¹ Panamunja nyuda kapeku karudukuda lahangga mapareta dangu lama kuaha, kadakaradaku dangu handia lapapalakuya mbuu ndabana nama hamu, ² ambu wotungu makambaliku lai nggamu bia, ambu palumungu, dangu palangatakangu pahuri hamungu hanggangu la mbuu ndabana na tau. ³ kanadu,amangu nyuta wikimbu ba tau ndubata, ndata marubuku, tanjarungu, napa atata parai ma matu paitirungu, dangu mangabangu ma akatungu ma aya, dangu ndata mbuhangu kanahamu na angunda, tamarangga karaungu eti. ⁴ Kajiapa tunaka nu, rukuna na hamuna dangu napanamunguna i Ala, nama pamananda nyuta ,naluahanya, ⁵ Hina pamananda nyuta , kanda jia bata pandoi mahamu a napapalakunda, taka jia duna napa mila etinguNa palii welingu bana padedi belita i Ngahu Matu'a. ⁶ Napapakanyuruna nduma nda nyuta dangu mbinu mahamu welingu lai Yehu Karitu, nama pamananda nyuta. ⁷ mata rukuna napanamunguna, kata papeku beli dangu i Ala hitangalanya na luri langataka dangu nama palupangu napamonunda. ⁸ Napapani yiana mapadeningu. jeyaka nu nyungga kumbuhangu nyumu palangatakangu kapeku da nyuda ma mbada parhaya hanggana i Ala kada ngalangu parukangu lapapalaku mahamu. yiada jiahaka damahamu dangu palingu la mbundabana na tau. ⁹ Jiapa katunaka nu, maraunya nama patayaku manda ningu lingungu, na lii ndalaru dedi, nama palumungu, dangu pahanggangu, nama nduba da papalakuda na kalaraku hukungu nuda mbuta da ndaningu lingungu dangu ndaningu utungu. ¹⁰ Ndumana na tau nama pawitinya napa biawangu, panamu nya nyuna, handakangu nyiaka ndia pandua wundangu, halaka nu ambu hili panggolu dadu nyapa. ¹¹ Ba pi dumunya na tau tungu nu bairakunanya ndangu da njalana ba njiaha da mbuti ha njala nanya. ¹² Napa njaka ku paraha ngga jaka i Aratemahu jaka ndia, tihiku, upamakarungu ma palu mai lai nyungga la Nikupoli nadu ba engangu lai nu wanggu lawula maringu. ¹³ Pamukaru langatakama pandula ya i henahu nama tanjiku la hukungu, dangu i Apolu, kapeku hadanguna palaku ka ambu ningu manjakanja. ¹⁴ Da papekanguma badi pattu mahamu da angunda kapeku patomana manjakanja da la lodu, lodu luridaka. ¹⁵ Da angu dedi mbu ndabada da maninja lalihinggu tambi wa danggau. Tabi wandagai kawamu halanja da angu pawainda. Matawa napanamunguna kana pakanyurukai nyimi angu angu dedi mbu ndabami.