No Hosea Gotang Numuso Bubunggo Nggaei Israel Ngga Nemoh Kua Senong ¹ Wali Sam klaut kiwali iram sikisogo mang kuntun Hoseano danon Beeri ngga nemodei kusantugungo Uzia, Yotam, Ahas nggano Hiskia, iram-iram Yehuda nggano kumang santugundali Yerobiam danon Yoas iram Israel. ² Nggano motno kiwali iramko mangpenawon Hoseano, nembut pengge nase pendali Hosea. Seklong, kabung nase iti kamia kabung, no duo nase tui kamia dua, ngganomot sogoso yakena ngge kamia kangok nggano kiwali iram tatonsono motungu. ³ Nggaei mangklong nemot ngganu mang iti nawon kabung, Gomer Dunun Diblaim, ngganomotno duo mang ititun, kabung ngganomot nggaei duo mang tunatun sedue donok. ⁴ Ngganomotno wali samklaut kiwali iram siksogo mangkuntun Hoseano. " Nemogosui Yizreel duo ngganemot, ngganomot sogoso ku mangdedagu genamlo piam nemotno taling nang sogo yap tenglam yehu nogo ngga kin Yizreel no genamlo ku matebut nggaei ankasum maiti tang Israel nogo. ⁵ Ngganomot sogoso ku ngganomot nogo genamlo nomogo ple tengang masuguoi Israel go e kupai Yizreel" ⁶ No nggaei kabung ngganemot duo mang itidali nggaei duomang tuinatun kabung donok ngganomotno wali sam klaut mang kuntun kiwali iram siksogo Hoseano nemogo sui nase pu Lo Ruhama duo ngganemot ngganemot segoso genam nemotnogo klumkua mo tang Israel nogo. Ngganomot sogoso dabui piam kangot so gemang teradali. ⁷ Ngga nomot sogoso genamgo klum tang Yehuda nogo No, nemotang mapali dali sini kiwali iram. Nemogo wali Ayalo nemotong mawali dali No. Plelo tenganglokua, nggaei taut pleso pupunggo nggano kuda No sedue-sedue kuda eiga. ⁸ Nggano Menyapi Lo Ruhama duo tan dali gemang ititun dali kabung ngganemot No duo mang tuitun sedue donok. ⁹ Ngganemotno nembuit kuluim mangkuntun kiwali siksogo: "Duo ngga suipuya Lo ami duo ngga nemotno, ngga nemot sogoso mot ngge agoblung kua, No genam ngge mogo kiwali kua" Tegadi Pengo Walinangso ¹⁰ No, kugemang tagu igenang sedue Israel nemotang beap kasegelek kalik tagu yakuai, nggaei sip nagono nemot yapen nemotang nogo: "motang ngge agoblung kua" nemotang no mapen dali wali Ayago duo yap nomot ngga Wali". ¹¹ Sedue Yehuda ei sedue Israel ei mayalum dali kerlam. Kerlam so ngganemot no nemotang makuoi klaya duo wengkabui nangsogo, ngga ei sip ngga nemotang lo masuing sogoku kangok Yizreel nogo.