¹ Welingu lai Pauluhu, ata nai Miri dangu na wunang nai Yehu Karitu, napa paliawana nduma na nama pawai papindi nai Allah dangu nama manggana napa ndening napakapipina la anda manangu ² Kanadu kadda ngalang monung luri palupang, napa randina weling lakawunga pakiring na yi Allah nama tanji. ³ Rehinaka pabuabar nya napulluna napa patakkana napa mbada akuna lai yungga napa paraha nai Allah, nama panamungu. ⁴ Nduma nai Titu, Nyumu ana langatakka nggunggau, nyuta mba angu pawainda laluri nda ndangu namanjak nama paweling lai Allah, Ama ndangu yi Yehu Karittu, nama namuta. Paramma nai Titu la Papindi ya na Amabokul la Kareta ⁵ kanadu weling lai nai maka hikku matanggau la Kareta, kau njadi papalaku ya gara ya napawukku mu ndangu kau njakar nja da amabokul la hau paraingu, hamana napa mbada patakka ngu lai nyumu. ⁶ Nyuna mangu nama ndapa kahikangu, lei weling lapapaha na, ningu ana na nama pawai, ndangu ndapa pangiara anya la luri akatu njiaka ndia nama nda rongu. ⁷ ka na ndu, ha attu tau Amabokul kabungguru mangu mbudi nama ndapa kahikkang nama njadi wunnang nai Miri, ndana njangga eti, ndana riangga pambeni, ndana mauku, nana mbuhang papawui ndangu ndana kanyurrut la ndalu himbu nanya napa uttung wangu. ⁸ Lahambeli na nuna mbuhang pa nduangu pangiangu, mbuha nya nama hamu, manjaku, li pa nduangu, manundu, ndangu nama kuaha wiki na. ⁹ Wu nyapa pamandunya nahillumu napa mbada akumu, hama na pa mbada ajaru, kana ndu kana wuanya panaungu hamana pa ajaru ya nama halangat ndangu napa ittanya anda na tau akatu. ¹⁰ Kana ndu, ndangu na tau nama lawang, mbuhang pakambalik ndangu pakotu, nduma nda nyuta nama paweling lakabunggur tau pahappu. ¹¹ Nyuda rakkang pa mbitang ngaru ha kana ndu napa mayilla ya mbula hallana angu ndedi na ajaru ya nama ndapa njiangu nama nda peku lapa ajaru ya, kaba ngalanyaka napamakia wangu. ¹² Ha attu weling lai nyuda, nd wunang wiki, wadda"Da tau kareta kambalik hama mbada mbohuha ndama malau mbuli da ndangu mamayau" ¹³ Napani naina napa ndening. ka na ndu, panau pahamunja ka nda matua hamu ndaka nanding. ¹⁴ Ambu tundunya na li pangiarang tau yahudi nam pa wunnanya na tau palawanya nama padeningu. ¹⁵ Nduma nama tanji mbulu ndaba nama tanji. ka na ndu, nyuna ma akatu ndangu nd parahaya, nda ningu ha attu nama tanji nyuna hamu patandang ndangu eti tanji nyuda akatu. ¹⁶ Nyuda paluahang pa tanda yai Allah, njiayaka napa palaku ndana patutu nyai Allah. Nyuta manggita, nda tutur, ndangu nda maka papalaku ya garra ya nama hamu.