¹ fimeli nego homeyoho negokei eigi fe unegaki men amko hefeioku amko geneku gamfe bahale amko fo foile gam bahale dami qulugemu bahani. ² Igi dami utamohini namko qami halei fiohei igin a'habei sowo ukin hami ugin nabi usumo igin namko dimeni hami hebo ngini. ³ nuguku gemi hami amko-amku kiliwa noquku honu namesinei kiliwa. ⁴ Mohoneli igirinaki amko hefeio igin sowo kukini iwiki Tuhan Allah mosuli yabameni amko hefio ki moswi hu hebo nesi ahebo nesi dimenei holigiwi nugu ku haligimi ali mosilei amko hefioku woni. ⁵ Hefio nesi hami mosuli nugu habu kikimeni yafi kini hamei igin fi togu Roh Kudus ohenidali nuga koku huli beli nugini molu abam feni nu gu molu yati kweni ahaai,nubu igin namesine-namesine. ⁶ Igikiya nayo Tuhan ni namesine weli nugu molu mane ohoni yalinayo. ⁷ Eheya bubu eigin namesine kowoweli gugu genele tomu amko hefiweli kikini gugu bena namesi kineni. ⁸ Langu-langu ho gugu yaliyaha Tuhan ke igin namsene leyohi tomu nigo nige kihim amko kigin hefioyohi. ⁹ Qugu mese yali Tuhan udekini Tuhan ki gugu mase fitohoni nafam mohoni nigaki kutei bubu hatei miliki meli gimi abumeli neku bumu hohi gena u teneni iyoho nego gena busu weli mese igin matahi kikini to moha gugu hatei gena nofo kini timbahini ka. ¹⁰ Bubu yemi-yemi anuga-anuga bubu meli yemi howa tobu mohoni qlibu gugu suwi mumu iki fiteli tobu-tobu mohoni. ¹¹ Nu mokili guguni nu be hali huni fuma yoho babimeli bani igin naki naheimo yoho aii. ¹² Nu ufiameli gugumi ehe nu guguni bolai netogu qugu nu hali keno nu awi gugu hai kili nego yeki bubu nu fe alamayele . ¹³ Gugu nafanohi langu-langu ho ki yaliyaha u sisi agi guguni dali gimi osumeli wiyo olin wiyo dekinani,ne wosoho ne wosu kikin nalihuni. ¹⁴ Agi emohini neni ali wosoho wosu kikini hami gugumi boban wyomohi,gugu nufe utabu mele,fe giyahamele,fe nabimisaha mele.muni abimeli neni u,sisi ali yaha-yaha kikini nu,Tuhan ni malaikat hati siaha kikini.nu nego Yesus hatei fiohoni,iki igi hatei fiohonei. ¹⁵ Moh,kutei yaliyaha tomo miki wyoki,gubu fani tamohini? nu gubu ni sisi langu-langu awi ohe,ne ihi hai gugu kiye mugo afei ofomeli alehen kua gugu fe kuku mane,qimi elohini ha. ¹⁶ Mohini gugu neni kufe yelai,u sisi kilim ane guguni ali to? ¹⁷ Huhu yoho,makimeliki gugu,afiweni molohini,yoho molu alamene ikin mogo weli,manefini.yoho,gugu ali hatei ali kefonahu meni bimohini. ¹⁸ Ehe agi yati yoho,qubuku agi suguboto malike abimi saha nohoni,abinohoni mosuli wyahamukini,wetekunohoni,mene nu,gugu oami fe yele yohi. ¹⁹ namesine agi bubu,nu mosuli gugu kibi ali Yesus Kristus ni huli igin sama fetahu weni. ²⁰ Nu ayaha ali,gugu gemi yowoki ne u abumeli ali bamali hogemohi,gugumi hoge mohe. ²¹ Neni usuno,hai gugu bahani figino hukum taurat ni tufo dutoli bikini,mohoni gugu fe alele yoha?hukum taurat au dekini to demi kara fiohoni. ²² Wyakini to Abraham ki amko syobu ukoma,fe ki igin nani ki gene sinamko kutei feki kilimokuma namko,kilimansi namko. ²³ Moh kuti,amko gene igin nani genesi namko hifohi ikiwo,hu bibe namuko hefiohi. ²⁴ Fetahani usisi nigo ohe,anei nego ukumo yohon sisi iki digimaneli negali men. ²⁵ Iki nagaki,a,feki gunung sinai si,iki gene namesine nali kimfiohe,igi agi arap maka igin maka igin soho.agi igin fi gene soho mogi igi hale yerusalem busu fani gane kineni dile nugu igi hale amko geni si namko. ²⁶ Ehe mohon nelai yerusalem igi siahe hatei igi agi kilimokuma si,minom ahan si igi agi nugu eigin ninayo weli.mase utam karakungi iki,sasano niki,oni amko afile si. ²⁷ Yaha yakakuno,yabano sesa sesono;gugu amko halile nigisi bubu namsono yoho agi kirim ane yamigini,bukukini qabu hahama bolikini domi genamohoku bahaneni. ²⁸ Ne hu tobu qubu agi nuku gugu agei nayo Tuhan ni namesine yali nugu agi amko hefio, nabi Ishak namesine. ²⁹ Sowo ikiwokei eigi kumane amko gene hamene hifio'igi agi hu bige namko weli,kuti amko hefio,hikini namko ikiwoke,amko roh namko hifohini igi agi amko hefio amko yete. ³⁰ Kutei makemeli uyaha kara ohe?amko gene bino huto,bino ahei igiku igai naniku bimfena amko geneki fani amko igi agi a hebo nesi,igin nanike kilimane si yeli. ³¹ Moheneli,nugu nego a gene si namko lee,kutei nego a minomsi namko nubu ileuwa.