¹ Uyagui se lek Tarsis sik sogo Bay-bay kangok go.Tirus yamso tang ey mo kua, yab klaya nang go kua ngga ey bay-bay kok genang yab yam so mo togut. nebut ngga yakena Siprus sik sogo nemotnang nogo gemang pen nawon. ² Yakotso suing-a! Ey motnang Beap kasegelok lo suing lak go. ey motnang nay sedue dega Sidon siksogo, mot go tamot-tamot beap blo lo gemang wenglak. ³ kualigenang didon Sikor sik sogo Beab nesip lo gemang uweng, ngga ey bu nil sik sogo dasinanang nemot ten kangok go sib ngga nemot so, yakena dega ngganemot saula-saula go nay sib dega so mo lemoy. ⁴ Ey Sidon Ju-a! Beay lo pu go ngga ey beay mo pen, genam sadui duo nu sogo ngga ey kabung duo tui genang iseng maning kua tra. ⁵ Ngge sik sogo nebut ngge e.. mesir no mea pung, nemotnang dabui sesat ey gemang tra nenawon, Nemotnang dabui u ey mea tra Tirus nogo nebut tup go tang so. ⁶ Tarsis no tengou-a! U-yagui lek-a Sikapung Kasegelok pay lo suisuing go. ⁷ Ngge mogo yakena dega dabui yakay ey banim go ku nogo asi- babu lo semu nenawon go? Nemot go masi tang go lo kukua go sib sono idiok go suing genang sogo. ⁸ Nando lo kebali nebut Yakena Tirus nogo ya pen: Nali so kok genang yakena dega! Yangga tou ey go sikabung sui ey go, nggano Nay so ta go sikabung ngga kukenan nogo sui ey go dega. ⁹ Ki Wali Kumam lo ngge naklay mo duing, Naklay go dabui tategue Nomot lo kuasini so mea lemoy, Sui ey go dega Nemot lo kuseno me unik. ¹⁰ Mot go nan sik sogo se tenguo bu sue sogo kalik, ey Tarsis Kaguit. Tegan dok genang nggeasui go mo kua. ¹¹ Nemot ta beab blo no tui nawon go. Nan-nan bubuong ey gemang. WOY DEM nebut usi nawon go yakena Kanaan nogo sib ngga nemot tang kua go nang sogo. ¹² Woy Dem lo pu go: Motnang dabui yakai tra genang sogo yakua, ey denok kaguit Sidon motnang kekenok go. Bong-a, Siprus no tenguo-a, no ngga nogo sib diasuing genang motnang yakua tegu. ¹³ Ikum-a, Nan Kasdim saula ngganemot mo kua dali. Asyur sikabung lo nemotnang Widasi kaseglok pay sib so mo lemoy. nemotnang lo demu tema yab nemu tong genang mo semu, yab-yab dega nemotnang lo togut go kay so mo trong. ¹⁴ U yagui lek-a Bay-bay dega Tarsis sik sogo! Mot go demu tema yamdo mo togut sing. ¹⁵ U yagui lek-a Bay-bay dega Tarsis sik sogo! Mot go demu tema yamdo mo togut sing. 15ku ngganemot nogo, Tirus 70 yagui so mea kay, ku-ku Deguena go kalik. 70 yagui yam sogo nogo, Tirus nogo mea lemoy kamea usam ngge nogo kalik; ¹⁶ "mot go nenggui iti-a, yakena dega lo klong-a, ey kamea sikabung se kay! suey-suey so se buo, mot duing genang usam mata-mata so se kluo." ¹⁷ Yagui 70 yamso WOY DEM Tirus nogo mea klong. No Tirus tandali nemot go kamea so semu go douy sono dabui mea iwot nggaey saula-saula kukenan sogo ey kamea mea sesemu. ¹⁸ Tirus go seguot duoy ngga ey kamea semu go duoy iti go Woy Dem nogo temu mea tui, ngga ba nogo kok go, tui go damoy ey tram genang sogo yakua. Tirus go seguot doy iti go ngga sikabung Woy Dem go Seboy ku no susuing go nogo ten ey amblekeba ey iti genang mea nemot.