Pasal 1

Musa go tap masi wenggo munduim Horeb No Mang pen

1 Nembut ngekalik kabe sedue Israel naklai-naklai blono Musa lo pengo bu Yordan ijino,padang gurun nga Araba Yordan so,ditentangan suf,Taran ei Tofel ei go nesip so,Laban,Hazerof ngano Di-Zahab. 2 Horeb Silo ipgo tap masi nemogo ket ku sebelas yamso Kadesih-Barnea no punggo,munduim blo tap Seir lo. 3 Tanggal satu,banu sebelas,yagui empat puluh,ngano Musa nembut mang pen sedue Israel nogo,TUHAN lo sgokalik so pu nemot nogo,nganemot kalikso mang pen,nemotang duduing sgo so. 4 Nemodo Sihon but go malogono,Iryam sedue Amori,nemotang Hesibon so susuing lakgo,Edrei snogo dagu. 5 Bu Yordan ngaijisgo,nan Moab no Musa suei mang ikum hukum Taurat ngano mangpu, 6 "TUHAN,Waly Ayah imgo,nemogo nembut kluim kabe imot nogo Horeb no pengo ngekalik,Walonsgo masuing motang munduim ngesgoso. 7 Ipogo sekeklong,sedue Amori go munduim no,sedue kabung nga yap tengelam dagu sgo Araba-Yordan sgo,munduim sgo,munduimdon blosgo nan Negeb sgo ngano biap keteng sgo,sniso nganemot nga yakna sedue Kanaan go,munduim Libanon sikso itigo Efrat no mapung,bu kangok dega go. 8 Sesnung,yakna nga TUHAN lo mo pung mugo babu asi no,Abraham,Ishak,Yakub nemotang no iti genang sgo,nemogo duonang mamtaton nang nogoso.

Hakim-hakim kuoigo
9 Kunganemot ado motno mangpu,ngekalikso,Banomago kebaide ngenemot yakwalet go tui mot seguong no. 10 TUHAN,Waly Ayah,nemodo smugo motang mataso malemoi ngano,sin seguongso,motang ngeasui go yamso mo miyam top ut blosgo kalik. 11 TUHAN Waly Ayah mugo babu asi,seiti motang nogo seribu kali yamso ngeasui goei yakwa kerlam motang nogo taiti -Nemogo nembut pengokalik motang nogo. 12 No sgo kalik ya genam banomogo kebaiji nganemot lekgenang sgo,motanggo kusadui,nembut teguon-teguon,motang ide keba. 13 Motanggo tang siksogo sedue-sedue kunala kangokgo sgo-sgo masmu,usei kangok go,kebali,meno-meno mesnung nemotang nganemotda makuoi genam lo,ingkabui nganso motang nogoso.' 14 Ngeasui go motang lo sewa genam sno,'Nge,suei kabe,duduing ngekalikgo nganemot kalik smu sgo takebali nganemot.' 15 Ngana lo makuoi ingkabui-ingkabui tang mugo-mugo ikum go,sedue kabung kunala kangok go,ngano nemotang takebali suei go mataso mosnung,ngano genam lo nemotang mang kuoi,nemotang ingkabui so malemoi motang blono,nemotang ingkabui plesedue seribu,ingkabui plesedue tang mugo-mugo. 16 Ngano kunganemot no,genam lo mapen mang motanggo hakim,no,ngekalik kabe,'Suei so sepen nemotanggo nembut teguong-teguong nemu suei so seikum nembut pen,nesip no sesuing,ple sagui smugo,nemogo sat dei trang eigo,sedue kabung tang meno ei go. 17 Plesagui smugo mopen mo,nesip no sesuing,meno duo seguong snoide keba kwa glung,menodali mugo tang ya kwa ikum,nge ago ngaduo meno,nembut pen sedue kangokgo sueigo,sedue seguia go sui kwago,nemo tanggo nembut pen sikso seikum.Mot kedaso iseng kwa kuip,sesnung pengadilan nga Waly Ayah go. Plesagui nga modo ikum go yakwa mo genam mitsno sesawi go weng,genam mitsno sesawi go weng,ngeno pengo genam tup sgo. 18 Nganemot kalik mang,genam kunganemot nogo mot sno pugo kebali naklai-naklai modo sesmu."

Nemuso Luluikgo Dua belas Yamso Nemogo Nembut Pen
19 "Ngano genam nang Horeb sikso ipgo padang gurun lo mang klong duen kangokgo  motang moikum nemodo,kumunduim sedue Amori golo,TUHANlo sgo kalik so pen Waly Ayah imgo,ngasikso Kadesh-Barnea no pung. 20 Ngano genam lo mang pu nemot sno,'Motang mopung mang sedue Amorigo munduim no,nga imot no itigo TUHAN,Waly Ayah atanggo lo. 21 Sesnung,TUHAN,Waly Ayah imgo,moiti yakna nga  imot nogoso.Sebsigo keklong,sedugut susuing,sgo kalikso pen TUHAN lo Waly Ayah img babu asi,swali kwa tra dabui don kwa pudeng.' 22 Ngano motang naklai genam mitsno saweng ngan sepen,'Weng imot sedue nagoyam so pugo banim klong ,imot yakna nganemot nemuluik genang sgo,ngano nemotang sikso matup imotang tap nagolo ya klong,nga sikso masnung kota-kota sno imot klong genang sgo.' 23 Ngekalikgo suei kabe,nga sgo so mugo basik sgo adokuigo nang sgo sedue dua belas yamso,tang klaya basgokuoi nang sgo klaya duo. 24 Nemotang mang klong masi lo mumduim sno,ngano nemotang lembah Eskol no mang pung,ngano nemotang yakna nganemot nemu mang ut. 25 Nemotang didon buogo yakna nganemotso nga mang ijiok go weng genam mitno.Ngano nembut mang pen ngekalik,'Yakna nga TUHAN lo itigo,Waly Ayah imgo lo imot no nga suei sni.' 26 No,motang ngasno klonggoso moiso,motang nga TUHAN go titah sgo waidang Waly Ayah imgo. 27 Motang menegerutu motanggo kemah bano ngano pipen,'TUHAN motang sgo piamso mopu,nga sgoso imot sedue wawigo punggo nan Mesir siksogo ngano imot sedue Amori go tano kabe itak,yamso ngasno kwa sgo. 28 Imot nagono waiso yaklong,imogo sedue kabung lo dabui yamso butom so selelmoi go,nemotanglo waiso ngekalik sedue-sedue nga kangok dega ngano walong-walong imot dei kwa kerlam,kota nga sep kangok ngano nemogo kubu utsno kling,atang ngano ikum go sedue enak. 29 Nganemot no genam lo mang pu motsno,'Bubong kwa tra,suali kwa tra nemotang no. 30 TUHAN,Waly Ayah mugo,nemot banim mabsi,Nemodo nogoso Mesir n,imgo nemukuno. 31 Ngano,padang gurun no,ngano imot ikum go,TUHAN,Waly Ayah imotano itigo,sedue kabung lo nemogo duo,tano itigo kalik,tapmasi uwenggo imot pungsip ngenemot no. 32 Nemoda ngakalikso mang,no motang TUHAN nogo yakwa keng Waly Ayah mugo. 33 Motang go nembuem nemu kuno banim bisigo,motang nogo sip uet nang sgoso,motang kemah klik sgo,'Wadi kuklik gonogo koi kalikso mablon ngano kublong gonogo gumklaut kalikso maikum,motang no talinggo tap klong genang sgo.

Israel no Ide keba Talingg Nembut pen
34 TUHAN tup go mugo nembut kwa sni-kwasnigo,nemodo piam ya mang iti,ngano nembut mang pu,' 35 Sedue kabung klaya duo nemotang ngenemot siksogo,sedue kabung kunala pegop go,yakwa ikum yakwa suei go,nga tegadi ei modok go nemotanggo babuasi no motanggo. 36 Kaleb bin Yefune seguong ya ma.Nemot seguong ya maikum yakna nganemot,nemodei nemogo duo nang ei gono maitak yakna nganemot nemogo masi magualing nemot seguong nya mang TUHAN nogo dabui lo kenggo.' 37 Genam nemot dali TUHAN lo piam itigo,motang sikso,ngano nemogo nembut man weng,'mot nganogo yakwa dugut. 38 Yosua bin nun,mugo tamot,nemodo madugut nganogo.Nemot  nogo nembut mangseking,nemodo sedue Israel ma Wawigo klonggo yakna nanemot nemotang dugut sgo. 39 Ngano denok seguai-seguai go,nga motang lo pepengo nemotang nga tablolo miasek,ngano mutanggo duo nang ngeasui go,maning kwa snunggoga sueigo nge piamgo.Nemotang ya madugut ngasnogo,ngano nemotang no Genam maiti ya,nemotang lo ngano go masuing. 40 No,nemotang nge,tuei ya,tandali klong padang gurun sno,biap Teberau ijisno.

Nembut Pen Sni Kwa Lemoigo Sadasno Iwotgo
41 Ngano nemodo mang wa,modo mang pung genam sno,'aAtang tasam piam go smugo TUHAN sno.Atang plepung so klong sgoso kabe,nembut pen wenggo TUHAN sikso genam nang nogo,Waly Ayah imgo siksogo logo.Ngano sedue klaya duo motang siksgo sepegat nemogo plai,plepung genang,motang lo pugo motang maning ungguot so,munduim sno klong sgo yakwa. 42 No TUHAN go nembut genam sno wenggo,'Nemotang no klong pu,'Motang kwa klong ngano motang ple kwapung,Genam ngano go yakwa pung,motang nga but deigo,nemotang lo motang mabut. 43 Ngano genam kabe pepen motsno,mot kwa tup mot nga TUHAN go titah waidang,mot naklai go suali kwa tra ngano mot keklong munduim sno. 44 Ngano sedue Amori nga munduim sgo mang pung mang truik motangso,nemotang truik son utba sikso punggo kalik,motang butgo Seir sikso itigo e Hor mano pung. 45 Ngano motang tueigo unembuei tandali yap sno klong ngano TUHAN no ukulo,ngano kama kwatup modo ukulogo kwatup,ngano kama kwatup motanggo ukuluim nogo. 46 Nganemot kalik so mang motang walongso mang suing Kadesh sgo,walong dega so suinggo nga sgo.