¹ Do raya Roti Jaan Beragi alang ga' uvi' do Paskah au jelang. ² Imam-imam kepala dahin ahli-ahli Taurat ilo cara jung nelemate Jisus, kenan daha' takut ta' kalunaan bangu'. ³ Au anan, mutam nah Sitan ha' halam Yudas, alang ga' uvi' Iskariot. Hia' salah ji' murid man pulu' dua' murid. ⁴ Maka, leka nah Yudas lalo berunding dahin imam-imam kepala man pengawal Uma' Tipang tentang nuno' hia' haman mai Jisus ta' daha'. ⁵ Dahin, daha' senang laan dahin sepakat jung mai hia' kelupah. ⁶ Maka, Yudas setuju dahin nahari' ilo kesempatan jung mai Jisus ta' daha' teguu' jaan te' kalunaan bangu'. ⁷ Au anan, atang nah do raya Roti Jaan Beragi, anan nah teguu' mempersembahkan anaa' domba Paskah. ⁸ Teguu' do anan, Jisus nyuhuu' Petrus dahin Yohanes, kurin-Hia', "Te dahin persiapkan nah kanan Paskah jung ita' kuman." ⁹ Kurin daha' ta' Jisus, "Ha' hino' kah Ika' ikam sebe kame' mempersiapkan ina'?" ¹⁰ Sue Jisus ta' daha', "Teguu' ika' au mutam ha' kuta, ika' sang pehina' dahin ji' kalunaan lake' alang geri' kendi; ne nah hia' ha' uma' alang sang hia' mutam, ¹¹ dahin duaan nah ta' pemilik uma' anan, 'Guru metang ta' ika': Ha' hino' kah ruang tamu ngayaan Akui haman kuman Paskah peji' murid-murid-Kui?' ¹² Maka, hia' sang petujok ta' ika' ji' bua' ruangan taya' ha' lantai husun, alang perabotan na' au siap. Persiapkan nah kanan man ita' ha' tinan." ¹³ Lalo, Petrus peji' Yohanes te dahin kelaan lim ina' terjadi kelung alang ga' duaan Jisus dahin daha' pun mempersiapkan kanan Paskah. ¹⁴ Teguu' au atang waktu na', Jisus dahin lim rasul melo' kuman ha' sekeliling meja. ¹⁵ Au anan, Jisus duaan ta' daha', "Akui ikam laan kuman hidangan Paskah ani' peji' ika', sebelum Akui menderita. ¹⁶ Kenan Akui duaan ta' ika', Akui jaan sang kuman na' ngua' atang gat ani' ga' genapi halam Kerajaan Tipang." ¹⁷ Lalo, Jisus api' cangkir isi' anggur dahin duaan syukur, au anan duaan, "Api' nah cangkir ani' dahin bagikan nah ha' antara ika'. ¹⁸ Kenan, Akui duaan ta' ika' bahwa man kere Akui jaan sang dui' anggur atang Kerajaan Tipang atang." ¹⁹ Au anan, Jisus api' roti dahin duaan syukur, Hia' ngebiang-biang kan roti anan dahin mai ina' ta' daha' sambil duaan, "Roti ani' lu'ung-Kui alang ga' ai ta' ika'; na' nah ani' sebagai peringatan ta' Akui." ²⁰ Nunan pun, au kuman, Jisus api' cangkir anggur dahin duaan, "Cangkir alang ga' ma'oh kan man ika' ni' Perjanjian maring. ²¹ Tapi, nginang nah, usu' kalunaan alang sang mai Akui te' peji' dahin Akui ha' meja ani'. ²² Kenan, Anaa' Manusia sang leka' dahin cara kelung alang au ga' tetapkan, tapi celaka nah kalunaan alang menyerahkan Hia'! ²³ Murid-murid-Na' metang ji' dahin alang bale tentang hi' ha' antara daha' alang sang na' ina'. ²⁴ Pertengkaran pun terjadi ha' antara lim rasuk tentang hi' kah ha' antara daha' alang ga' anggap paling taya'. ²⁵ Tapi, Jisus duaan ta' daha', "Hipi'-hipi' bangsa alang jaan jaam Tanangaan berkuasa ta' rakyat na', dahin d'kalunaan alang berkuasa ta' Hipi'-hipi' anan ga' uvi' 'Pelindung Rakyat.' ²⁶ Namun, ika' am kelung nunan. Sebalik na', alang paling taya' ha' antara ika' harus bertindak kelung alang paling muda, dahin pemimpin harus jadi kelung pelayan. ²⁷ Hi' alang paling taya', kalunaan alang melo' kuman atau alang melayani? Jaan kah kalunaan alang melo' kumaan? Namun, Akui te' ha' tebeluaa' ika' sebagai kalunaan alang melayani. ²⁸ Ika' d'kalunaan alang tetap peji'-Akui halam pencobaan-pencobaan-Kui. ²⁹ Kenan anan, Akui mai ta' ika' ji' bua' kerajaan, kelung alang ga' ai Ame-Kui, ³⁰ sebe ika' haman kumaan dahin dui' semeja dahin-Akui halam Kerajaan-Kui. Dahin, ika' sang melo' ha' husun takhta jung menghakimi pulu' dua' suku Israel." ³¹ "Simon, Simon, ngering nah Akui. Sitan menuntut jung menampi ika' kelung gandum, ³² tapi Akui au sabayaang man ika' sebe iman ka' jaan gugur. Dahin, au ika' betubat, kuatkan nah harin-harin ka'." ³³ Namun, Petrus duaan ta' Jisus, "Tanangaan, akui siap ga' penjara bahkan mate peji'-Ika'!" ³⁴ Sue Jisus ta' hia', "Akui duaan ta' ika', Petrus, dani henyap jantan jaan sang berkokok sebelum telo' kali ika' menyangkal bahwa ika' jaam Akui." ³⁵ Au anan, Jisus metang ta' lim murid, "Teguu' Akui mengutus ika' tanpa kantong kelupah, tas, atau sandal, nun kah ika' kekurangan sesuatu?" Sue daha', "Jaan." ³⁶ Kurin-Hia' ta' daha', "Namun kere, hi' pun alang hipun kantong kelupah atau tas, geri' nah. Dahin, hi' alang jaan hipun malat, sebe nah hia' pevele' jubah na' dahin mele' malat. ³⁷ Kenan, Akui duaan ta' ika' bahwa nun alang ga' tulis ha' halam Kitab Suci ani' harus ga' genapi ha' halam Akui, 'Hia' sang ga' hitung peji' d'kalunaan bedusa.' Kena, alang ga'tulis tentang Akui tengaah terjadi kere." ³⁸ Lalo daha' duaan, "Nginaang nah Tanangaan, ha' tini' te' dua' malat." Dahin, Jisus duaan ta' daha', "Anan sukup." ³⁹ Au anan, Jisus musang dahin te kelung ha' Bukit Zaitun kelung alang biasa Hia'-na'; dahin d'murid-Na' pun te ne Hia'. ⁴⁰ Teguu' Jisus atang ha' ngayan anan, Hia' duaan ta' daha', "Sabayaang nah sebe ika' jaan mutam ha' halam pencobaan." ⁴¹ Au anan, Jisus ngesuk diri' man daha' kira-kira se suk sepelemoar bato', lalo berlutut dahin sabayaang, ⁴² "Ame, ha' Ika' ikam, api' nah sawan ani' man-Akui. Tapi, am nah keinginan-Kui alang terjadi, melainkan keinginan-Ka'." ⁴³ Au anan, ji' kalunaan malikat man t'lang julaan petujokkan diri' ta'-Hia' dahin menguatkan-Hia'. ⁴⁴ Dahin, halam penderitaan-Hia', Hia' sabayaang lebi' laan-laan ngua'; umah-Hia' jadi kelung tetesan dahaa' alang menetes ha' tanaa'. ⁴⁵ Teguu' Jisus au sabayaang, Hia' te ta' murid-murid-Hia' dahin kelaan daha' tengaah tuduu' kenan bersedih. ⁴⁶ Jisus duaan ta' daha', "Na' nun ika' tuduu'? Maur dahin sabayaang nah sebe ika' jaan mutam ha' halam pencobaan." ⁴⁷ Teguu' Jisus masih duaan, atang nah serombongan kalunaan; dahin hia' alang ga' uvi' Yudas, salah ji' man puluu' dua' murid anan, memimpin daha'. Lalo, Yudas jelang Jisus jung mebo'-Hia'. ⁴⁸ Tapi, Jisus duaan ta' hia', "Yudas, nun kah ika' mai Anaa' Manusia dahin bo'?" ⁴⁹ Teguu' murid-murid alang nekering ha' sekeliling-Hia' nginaang nun alang sang terjadi, daha' duaan, "Tanangaan, haruskah kame' menyerang dahin pedang?" ⁵⁰ Au anan, salah ji' man lim murid anan menyerang pelayan Imam Agung atang menebas apang betaoh na'. ⁵¹ Tapi Jisus duaan, "Au, sukup!" Lalo, Jisus menjamah apang pelayan anan dahin na' ina' sayuu'. ⁵² Au anan, Jisus duaan ta' imam-imam kepala', kepala' pengawal Uma' Tipang, dahin muku'-muku' alang atang jung mekam-Hia', "Na' nun ika' pah atang dahin malay dahin pentungan kelung pelo' sang mekam perampok? ⁵³ Teguu' Akui peji' ika' ha' Uma' Tipanh putung do, ika' jaan mekam Akui. Namun, ani' nah saat na' man ika' dahin man kuasa kelidaman." ⁵⁴ Au mekam-Hia', d'kalunaan anan pun menggiring dahin geri' Jisus ha' uma' imam aya'. Tapi, Petrus ne daha' man suk. ⁵⁵ Dahin au d'kalunaan anan murip api ha' tebeluaa' halaman dahin melo' peji', Petrus pun melo' ha' antara daha'. ⁵⁶ Namun, ji' kalunaan pelayan dooh alang nginang Petrus melo' ha' jelang perapian anan mengamati nang Petrus lalo duaan, "Kalunaan ani' pun peji' dahin Hia'." ⁵⁷ Tapi, Petrus menyangkal, kurin hia', "Hai doih, akui jaan jaam Hia'." ⁵⁸ Jaan dara' au anan, ji' kalunaan alang bale nginaang hia' dahin duaan, "Ika' pun termasuk ji' man daha'!" Namun Petrus duaan, "Jaan, akui bukan ji' man daha'!" ⁵⁹ Kira-kira ji' jam au anan, ji' kalunaan alang bale ngua' duaan dahin yakin, "Pasti kalunaan ani' pun peji' dahin-Hia', kenan hia' pun kalunaan Galilea." ⁶⁰ Tapi, Petrus duaan, "Akui jaan jaam nun alang ika' duaan!" Teguu' anan pun, selagu Petrus masih duaan, berkokok nah henyap jantan. ⁶¹ Lalo, berpaling nah Jisus dahin nginaang Petrus. Dahin, Petrus teringat ta' alang Jisus duaan, bahwa Hia' duaan ta' hia', "Sebelum henyap jantan berkokok dani', ika' au menyangkali Akui sengahum telo' kali." ⁶² Au anan Petrus te ha' hawa' dahin nangi amat sedih. ⁶³ D'kalunaan alang menahan Jisus nahari' mengejek dahin menukuli-Hia'. ⁶⁴ Daha' mekap mataan-Hia' dahin duaan, "Bernubuat nah! Hi' alang nukul Ika'?" ⁶⁵ Daha' pun duaan ngahum gat bale alang menentang-Hia' dahin menghina-Hia'. ⁶⁶ Jima' do na', muku'-muku' pemimpin Yahudi, imam-imam kepala', serta ahli-ahli Taurat berkumpul dahin geri' Jisus ha' Mahkamah Agama daha'. ⁶⁷ Daha' duaan, "Ha' Ika' Mesias, gi' man kame'." Namun Jisus duaan ta' daha', "Ha' Akui megi' ika', ika' jaan sang pesaya' ta'-Akui. ⁶⁸ Dahin ha' Akui metang ta' ika', ika' jaan sang nyuee. ⁶⁹ Tapi, nahari' kere Anaa' Manusia sang melo' ha' behenji betaoh Tipang Alang Mahakuasa." ⁷⁰ Daha' pah duaan, "Ha' nunan, Ika' kah Anaa' Tipang?" Jisus nyuee daha', "Ika' nah alang duaan Akui nah Hia'." ⁷¹ Au anan daha' duaan, "Kesaksian nun ngua' alang ita' butuhkan? Ita' au ngering na' dap man ba'-Hia'!"