¹ Daut go usam, kecapi ey kluing go no kluo go. Genam wak mo klung mo, at nogo se wa, Ki Wali Iram, genam seni so pu go. At go tegan diding ba nogo, mot at go dabui srong tugui gemang.at dewi pu go klum iti a. ² Sikabung naklay, at go blong kon sogo kaning so seding ya semu? Motnang dabui seni yakua tagot go nggaey wamoy mlue no sogo so iti ketogoy? ³ Se senong, Woy Wali YAHWEH lo klum go sedue mo kuoy gemang; genam lo Nemot mo usi, Woy Wali YAHWEH mea tup. ⁴ Dabui pia se tra, no kon kua semu; dabui balo nebut se pen sip sdek blo no yakot so se. ⁵ Taiti puit iti sogo seni so se nggaey Woy Wali YAHWEH nogo dabui lo se keng. ⁶ Sikabung mata sogo li pu go :nando lo suey go imot nogo ya taling? Mot go nebem nemu go neblong iti-a Woy Wali YAHWEH! ⁷ Dabui yakai Mot lo genam sono iti go, mata dega so nemotnang gandum ey anggul eygo seni tagot go logo ey kua kerlam. ⁸ Ngengam yakai ey genam masi sra go mea sdek, Mot seguong a Woy Wali YAHWEH genam yakai ey itak go.