Abar Ta Jou Yesus En Palingna ¹ Gabe wol pusacana Maria Magdalena, Maria aye Yakobus, sire Salome bo hang on pau-pau mafia taga sifan mali laling piling Jou Yesus. ² dororam isu bu tamayaina ta wol ca boncana mali wol ta cubaica Jou Yesus ni wawaina han lali pilingi. ³ si hautan mali re lali is eta bo halolol pat ta mali bawaca sapngona tan cung mali piling ca. ⁴ Manana i nem nais, i nem patca ta mamagal er halololito. ⁵ Gabe si cung mali pilingca, sidem smat ta waiman sube ca tan paise pake kabaya bubulang ca hare totolang mali welana gabe si garayan. ⁶ Gabe i hautnosi mati famcaitna meli nungo Jou Yesus smat Nazaret ta si cilipi, in paling eto, i mantanepanto fem gagau ta mamtulo ica. ⁷ Gabe efan bo habiga bik wawaina-wawaina hare Pterus bo i tuba mali Galilea manana au osane em haduduk resi samara ta si habiga au na. ⁸ Gabe si pacing hare herera doe piling ca. Sigarayan hare damderer si habiga paisapa mali smat si damcait ega. Hare ahai ta siduma bo habiga petrus ire ni wai-waina, siduma kokopebe manana Jou Yesus eb tutuling hare eb culasi bo han mali timur hare barat ta ya fabiga abar ta beresi hare ta mayai na enpanto tana na sangsang hare birahi Jou Yesus Haemi Mali Wai-waina ⁹ Manana Jou Yesus enpaling ta dodoram isube na mali wol pusa cana mali wol tae pusa pusana endumi Maria Magdalena. Jou Yesus entolea sifit Roh ta mayaina. ¹⁰ Gabe in hain hare habiga silta sire Jou Yesus manana siduk susa hare tangis. ¹¹ Manana si erlonga Jou Yesus paling hare sidemi taga erdela. ¹² Gabe hatotoleca holana Jou Yesus enlafo hare fatoi mali smat silutasa ta fab lali pnu-pnu na. ¹³ Gabe si erloloai hawe taga habiga mali ta nesana manaina si delapa. Jou Yesus Mauting Mali Ni Wawaina ¹⁴ Manana i tutuling tafato niwai-waina sitotolang hare ercelina i nuwasina ta sidelapana hare wlorina cicoal hare sidelapa mali smat tasidemina i paling eto. ¹⁵ Manana i nuwasi efan mali dunyatae bo habiga Jou ca nimauting mali harumi ciptaan. ¹⁶ ise ta endelato hare tasisopito i osane calamat hare i osane endela sal-salca. ¹⁷ Manana si riri fafayalo isa ta dererasi bo dela nganyo na si haunggo setanca bo si hahautan mali bahasa-bahasa ta pona. ¹⁸ si osane datila guca hare kakamorina taga sidom racun ta bias hamatit, ahai tab o mayaina si erlangge kakamorina mali smat tadowil hare smata mafia. ¹⁹ Manana Jou Yesus nuwasi i bo gewit nais surge cat obo totolang. Mali Jou lahatalah ni welana. ²⁰ Gabe sifan bo habiga abar tamanca-tamanca tinana Jou Yesus en karajaan ta iresi hanye firmanca ta nifafayalo ta mafia.