Li malangu nduma mu Filemon ¹ Welingu Lai Nyungga Paulus, pa mbada hukungu rukuna I Yehu Karitu, dangu lai Timotius, angu dedi hama para hayanda, lai Filemon, angu dedi angu ramama napanamuma ² Dangu hi Apfia, na angu dedinda kawini, hama mbunai Arkhipus, na angu ndula ngunda, dangu na kabungguru dama kahaungu la umamu ³ Na kanyuru dangu na mbaha eti na mapawelingu lai Allah, amanda, dangu na mapa welingu lai Miri Yehu Karitu nduma mamunya ⁴ Ku pamalangungu lai Allah baku namu manu makai badalu hamayanggu ⁵ Ba mbada rongu ngguyaka rukuna na parahaya dangu na panamumi lai Miri Yehu dangu mbu hallada da tau yahangu ⁶ Ka hamayanggai ndumami mata na kahaungu mi kana mandungu dangu nakanandingu mi nama hamu kana padaingu lai nyuta rukuna hi Karitu ⁷ Ku mbaha eti dangu ku hanangu lailu na panamungumu kanadu welingu lai nyumu, angu dedinggu, da eti tau yahangu hi paka pingatu beliha. ⁸ Djia batuna, djapa bana bokul na monunggu lai Karitu dangu ba paretakau la papa lokuya na wai ngiaramu, ⁹ Lai luna panamu, na rihi hamupa baku karai welingu lai nyumu. Nyungga, Paulus ma mbada kaweda, dangu nahu mbada hukungngguka rukuna hi Karitu Yehu. ¹⁰ Ku karaikau pandulangu nduma na ananggu, Onesimus, na pangalanggu Ia hukangu, ¹¹ Amangu ndana pawilingu a lai nyumu, taka nahu dira pawilinguyaka, ndumamu nyumu dangu ndumanggu Nyungga. ¹² Yungga ku paliawaya nyuna, na ana pambuhanggu, kana beli lai nyumu, ¹³ djaka djiaya lati patuya wangguma -kana ningu angganggu mata kana hillu kau lapandulaka ba dalu ningga La hukangu rukuna injil, ¹⁴ Djiaba tuna nu djaka ndaupatunju madi nyungga nda djia mbuhangu manggu pa palaku nggara biaya mata nama hamu kai palokuya nda djia ba waingara aya, taka ba welina na mbu hangumi, ¹⁵ Talanga wanguna lata lai nuya hi Onesimus hi kawariya weling lai nyuma djapakai ba ndana mandai mata kapekuna bai kataku beliya lupa lundu nunu, ¹⁶ nda djiaayapa kana hili djadi ata, mata kana rihi mapa badi welingu lai nu mata kana njadi angu dedi panamumi, nda djiaya na nduma miahanggu taka na parihingu mapa badi na ndumamu nyumu, hamukai la nduma tolu hamang mai lai Miri. ¹⁷ Njadi, angu ramandanya nyuna djaka wamingga, katakuyawa hi Onesimus hama djangu bai katakuka nyungga. ¹⁸ Djaka ningu njalana lai nyumu djaka ndia wutana lai nyumu, mata nyungga kaku hiamaha. ¹⁹ Nyungga, Paulus, kutuliha yiada wangu lima wikinggu: lupang maduka baku lunahha nda djia pani anggauha rukuna da wutamu lai nyungga, rukuna na luri wikimu, ²⁰ Woi, angu dedinggu, matawa mbuhalana na hamumu kaku ngalanya lai Miri. Panggauruya na etinggu lai Karitu. ²¹ Baku namumaya na tuturumu, hi kutuliha nggaunya na hurat yiana, baku pimanya bau paloku parihingu mapa welingu na pakarainggau. ²² Djiaba tuna, mala aru kau palokungga kurungu panggianggu kanadu boku monungu welingu lamahayangumu, kapekuna kaku kabeli lai nyumu. ²³ Epafras, angu hukungnggu rukuna hi Yehu Karitu, kupangandinggau langu, ²⁴ Hama mbunai Markus, Aristarkhus, Demas, dangu hi Lukas, angu ramanggu. ²⁵ Namahamu welingu lai Miri Yehu Karitu, kana kapipiya na hamangumu.