasas pelhei Yesus wolom wakafu kisik kamkahai, pein matu malaikat pisiktek Yesus winino 14 Punuyo Yohanes yutuluk pein matu Yesus wamu wanas pau kihiwi Galilea pein wamu gili wufuluk ligin fos. 15 Yesus wafai pisitili wusu maso tumpeyo wuginik malawen fos paduwok nan numu moro pein nuanasalu pusu injil Yesus Kristus 16 Punu Yesus wohgok wamuwai selehfeh oun Galilea, wowoh Simon wakafu malud, Andreas, yunuk yumu gili pau wisik yefeles komon. 17 Punu maye Yesus wafai pusu nan, Naunili tiik pein tisik nan nefeles nemolo. 18 Simon wakafu mukulu Andreas animili anumu giting punu maye anilitihim. 19 Pahai mayo weibeis Yesus wowoh Yakobus miye Zebedeus wakafu Yohanes ayolom kamah ayufunuk wai. 20 Punu maye Yesus webe punu ayumu giting mun Zebedeus wakafu Nekousa yolom yimaso kama pein ayumu yili Yesus 21 Panu maye yilik Kapernaum pauma deveyo yusuwo yamuk. Yesus youn keyik belem punumaye wefeting ligin. 22 Yitok keya wefetin gilino punumaye nefulus taurat paiso neyuwana pau biti panudau 23 Pitilimayo pau keheiyik belem SInagoge paumayo nedala mele kasas pirigin wayali webetas nefun tikum. 24 Niwaiya kemina punu nunuk nolong nakafu mam, Yesus wein kiwi Nazaret ? paino ia nefeden nunuk kamsuso, punu mayo yiwiniwai nogo numam ? pein matu yewiniwai nema wunuyunina tikum tefeden pau funau Allah. 25 Punu maye Yesus wamana mayou punuyo nosau nusuduk namgiting nekou, 26 Paimaya pagala pufun pefilu-pefili punu maye welek kampele, pagala pufun pusuduk pamgiting pein nehyou. 27 Pein neyeindik yiwinik wai pilik, punu molo 'kampeinno yowo pein'? kamlifi sagu kusu wafai pusu. Gala nobou ye neindik saluk pusu wafi punumaye nanoso pautai, 28 Pitili mayo pamu mili ligingko pisiyen pusu Yesus, nim nevela pau ma - pau ma pilik peindik pusu kiwi aneindik nu Galilea. 29 Mili punu Yesus wakafu miye dalaye numu giting Sinagoge yeindik youm pau keheyik Simon wakafu Andreas, wakafu Yakobus waturu Yahanes. 30 Punumaye nelagi kulu Simon masalum punu mauyali paiso mikisi noboun, pein maneye mili yamala badir mamalan su pusu Yesus. 31 Peimatu Yesus wasantili punu wahfti mintouyo pakafu wisitek mibili punumaye pein matu mekesi noboun nosowo nalan ninis peinmatu nelagi misi busukam paimaye. 32 Lein wadas dave wusuk nan nilipusu Yesus netok safi pakafu punumaye kasas pagala pufun polon paiye. 33 Peinmatu nesafi yolom fagu yukeik wilingsa mele. 34 Yesus wisik nei safi yamalang yein tok pein sunimok wasaluk kasas nimok, peinso wedau kasas-kasas punu nafai ligin dau punuso nefeinsou. 35 Lauk-lauk molo kampuruk kiyem Yesus wibili wamu wusu kikifi posou peinmatu wesembayang waianji. 36 Punumaye, Simon wakafu neye yefeles Yesus. 37 Punumaye yutuwe Yesus yafai ligin pusu nin yefeles Yesus. 38 Pakafu Yesus wamana 'nanimi paulmu pusu kehfi paudewok pein tikum tafai busuk ligin pusu kousa pau anjik paiso yefeden nau kamlumano. 39 Paumaye Yesus wamu wamuwai Gelilea yendik wafai wamu gili ligin belem pusu Sinagoge yein dik yawuluk kasas-kasas. 40 Yesus wafi webe yefeden warwili pusu Yesus wakafu wamana warwilik pusu wamana pusu nafas sas pesenin pusu lepra. 41 Pusubok wesinagi pusu ma wimiyedala wisitek ma netou Yesus wafai pusu wafi ' Yesus wamana te namalan' 42 Pitilimayo su kusta pisili peinso netok kou punumaye wamala matau. 43 Yesus wuyuk wamu pakafu webewai wusu ligin pusuti weyu wamu pusu tit. 44 Yesus wafai pusu yifi wamana dau liging ko pusu nan nesafi mainkaso namuse, pusu Imam yowo pakafu wusu kamsompe pau yekisi namalan punuma Musa wuyuk towosai pusu yifi. 45 Mainkaso neano wamu wafai fisitili punu pesebek wamubilima ligino paikamo Yesus wasan.