¹ Ngge waly nebut Woy Wali Iram sik sgo, Mesir ngo : Sni so, Woy Wali Iram waou kdaso kap ko blo sno klak go gano Mesir no mea weng. Demat-demat no ta so kong go Mesir sik sgo Woy Wali Iram go suong kuno bubuong ei mea king. Sikabung Mesir go dabui malo go so mea lemoi sasuik bano. ² Genam lo sikabung Mesir way-way so nemotang so sagui pung nang so mea lemoi. Nemotang-nemotang so sagui way-way so mea betedon demanon nang ei mea pung gano yap tenglam iji-iji ei go way-way so mea wayang. Yakna dega ei yakna dega ei ple way-way so mea pung, nan ei nan ei way-way so mea pung. ³ Sikabung Mesir go unuim nemot nang go sasuik ba sik sgo mea nega, gano genam lo nemotnang go klai kunala mea suep lak. Gatang so nemot nang demat no tap mea wadong, kunala sikabung ngo mea wadong , ksep so smu go sikabung ngo mea wadong gano sikabung nemu truk go ei go no. ⁴ Genam lo sikabung Mesir woy piam go ta ba sno mea iti, gano iram sedue swei kwa go lo yengkabui so mea suing, Woy Wali Kumam go nebut. ⁵ Beap bu mea pang, bu yam so sok go gano mea pang. ⁶ Butap-butap ba sik sgo nemon swei kwa go mea pung, butap-butap koklong go mea pang, naklai ingok gano yum nemon ei go so mea tui. ⁷ Sip-sip udong pung go butap koklong go dagu sobu nil ketang so gano naklai bu tetble ganemot balobluim go mea lekuoi, nembit lo mea ijok gano kwa gemang. ⁸ Sikabung wob so mlak go mea gnuing gano u weyawi mea kluo naklai sikabung yano so betep go bu Nil no mea gnuing. Nemot nang wob kebab bu ganemot no beteb go tutguom. ⁹ Amblekeba malo-malo so semu go kwa go yam no pung, ganemot kadali amblekeba klaut so semu go. ¹⁰ Nan ganemot no tebok go me kusuop, naklai kebali sikabung duwoi lo nai go dabui ba u ei goso mea. ¹¹ Iram go dwo Zoan sgo nemotnang puplui so mea lemoi, nebut mamking so pepen go Firaun go sikabung kunalah teguop go li go puplu so mea lemoi, sgokalik so motang lo Firaun no ya pen, "Genam ngge kunala ei go dwo, iram nang go dwo banim go.” ¹² Gakalik so mo nago so sikabung kunala ei go? Neya nemot nang lo mot no pen. Ganemot sgo so, nemotnang sgokalik so ya senong Woy Wali Kumam lo Mesir ngo so takbali pu go. ¹³ Iram go danon zoan nang puplu so mea lemoi, iram danon memfis sik sgo gemang mlue , nemot nang go tang ba sgo woy sedue tap nega nang sgo gemang taling Mesir no. ¹⁴ Woy Wali Iram go kuasep kunala nega nang sgo mo tui nemot nang nesip no. nemot nang logo sik so Mesir tap mo nega, sikabung bu yengkabui ide ei drop go kalik yane go nemot go kusui mot go blo sno konong yam ngo kalik. ¹⁵ Sgo-sgo kebali kwa mesir ngo, kebali tebok nang sgo naklai yengkabui lo e sat no, baknang no e kali no. ¹⁶ Ku ganemot ngo, sikabung mesir kabung kalik so mea lemoi; bubuong mea king gano suali mea tra, Woy Wali Iram go ta don ei go ikum go sik so, nemot ta lo glok go blo snomea iti. ¹⁷ Nan Yehuda Mesir lo Ikum go suali ei mea tra, sikabung nando lo Yehuda go sui mo pen, suali ei mea tra Yehuda go sui no, takbali Woy Wali Kumam lo tui go nan Yehuda ngo sik so. ¹⁸ Ku ganemot no, yakna dega taidi klaya sgo Mesir so. Kanaan go nebut so mea pen gano ta nat go tup duk so Woy Wali Kumam no. sikabung klaya go nemotnang ba sik sgo ngge kalik so mea pepen, "Akna dega tang ei mea buin.” ¹⁹ Ku ganemot ngo, mesbah gemang Woy Wali Iram ngo nan Mesir nesip sgo, ganodemu tegadi so dok go Woy Wali Iram ngo nan sang dagu so gemang. ²⁰ Ngga sip taling genang so mea lemoi gano nebut pen snong so mea lemoi Woy wali kumam ngo nan Mesir sgo. Ganemot so nemot nang mea usi Woy Wali Iram no nsring sikabung mata go sik so, nemot lo sesuoi sikabung mea pugo klong gano nemot nang no ta itak nang sgo sikabung nesip no mea ip. ²¹ Gano Woy Wali Iram lo Nemot go sasuik mea taling Mesir sno, ganemot kuno, nemotnang Woy Wali Iram mea snong, gano dewi yap no dewi pu so mea klong ganemot no taiti menai ei mea iti go klongdali gano taiti, ganemot no Woy Wali Iram ei tegadi mea dok gano takbali so mea lemoi. ²² Woy Wali Iram lo Mesir mea but , but ko no tandali mea pali, nemot lo nemot nang tandali mea iwot Woy Wali Iram no gano nemotnang go dewi mea wa gano nemotnang mea pali dali naklai. ²³ Ku ganemot ngo, tap kangok go gemang Mesir sik so Asyur no. sikabung Asyur Mesir ngo mea klong gano sikabung Mesir Asyur ngo mea weng. Sikabung Mesir ei sikabung Asyur ei kebali kerlam so mea smu. ²⁴ Ku ganemot no, Israel sip nangglik tite no mea suing, gano Mesir, gano Asyur, naklai klum so mea lemoi kukenan nesip no. ²⁵ Naklai Woy Wali Kumam ta tui go ganemot no mea pepen, ta tui Mesir, Gnam go bloung, gano Asyur, Genam go ta lo lemoi go, ganemot no Israel Genam lo mo kuwoi takuduen so.