¹ Nagono mugo akago,satgo manai lembu,domba duen bano nega go,modo ikum go,kwaitak nemub ikum go kwa ukumgo kalik,sewa wigoweng aka nga manaiso ponggo nemot so. ² Aka nga nemogo yap ketso mo nemogo yap mot kwa snung mo,mugo yapno wawigo nemot no seiti. ³ Nganemot kalik mang modo smu genang sedue kabunggo,manai,amka sgo nga nemot kalik dali sesmu sedue kabung go ulong nega go,nemot motugu mo,nemogo nganemot tandali seiti nemot no,kwa snung go kalik kwasmu. ⁴ Modo ikum go nemogo manai kununggo tap no,lembu keledai,ikum go pu kwa ikum itak go keklong mot mugo aka nemot no yalu sekut go manai nganemot mulokgo ip.

⁵ Kabung sedue go amba kwa kok,ngano sedue kabunggo amka kwa kok,sedue kabung nganemot kalik smugo mo,nga keji TUHAN,Waly Ayah mugo lo pugo. ⁶ Modo tap no ikum go winok go ut,ditemoi no,nemodali nanblom ikumgo nemogo nokgei,ngano nemogosiei,mot nemogo unen kwa mulok,seitak nok,unen. ⁷ Nemogo unen itakgo sepling,nemogo nok go seijok.Nga sgo so mot suei so makeklong mugo wali ngemo mot wali walong soma suing. ⁸ Nagono mot yap imeninggo moklik mo,mogo yap nganemot tema seklik,kling,sedue kabung yap blosikso,kununggo mot no kin maitak. ⁹ Mugo usu anggur nogo,anggur seguong ya sekwali manon ei kwa,anggur sni go sip kudus lo nemogo so lemoi eigo. ¹⁰ Mugo nan bajak sgo,lembu ei keledai ei kerlam so kwa. ¹¹ Motamka kok go,nemogo jenis namon ei golo kwa smu ngekalik,domba go ditei,ngano lenan kerlam so kwa smu. ¹² Smu so mo,tegan mokuoigo kain sring sbut nang sgo imgo saisuk nemodo kibet sgo.

Demutrui Sedue No Kabung Dok go

¹³ Sedue lo kabung itigo no nemodai srek,ngano nemot nogo waiso dabui piamso lemoi. ¹⁴ Ngano,nemot sno mang nalinglung modo tasam suei kwago smugo ngano ago suei pegop go ngano,ngekalik mang pu,'Kabung nge genam lo itigo ago kabung so mo lemoi,no genam nemodei srek go,nemot kabung nga sedue ei maning kwa tugu go kalik go kwa ikum. ¹⁵ Namogo mia ei aya ei go lo sotaling kota no klang go no sedue-sedue sni tap pupung so susuinggo yataput so nemotang no setaling ago duo sedue eigo maning kwa tugu. ¹⁶ Kabung nga nemogo ayah lo sepu sedue-sedue sni nogo,genam go duo sedue ngeno itigo nemogo snun so lemoi genangso,ngeasui go moiso nemotsgo. ¹⁷ Ngano sesnung nga nemodo tasam sueikwago smugo mugo duono ngano mang mule,'Genam nemudei srekgo kwa ikum kabung kaguit nga sedueigo maning kwa tugu go kalik go,amka jano sekuduik sedue-sedue sni ikum sgo. ¹⁸ Sedue-sedue sni kota nganemot sgolo nemot mulok go demun mabut. ¹⁹ Denda smu genang seratus syikal perak ngano perak nganemot nemogo ayah sno maiti,sedue nganemodo kabung Israel go sni pegopgo.Ngano kabung nganemot kwaitak.Nemotamon susuinggo,sedue nga logo nemot kwa yat. ²⁰ No,nemodo pengo nga sni somo,kabung nganemot sedue menoei go mo srek,ngano sedue ngeno wamoi so mule kaguit kalik, ²¹ nemogo ayah lo nemot wawigo jasno sepung sedue kabung kota nganemot sgo lo nemot dmu lo bubut ngano kebong,nemodo Israel snongsut tasam talinggo,kamia-kamia so uet go nemogo aya go yapno,nemot ngasno sesuep tasam suei kwago sedue kabung nesip siksgo. ²² "Sedue sunum,sedue menoei mosrek mo,nemotamon nganemot ngasno but go sekebong,sedue nga kabung nga nemodei srek go nga sno sebut,kabung sebut dali,nganemot kalik mang tasam piam goso smugo sesuep nga sno sedue kabung Israel siksogo. ²³ Kabung kaguit bainang mopu,ngano mangklong kota no,kota no nemot sedue menoei srek. ²⁴ Nemotang lo nemotamon sewawi go klong yataput gerbang kota no,ngano nemotamon nganemot dmu lo setuk go kebong,kota nogo nemot wak kwa klung,sedue nganemot dali,nga sedue go snun sgoso suet,nganemot kalik manng nemotamon go tasam piam go nga,ngasno sesuep motang siksgo. ²⁵ Kabung nga sedue ei bainang pugo nemot,sedue nemoei mo tugu mo padang no,nemodo kabung nganemot taloplonggo nemodei,srek sgoso mo,sedue nga nemot do plonggo nemoda sebut go kebong. ²⁶ Kabung denok nganemot nogo sgo-sgo kwa smu,kabung nganemot konkwa,nemot yakwa but,tasam ng,'Ngekalik mang,sedue meno keklong tebali tap temoino wom tapso butgo menoduo lo. ²⁷ Sedue nganemot padang no tugu go,kabung nga sedue lo bainang mopugo nemodo wak kamso ku kulung sedue kabung kwa weng nemot mitnogo. ²⁸ Sedue kabung kaguit dei motugu mo,maning sedue eigo kwa tugu go,ngano bainang maning kwa pu,nemodo plonggo srekso,sedue kabung lo mo ikum mo nemota mon nemot. ²⁹ Sedue nga kabung de nok nemodei srekgo lo nemogo ayah no duoi seiti,puluh syikal perak,ngano kabung denok nganemot sedue nganemot no seitak nemogo sunun so lemoi,nemodo kabung nga nemot mo suet go,nemot susuinggo yagui-yagui kabung nganemot pugo ngasno kwa klong. ³⁰ Sedue denok nogo,ayah go kabung modo kwaiti janganlah menyingkapkan puncak kain ayah mugo.