Numbut Pen Ngga Edom Nogo ¹ Numu kalong ei Obaja. Nggekalikso Wali sam klaut Woi Wali Iram logo mang pen nawon Edom nogo: Genam nang tupko nembut kluim Woi Wali Iram logo, sedue meno talinggo nase pugo weng, saula-saula nesipno, "Bonggelakya, wengya imot ipko nemblong ei!" ² " Sini sini sunguong so adomasumu mot seguaiso e saula-saula nemot naklai mapiam sini. ³ Dabui tatuge dabui balo mapepenklong motsogo ei motngga dumu luk baso susungo, sip susunggo yangga blosiniso modo pugo " dabui balo nandolo yasumu ya wawigoli e kukunan blo nogo?" ⁴ Ngga nemodei mot mapling blosono ngga kalikso, wi iram kalei nggaei, nemogo utnemot nemogo sip no e buisue-buisue daguno, nggasik sogo ado maitigolimot ngga nemot kalikso wali sam klaut Woi Wali Iram logo. ⁵ Nggano wadi wadigo womsogo ngga wom sedue mang weng nemot mitno e sang mot yamso yakua ngga nemot segoso nemotang womso malemoi kata yamso ngga ei nemotanglo dunggo yamso? ngga nemot dei didonsobubuo go anggur mang weng nemot mitno, kua nemotang ngga maluguot sing klai klai matu ot sing? ⁶ Ngga nemot segoso Esaugo tang mang saglok newon, ngga nemot kalik koso nemogo taut naklai ngga bano kok ko mangwet dali! ⁷ E mot sip kusang motyatko, nggano modei mogo andua naklai, motmasumu dali, makenong dali mogo andua andua siyaplo, nando modam ten dali sumugo nemot modei ngga nemot tegan tuigo motnegoso, nemot kua duing sini. ⁸ Kuagose ngga ei kungga, ngga nemot sogoso samklaut woidem sik sogo mang kuntun, ado naklai ulueso maitak sedue-sedue kunala kalong ei go yangga nomot Edom, nggano susunong ngganemot kumindum Esau? ⁹ Yangga nemodei plesedue, ei andua ngga, masumu dali ngganemot kalik koso naklai sedue ngga kumindum Esau makua matuk sing. ¹⁰ Tang sikso dabui piam kangokso mang tra nawon ntaton Yakub no, ngga nomot kalik koso piam malemoi mot nogo ngga nemot sogoso mot ma kua dalingga no kua kuago. ¹¹ Ngga nemotno kumot ipkenang e ketsono, ngga nemot dei sedue-sedue dia siksogolo maikak nemogo taut Yerusalem, ngga nemotdei sedue-sedue nenepsogo madugut dali yataput gerbang, ngga nemot no mabetep dali undi nemotang blonogo mot nemot dali sedue menodali nemotang sik sogo. ¹² Tebadali nemu yalap ko kusono ntaton nangsono, yanggaku ngga nemot dalisogo ngga ei yakai kua yangga nomot melena Yehuda, ngga ei ku piam-piam nogo kuasumu wamoi mulue kua sumu yangga ku kua sinigo nogo. ¹³ Teba degut yataput gerbang uduo nembogo ngga nemotno kumot kua senong, ngga nemot sogoso kua duing ide kuawa ku piamgo yamsogo miapung siniku yam sogono, ngga ei kua lupuk nemogo taut nggaku kamso. ¹⁴ Tebadali kua ip tap tebuemno genang kua genang sogo sedue-sedeu nang waligo ngga ei kua iti sedue-sedue nomot nang pledekko ngga kupiam piam gono. ¹⁵ Ngga nemot segoso kukabededagu Woi Wali Iram imot blosonogo naklai uduo nembo ngga modo sumugo kalik, ngga nemot kalikso masumu dali motnogo mogo tasam piamgo tandali maweng motblo sinino. ¹⁶ Ngga nemot kalik koso, ngga nomot mang derop e ngga kumindum ngga klaut, naklai saula kuon ngga nemot madrop ngga ei tong kuatong dali ngga nemot dei, nemotang madrop wamoi muleso, ngga ei nemotang malemoi dali ngga ei nemogo kukuago kalikso. ¹⁷ No, ngga mendum Sion nemot ngga sedue-sedue mo kuoygo, ngga ei mendum yangga nemot miapa dali sipklaut, ngga nemodai Tang melena Takub lo masuing dali nan nemotanggo. ¹⁸ Tang melena Yakub ngga nemot malemoi kaiso, ngga nemot no tang melena Yusub koi nembleng so malemoi dali, ngga ei tang melena Esau mialemoi gandum go nuikso, nemotang yangga mapidak ngga ei miadam koilo kekaiso makua sini, ngga ei ngga ei ngga tang melena Esau nemotang yangga sedue menodua kua plet, ei woi demlo wali nembut pengo kalik so gemang. ¹⁹ Ngga nemot dei sedue-sedue nan Negep sogo ngga nemotang lo miapu nemotang go kumindum Esau ngga ei miapudali sedue-sedue kutuik dato nemotang lo ma pudali nemotanggo nan sedue Filistin, nemotanglo mapu dali nemogo sip Efraim ngga ei sip Samaria ngga no tang Benyamin ngga nemot tanggo sip Gileat. ²⁰ Sedue-sedue Israel mogi anggo ngga ngga basono tega nangsogo yangga nemotang go nan sedue Kanaan ngga ei e Sarfat no yam, ngga no sedue-sedue Yerusalem ngga ikakko tega nangsogo yangga mang e Safarad so nemotang mapu dali kota-kota nemot Nan Negeb. ²¹ Numudisogo-numudisogo nemotang maklak e mendum Sion no ngga nomot sogoso ide keba kumindum Esau, ngga nemot segoso Woi Wali Iram nemot ngga nemogo sip Walisip.