¹ Fola map na! Jou Yesus sem mauting mali wawaina, yai mauting fatutua mali meus, Smat dosa mantanu na Osta tmat pa denabe dem Jou Yesus ni Kuasa na nlafo. Yesus Ire Musa Fare Elia ² Marlapis wol piwanaw, Yesus Ire Petrus, Yakobus fare Yohanis mulci mali lolas Isa Ia tigo, mali si ungori, Yesus enpake Nimef ca ³ Sisilang fare bubulang, Isapa tamali dunia tea Bon pei lai mana. ⁴ Fola napna Elia ire oheta lato mali emau ulingomaum Na, fare bicara lali Yesus si. ⁵ Fola na, Petrus mauting lali Yesus si! Gagau tae nampia amam mantane, na. Meu mali bet faosal Falogi fasi tol, faisa Anini, faisa Musa ni, faisa hawe Elia ⁶ ni. Petrus ire ni del na Damcait ten ndani, Petrus fatoto pa bon camplo na. ⁷ Fola na metisa nopisi, Fare tlonga mau mau ting isa capung mali met ca mali Ibu! Ntuk ca gabetar ia ta magogore i, tanuma flonga. ⁸ Fola napna faning Ninga sillina, demi fice jou nto langi sa Yesus ba iru si mana. ⁹ Fola tina na si duri mali lola ca, fare Yesus nba beto malo ni wawaina, ndelpa bet Fabinga mali smatna ahui ta flonga su feri denabe Yesus sen puling mali ian smat na. ¹⁰ gabetina side ca mau-mau tingtane fare fatautam nmat nen paling tau, Ningale na ahai!. ¹¹ Fola na fautau lali Yesus si, pesaga ahli torat na sidu Elia nlafo tuba ¹² fola na Yesus mauting mali sili, Wlia nlafo ntuba bon fapapea Farumi, Ia tulisna Faleisa Yesus se bot faboditoi na fare famayaina! ¹³ Ya boi ku wameutane Elia nlafo to, Fare smat na pei na, ta si ulori maglona, darera ta du to na. Yesus Ni wawai na Mampopa Bot Calawe roh Mayai Mali Smat Ca ¹⁴ Fola na, waktu ta Yesus, Petrus, Yakobus, Faru Yohanes lolai loli wawaina, Sidem, smatna lal, diel mali wawaina, ahali torat na fa malarang bare wawaina. ¹⁵ Fola tinano, smatn ta fapuk puk sina dem Yesus cafo tgarayau mega lolo mani ini. ¹⁶ Fola na Yesus en fautam mali ni wawaina fama lausang ahai, ga meure ahali Torat na? ¹⁷ Smat tesa mali ta faya losina canglo. Yesus yaiku tentuk taman ica lali awi panyake isa ncuangi na de nabe nmomou. ¹⁸ PAnyabut ca, (Roh mayai Ca) sung sung ina, haga pusa pesai, nap nyinyem ca, buk nau capang mali hino na, fare smoma sikik denabe namdere. Yai dor nim wawai na lalowi ga mamp ipa. ¹⁹ Yesus cenglo si faru Nu, smat ta oras tae ulomeu na cicoalapa, mnu subehga yai fa rerer remeuna, yaikamnu subeha ta ya mantanena, Fut woi ca malo tame. ²⁰ Fola na, waica duti lali Yesus si Halis ca nem Yesus? Iblis ca alam roh mayai ca nyowa wai ca lali memali demabu npeam buk. ²¹ Folona Yesus sen fautan mali fomai, mnuio pampaket ta nuta i tae, Fona nu : netei na mali ta neme na sube. ²² Fare Iblis ca foma Yaima denabe ilali yap ca lolo fare waya ca lolo bou fajakan Ina. Gabe tina masie am benea pe fapai sa. ²³ Yesus se nu : lai am deca, Osta i farunina ludadi i ²⁴ waica Ima tangis, fare Inu? Yai dela, galiya su Yesus ta tuba ta dela au pane. ²⁵ Waktu ta Yesus se nem smatna lal fatowalb/e faya Au iblis mou-mou ca fare pongoca, panenta Au, msapang mali waitae fare mali insyunginato. ²⁶ Nyo wai fare nfouloli mali umoli ntola i to, Iblis can capang, waitae laisa nmat te tona, gabe smat lalo sidu waitae nmat te to. ²⁷ Fola na Yesus se nica ka kamona Fare Fapalingi fare noai tae nosal ²⁸ fola na Yesus sem cung mamsel Eba ca, waiwaina faitam mali Yesus si daisa nmau re temou. Pasaga amam mampopa Fasapang Ina. ²⁹ Yesus sem nua si? Roh Atau setan tae bisa ricapang pa nesap ne sembayang be. Yesus Se Nu Fawe Bon Mat Na ³⁰ Puli na mali Yesus ire Ni wawaina fau del mali batang gali fare bia loupa smatna bot io ena ³¹ Yesus najar ni wawaina Fou nua si? Yatane Osta Ofpoya mali smat na kakamo ni lolo, fare sil osta punya puni fola ito, wol pitol mara lapis I osa paling. ³² Mau mauting tane Yesus ni wawaina mangatipa, terus damcait bot fautam na mali i. Famalawang I Setan Labe Mamagal ³³ Fola na Yesus ire niwawaina lafo mali kapernaum Fola na Yesus ncung mali Ebai lolo. Yesus sen fauta, mali ni wawaina mou-mouting ahai yafu mali fan fan ca lolo na. ³⁴ Si lio nipa, sabab mali fan fan ca lolo, sit famalawang fare fakotale ise tan lebas mamagal. ³⁵ Tola tina Yesus sem totulang fare nololau Niwawaina yaFasa ne silu fare nua si. Laisa mesamul mali ni del na Fare dadi koro, mali smatna farunai. ³⁶ Fola napnna Yesus sen nyal wainena Isa, fane faosali mmali pasit bona, fare ngob wainwna ca fare Yesus se nu mali sili ³⁷ smat isebe, terima wawainwna tae nut ya ngah nyok, is tarima Yesus fau benat ise be tan terimah Yesus, In terimah Yesus pa terima Jou Ca ta nutau Yesus. Smat Na faungo Iblis si Capabe Yesus Sen Ngahnyo ³⁸ Yohanes se mauting mali Yesus si, Yoguru aman nae kenu, smat na fa lengo Iblis na dep a ngahmyom Na, fare amam mek toleasi sabab sil serura itpa. ³⁹ Yesus mauting, mati ftiban sina sabab isapa pei ohosesi tan dadi, pake angah nyom na, tinatopei nya ngah nyomna mayai ⁴⁰ sabab ise tan malawang pa mali iti, imali iti ⁴¹ Sabab yai kua meu tane Fatutua, Ise ta no cemeu waya cangkir pesta, karana meu deruraya, osa silangpa nimeu loulowat na. ⁴² Fare isa tampei sabab mali waineneua ta dereraya fane! In pei dosa. Lelebai (lebe mafia) calpat gogo tanumagal Na Fapusa pitan mali gladena fare tepasi potau olat bis bis ca. ⁴³ fare laisa kakaumomna pei sal sal, mtoka kakamouna lebebai nduk tub tamapia Ne kakampa, di kakemom na pilu sung namul naraka ca. Mana yap ca lob lob fare mat mat pa. ⁴⁴ Gagou ca gugulatna osta nmatpa, fare yap ca osta nmat pa. ⁴⁵ Fare ficomna pei sal-sal lena be baradosa, mtota ficom na, lebe bae nduk tub Ia mafia di ficom ma pilu topa au lali naraka ca, ⁴⁶ fare gagau ca gugulatna posta nmatpa, fare yapca osta mat-mat pa. ⁴⁷ Fare laisa : nitamna npei sal-sal denake nau baradosa ni tusa natau na, lebe mafia sung soroga ca mntau paoke di ntau pilu tigea au lali naraka ca. ⁴⁸ Gagau ca gugulat na mat pa fare yapca Osta nmat pa ⁴⁹ Sabab osta smatna cinasi re yap denabe ndadi gasi. ⁵⁰ Gasi ca nmafia, bage laisa gasi ca nipayasing na Nilang, meu pei na faleisa bon payasing fawe? Mpake gasi tane mali nim eubada ca lolo, fare fama fiomeu farumi.