¹ Seniso, Kiwali Iram aya Yakub nogo kelum tangso, Israel tandali mo kuoi e nomogo sip mea taling nemogo kukenan nogo. Saula meano – meano Yakub go sedue kabung so mea lemoy. ² Saula meano – meano lo Israel wawigo Israel go kukenan no mea klong, nggano saula meano – meano ngNgganemot Israel go goibu tamot so mea lemoy. Saula meano – meano ngNgganemot banim go saula Israel nemotnang go goi bu tamot so gemang lemoy no nggeasui go saula Israel lo wasoi nemotnang goi bu tamot so mea lemoy dali nggano saula Israel ngga nemotnang go yemkabui so mea lemoy. ³ Kunangglik no Kiwali Iram logo sik so motnang jah mea suing, sadui ey tra go usne mea sdek nggano kebali mata so semu go sedue usne swey so mea sdek dali. Usam Babel Go Dugue Na Nogo ⁴ Motnang Babel go deguena ngngge kalik so mea wayang: nggaey motnang goi bu tamot sogo mea kua lemoy dali, tah kebali ngNgganemot mea itaklak. ⁵ Kiwali Iram lo teguoli sedue fasikgo mo pudeng, deguena nang go teguoli mo pudeng ⁶ Saula – saula demun mea suey iseng balo, demun ngNgganemot nemogo seding kua, Genam deguena iseng eygoso mea lemoy saula – saula nogo, saula – saula ten suey so yakuadam, usne suey so yakua sdek, kuno woi no nemotnang dedimun bloso mea susung. ⁷ Kukenan seding siso itigo seding no mo tebung lak klum kua. Nemotnang usam ninim yakay ey mea besilak. ⁸ Nali dih ninim yakay ey motnang blo no, nggano dih – dih aras lebanon sogo, nggaey mea pu nenayon, eysang motnang ngga ku seni no mo idok go tah, genam nang tuo nggenang sogo sedue kua. ⁹ Sedue kabung kebong go yakena ninim yakay senguong so motnang nogo ngga ey motnang weng go nogo. Nemot lo motang nogo sedue kabung kebong go lap mea pu go ip lak nemogo sip siksogo, deguena – deguena kukenan blo sogo, Nemot lo saula – saula go deguena nemotnang go sip suing sik sogo mea pu go ip. ¹⁰ Nemotnang naklay – naklay nebut mea pen nenayon nggano mot no ngge kalik so mea pu, “ Nggeasui go mot lon mo kua dali genam nang kalik, mot atnang ey mo kerlam wa” ¹¹ Mot go sui blo sno iti go nggeasui go sedue kabung kebong go yakena no moli, nggano mogo yakay so pla go taut dali. Su ey tet ey mogo sip sdek so mea lemoy nggano mogo amble keba sasunuik no kebet nang sogo so mea lemoy dali. ¹² Eysang mot ngga ut belo siksogo mo kenong, eysang Busue Warkago Woi Kelak Idi Nogo, Woi go danon, mot ngga saula kalik so mo luk nggano kukenan blo sno mo beteb, mot ngga saula – saula so mogo masi bano lepuk go tah go. ¹³ Modo mogo dabui bano duing go pu go, “Genam ut blo sno mea kelak. Genam ago sip suing blo sno mea iti silu Kiwali Iram go busue – busue ku sno mea itak. Genam meadum tetegu go seni no mea suing, seding no dun idino. ¹⁴ enam ut blo sno mea kelak gum ku sno mea itak. Genam Kiwali Iram ey mea kerlam.” ¹⁵ NgNgganemot sogo so, mot sedue kabung kebonggo yakna sno mea iti go li, mu seding no. ¹⁶ Nemotnang mot ikum go nemu walong so mea bung nggano suey so ikum gono mea pu nenayon, “Nggedo nemot degalo bah kukenan bebong ey king, saula – saula deguena ey i sing go nan ey lek, ¹⁷ Nggenemot degalo kukenan bu kua goso lemoy, kukenan di kua goso lemoy, nggano yakena – yakena kanogok go yam so utuk, nggaey sedue kabung boi basogo kua itak go pung lak ?” ¹⁸ Saula – saula go deguena naklay – naklay sip swey – swey go balo mea sdek lak, nemogo – nemogo yab swey – swey go balo mea sdek lak. ¹⁹ No eysang, mot mogo mu ba sik sogo mo iti go betep, di kali bung go betep go kalik, mot sedue kabung kebong golo mea ulep lak, tenggang lo luk go nang, mu demu eygo balo mot mea li, mot temoi pegop go gualing go kalik mea gualing. ²⁰ Mot nemotnang mu ba sogo ey kelaya gono yakua lemoy eysang modo mogo kukenan mo utuk, modo mogo blung mo but go kebong lak. Ngga sogo so sedue kabung taibat mo semu go nemotnang go sinok ke go blung banogo nemotnang go sui mea nega nggeasui go sik so iti go e yansigo ku nogo. ²¹ NgNgganemot sogo so nemotnang go sinok ke go nogo mu se tuit, nemotnang go sinok but go kaiso mu basno mea tahlak, ngge kalik so semot go ngga nemotnang go babu asi go piam sik so; kua gomo, kukenan ngge naklay – naklay nemotnang lo mea nggeluk lak, nggaey kukenan ngge go nembem nemu nemotnang go suk so mea lemoy, nemotnang go yakena – yakena kanogok golo. ²² “Genam mea ip nemotnang ey ple pung nggenang sogo,” nebutpen Kiwali Iram kukenan deguena logo,” ngga ey nemotnang go sui Babel sik sogo mea sueb lak, temung itak go, nggano duo yab, duo yab go duo”, nebutpen Kiwali Iram kukenan deguena logo. ²³ Nggaey Genam lo semu go Babel landak go sip so mea lemoy nggano bugon – bugon so mea semu go lemoy dali. Genam ngNgganemot naslok so senggan go di Babel ey utuk nang sogolo mea senggan,” nebutpen Kiwali Iram kukenan deguena logo. ²⁴ Kiwali Iram kukenan deguena tegadi mo dok, Nemogo nebutpen: “Seniso Genam lo dedung go ngngge kalik, Genam lo dedung go ngNgganemot ngngge kalik so mea lemoy; ngNgganemot Genam lo dedung go kalik, ngNgganemot kalik so tah kebali sogo mea lemoy. ²⁵ Genam lo sedue kabung Asyur yam so mea tagut lak Genam go nan belo nogo nggano nemotnang masi lo mea gualing lak Genam go meadum belo nogo. NgNgganemot sego so nemogo ide keba Genam go blung belono iti go tui go mea ikak go tega; nggano nemotnang go yalu belo sik sogo ide keba mea idok go tega dali. ²⁶ Ngge Genam go kunala duing kukenan naklay – naklay nogo gabe. Ngge Genam go tah bata go demun but nang sego saula – saula naklay – naklay nogo.” ²⁷ Kiwali Iram kukenan deguena yam Nemogo kunala duing lemoy nggenang sogo mo tui, nando lo Nemogo yam tui go ngNgganemot ya iti ? Nemogo tah mo bata, nando lo tandali ya lek ? ²⁸ Yagui deguena Ahas kebong go kuno nebut senang Kiwali Iram logo ngngge kalik so gabe uweng. ²⁹ E saula Filistea naklay – naklay, motnang yakay teba dali kua tera esang didemun motnang so but go mo puideng. NgNgganemot sogo so lema go serang basik so mea pung lema wit nggano lema wit basik so lema beno tabang ey go mea pung dali. ³⁰ Sedue kabung sogo – sogo naklay kua seni go ten mea tugu, nggano sedue kabung don kua go kulo swey so sdek go nemu mea bubung. No Genam lo mogo srang mea suguoi lak ten dalu lo, nggano ten dalu ngNgganemot lo mot nang go blung maning suing-lak go yam so mea leguot lak. ³¹ NgNgganemot sogo so, u kelo ya yakena no degut nang sogo yataput ! kunala walong so duing ya sedue kabung Filistea naklay – naklay! esang goindop mo pung dun idi sik so. Ngga no kelaya nang go tab kua nega mang engkabui sik so iti go sat no. ³² Sogo kalik so nemotnang tamot – tamot saula nggasik sogono nebut wai ya pu? Kiwali Iram lo Sion yakena mo semu won nggnggano meanai ta iti Nemogo blung logo ngNgganemot ba no mea suing-lak.”