¹ Ku ngga nomot no sikabung naklay usam ngge mea kluo, nan Yehuda nogo: Imot-imotnang go yakena don ey, Nemot ip go, demu tema mo klik, Imot Wali, imot Wali! ² Tenuing-a Wali go yataput-yataput wali suey go saula meno degut sogo, sedue kabung ngga wali demi sono kuno woy no ta mlak go koklong go. ³ Dabui nemot leguong sono mo iti go ngga, nenem yakay nemot gemang seni so nemot dabui iku Nemot no mo iti. ⁴ Dabui iku senang so Woy Dem senguong no se iti, seni so Ki Wali Iram Woy Dem ba nogo so Imot Wali demu true mea iti go degut. ⁵ Yang, Nemot lo nemotnang go sikabung sib suing blo sogo ku sono gemang unik, suing kukenan blong ey go, nemot lo unuik go kuno nan blo sono suing, ngga ey sung ba sono iwom go itak. ⁶ Masi lo ku sono mea gluik go kenok, yangga sikabung sogo-sogo kua go masi ngga ey sikabung malo go masi dabui. ⁷ Tap sedue suey go ngga nemu idi so. seni so, Ki Wali Iram Mot teguop go Mot lo Wali tap nemuidi so mea taling. Seni so, Ki Wali Iram Mot teguop seni go, Mot lo Wali tab, blong ey go nemu idi so mo semu. ⁸ Mot sik sogo blong ey go tap WOYDEM atnang maning bung etegu, Genamnang yakay kangok Mot nogo sui iway rerelek go. ⁹ Kunala mot seguong-a duduing wadi go dabui iku dabui ba sogo seni-seni so Mot-a uwet, seni so ide keba kukenan kukenan blo no u-weng go nogo. ¹⁰ Nago no sedue piamgo sedue suey golo klum tra go nemot deguo teguop go ngunguok go yakua keng, wali yakena nogo tasam sueykua go-a mea sesemu dali, Nemot WOYDEM blong ba sogo yakua ikum. ¹¹ Yang WOYDEM Mot ta blo sono iti go nemotnang yakua ikum. Nagono nemotnang Mot go Sasuik blong no taling go Nemotnang suongsut ey gemang tetera. seni so Ki Wali Iram go koy lo nemotnang koy lo gemang lop go kuimsing. ¹² WOYDEM Mot lo genamnang nogo nenenm yakay tegaditegadi mo dok go ngga mea iti, seni so motnang go dali lo genamnang nogo kebali mea semu yang ngga, kebali genamnang go. ¹³ Ki Wali Iram lo Nemot go blung nogo Wali demening go ma iti. ¹⁴ Nemotnang gemang mo kebong, tandali go yakua wali. Nemotnang sedue lap so gemang mo lemoy, tandali go mea kua ip. Ngganemot kalik mot idekeba iti go ngga ey nemotnang mo sueplak, kebali so idok go tega, tandali go yakua duing dali. ¹⁵ Mot lo saula ngge go sinok mata so mo lemoy WOYDEM. Mot lo saula ngge go saula gemang meam, mot ta ey mea kong, Mot lo saula ngge go Won sang suey so bata so mo lemoy ¹⁶ Yang WOYDEM, nemotnang Mot so u-uwet go didering ba sogo kalik nenebuek, Mot sik sogo sesenong duduing nemotnang no pung go nogo. ¹⁷ Kabung lo duo iseng so tetra go kalik, u-waklo ku se tetebot duo tui genang sogo, ngga nemot kalik Mot go nebuem ku nogo WOYDEM. ¹⁸ Kabung duo nu sogo kalik atnang iseng tetegle go, genamnang nebit-a, tui sogo kalik. Atnang seni kua lemoy be kukenang blo taitak genang sogo ngga no kukenan sedue kabung duo tui genang. ¹⁹ Motnang go sedue kabung go tandali mea ngelong, nemotnang go temoy kebong go ngga tandali mea ip. Motnang naklay nanmu balo seserek go ip-a! yakay semu a-! Seni so, Mot go kebub sa wadiakua go kalik, nggano kukenan sedue kabung lo sedue kabung kebong go dabui iku dandali mea tui. ²⁰ Weng-a At go Saula; degut-a mot go degui-degui ba sonomot go taton sog yataput sbendi nase-kong, ngga ba sono namboy kok-a, e.. kudalu yamso se kua. ²¹ Se Ikum! WOYDEM Nemot go sib sik sogo pung so gemang, si kabung nemot no kua keng go neyboy genang. kukenan kin suk so mea lemoy, kebet genang sogo yakua.