¹ Teguu' do sabat, Jisus atang ha' uma' ji kelunaan pemimpin kelunaan-kelunaa Farisi jung kumaan roti peji hia' dahin lim daha' mengawasi Jisus. ² Do anaan,te' ji' doh alang ngepedam busung ata' ha nang-Na. ³ Jisus duaan ha' kelunaan-kelunaan Farisi dahin ahli-ahli Taurat, "Apakah hamaan navah kelunaan teguu' Do Sabat?" ⁴ Tapi, daha' jaan nyuee' Hia. Au h'ti, Jisus pun mekam kelunaan ngepedaam anaan dahin navaah hia', au h'ti nyuhu kelunaan anaan leka. ⁵ Jisus duaan ha daha', "Hi man p'lo alang ha anaak na atau sapi lake na legaak ha halam sumur teguu' do sabat, jaan temoh mehir hia' musaang?" ⁶ Maka, daha' pun jaan hamaan membantah dahun-Na. ⁷ Au h'ti, Jisus begisah ji perumpamaan ha tamu-tamu undangan teguu' Hia' lemnang nuno tun daha' mili' nayaan-nayaan melok alang terhormat ha sekitar mija kumaan, dahun-Na ha daha', ⁸ "Ha ika' da undang man kelunaan te ha pesta pahawak, jaan usah ika' melok ha nayaan kehormatan kenaan tuan uma' anaan mungkin au mengundang kelunaan alang lebih terkemuka man ika'. ⁹ Au h'ti, tuan uma' anaan sang ne atang ha ika' dahin duaan, 'Aii na nayaan ka' ha kelunaan ani!' Dahin, ika' pun harus pude ha nayaan alang paling livaa' dahin ngasa ha'eh. ¹⁰ Tapi, apabila ika' da undang, melok na ha nayaan alang paling la'ung hujung teguu' alang ngundang ika atangm hia' akan duaan ha ika', 'Sahabat, pude na ha nayaan alang lebih terhormat.' Dahin demikian, ika' akan alaa' penghormatan ha nang kelunaan-kelunaan alang melok kumaan peji dahim. ¹¹ Kenaan, lim kelunaan alang ngeboo diri na akan an da ngelivaa', tapi hia' alang ngelivaa' diri na akan da ngeboo." ¹² Au h'ti, Jisus duaan ha' kelunaan alang ngundang Hia naan, "Ha ika' na jamuan kumaan ngetdo atau kumaan malam, am ngundang da kawan, harim-harim, kaum keluarga, atau tetangga ka alang jayaa' kenaan daha' sang balas ika' dahin ngundang ika' jung kumaan peji' dahin daha'. ¹³ Tapi, ha' ika' na pesta, aveh na kelunaan-kelunaan miskin, kelunaan-kelunaan cacat, kelunaan-kelunaan lumpuh, dahin kelunaan-kelunaan buta. ¹⁴ Dahin, ika' sang da berkati kenaan kelunaan-kelunaan ani jaan hamaan nekulah ngebalas ika'; ika' sang alaa' balasan na teguu' do kebangkitan kelunaan-kelunaan alang laan." ¹⁵ Teguu' salah ji kelunaan alang kumaan peji Hia ngering dahun-dahun ani', kelunaan anaan duaan dahin Na, "Da berkati na kelunaan alang sang kumaan roti ha halam Uma' Tipang." ¹⁶ Tapi, dahun Jisus ha' kelunaan anaan, "Te' ji kelunaan alang mengadakan jamuan kumaan malam alang tayaa' dahin hia' mengundang kahum kelunaan. ¹⁷ dahin teguu' do kumaan malam au atang, kelunaan anaan nyuhu hamba na jung duaan ha' lim tamu alang au da undang anaan, 'Atang n'im, kenaan lim daha' au siap.' ¹⁸ Tapi, lim tamu undangan anaan nahari na alasan-alasan. Kelunaan tahari duaan, 'Akui maring mele ji luma' dahin akui harus leka' nyinang hia. Terima na ake' maaf kui.' ¹⁹ Alang bale duaan, 'Akui maring mele lima hembung sapi dahin akui harus leka' jung meriksa sapi-sapi anaan. Terima na ake maaf kui.' ²⁰ Ji'aruun alang bale ngahawak. Kenaan anaan, anaan akui jaan hamaan atang.' ²¹ Au h'ti, pelayan anaan pun nekulah dahin ngelapor daha' pah ha' tuan na. Maka, majikan na anaan jadi heleh, au h'ti duaan ha' pelayanan na, 'Saring! Leka' ha alaan-alaan dahin lim gamg ha kota ani'. Geri na ha' akui kelunaan-kelunaan miskin, kelunaan-kelunaan lumpuh, kelunaan-kelunaan pincang, dahin kelunaan-kelunaan buta.' ²² Au h'ti, pelayan anaan duaan dahin na, 'Tuan, akui au na nun alang ika' suhu', tapi masih te' nayaan guhang.' ²³ Tuan anaan duaan dahin pelayan na, 'Leka na ha' alaan-alaan ayaa' dahin lim gang. Aveh na kelunaan-kelunaan ha' tinaan hujung atang hini jung uma kui jadi penuu'. ²⁴ Akui duaan ha' ika', jaan ji' kelunaan pun man daha' alang ak undang sebelum na anaan sang menikmati pengumaan sajian kui." ²⁵ Kahum kelunaan pano' peji dahin Jisus. Au h'ti Jisus lemnang ha' daha' dahin duaan, ²⁶ "Ha' ji kelunaan atang ha' akui tapi jaan besi' tamaan dahin hinaan na, hawaan na dahin anaak-anaak na, harin lake' dahin harin doh na, bahkan urip na dap, hia' hia' jaan hamaan jadi murid-Kui. ²⁷ Hi pun alang jaan mebek salib na dahin livoh Akui, hia' jaan hamaan jadi murid-Na. ²⁸ Hi' alang man p'lo alang ikam nekringkan ji menara, tapi jaan melok lebih unaak dahin ngitung biaya jung jaam nun hia' hipun cukup duit jung nyelesai hia'? ²⁹ Ha jaan demikian, teguu' hia' melok jeheek dahin jaan lee ngepah ina', lim kelunaan alang lemnang na sang kesing hia'. ³⁰ Kelunaan-kelunaan anaan duaan, 'Kelunaan ani nahari' membangun, tapi hia' jaan lee ngepah ina'. ³¹ Atau, raja hino kah alang sang leka' te perang ngelawan raja bale' tapi jaan melok lebih unak dahin mempertimbangkan apakah hia' peji 10.000 tentara na hamaan ngelawan musuh na alang hipun 20.000 tentara? ³² Ha' hia' jaan hamaan ngalahkan raja bale anaan, hia' sang ngato' kelunaan utusan dahin metang syarat-syarat perdamaian teguu' pasukan lawan na anaan masih suu'. ³³ Nuti pa dahin p'lo masing-masing, jaan te' ji kelunaan pun ha' tebeh p'lo alang hamaan jadi murid-Kui ha' hia' jaan nyerahkan lim alang na hipun." ³⁴ "Henya' anaan sayu', tapi ha' henya' anaan au pu'eh asaa asen na, nuno tun na ina' asen uak? ³⁵ Henya' anaan bahkan jaan uak hamaan an da tek jung luma' atau pupuk sehingga kelunaan hanya sang mu'eh na. Hi alang hipun apang nayaan na ngering, hembe na hia' ngering!"