¹ Welingu lai Yundahu, Pa paliawa nai Miri Yehu Karitu angui na angu dedina i Yakombuhu, ndumangngu nyuda dapa pindi angui dapa namu na i Ala Ama, dangui dapa kambuana dumangu i Yehu Karitu. ² Kamala na pamila eti, manja maringu, angui eti ma mbinu dumamu. ³ Angu dedi-angu dedi panamu,hiku parukangu bana tulihu dumamu duma na pahamu wanda nyuta mbulu daba, nyungga kunamu langataka tulihu dumamu angui ku karai kau kai parukkangngu pa weli etingu duma na pawai napa papatakkangngu handakang dumana lundu nu duma nda tau-tau tanji. ⁴ Ka nadu, nda tau-tau dama tuna nu mbada tama ndanyaka dapa mbuti nja, nuna dama la kawungngangu mangilu bada panjadi ha lapa pahuku nja, nda tau-tau dama dapa pawai dama nda palaku langataka ya na panamu nai i Ala nda nyuta duma na pinu ya na pawuku na angu dena mbuhangu a nda ha atu-nda ha atu kapala angui na Miri nda, Yehu Karitu. ⁵ Nyungga ku mbuhang kau pinya njapang kai nyumu bada pimunyaka mbulu dabana, ka mbai Miri nama pa liha lama hamu da tundunya hina paluhu ha welingu la tana mehiru, ka nadu na panjapu hala ha dama da parhaya ⁶ nda maranongu-maranongu dama da manundu la hupu-hupu kuaha da nyuda, japa kai tuna nu nda laku waru maanja dapa pangiada, nyuna bada hodu mana jaka wangui nggeli palupangngu ndalu lama kapatangu nama parihingu pa kapatangu duma da nda ndiha njala la lodu mbokulu napa. ⁷ Tuna nu mbui Sodom angui Gomora. ⁸ Tuna numa mbui da tau-tau naida, da pahariangu la manggadipangngu-manggadipangngu da, da paruha ha da ihida, dada mbuhang a kuaha, angui da pairaku ha dama padeningngu. ⁹ Mikhael mbu, nama njilu maranongu, bana palawangu dangui hetanu rukuna na kayuba nai Muha, dena toru mbeni a lapa patakanya nama akatu lai nyuna, njapa kai bana pani, "i Miri natenda-nggau napa! wana-a. ¹⁰ njiapa kai tuna nu, mbulu daba na nama ngandiha lama njala da padika ha namma-namma da padeningu da dapa papida, da papida ruku kanadingu da, hama nama bada daningngu patandangu da. ¹¹ Mayila danyaka nyuda! nuyda da hili pakiya na anda napa paki na i Kain, angui da dutu ndakiya nama iraku ma akatu napa palakuna i Bileam, angui meti mau rukuna ba dena manundu hamanai korah. ¹² Nyuda yiana hamanai nama marihaku la dalu mbau hamu duanja, nama ngangu duanggau la ndalu daningngu eti mangadatu, da patandangu wiki ma a da, nyuda hamana awangu nama nama da ngandi urangu, nama paha pui ngilu la halua la yohu. ¹³ Nyuda hamanai na kanggiduku nggaduku na wai tehiku, nama pawuwang wikina nama panjala wikina. Nyuda hama da kadunu dama tanyalangngu nama dumanya na kapatangu paihikingu dapa bada padumangu lundu pangala tilangu. ¹⁴ Angu mbui rukuna da tau-tai naida Henokh, da wala wua na nama kapitu nai Adamu, na pawualaku, "Itaya, I Miri na mai dangu tau-tau dangu dama dutu tanjinya, ¹⁵ nduma palaku nanya na padihangu njala duma tau dangu; na hukunja da tau dama da manunduruku dapa palaku da dama da manundu nda palaku da hama na da li manjala, angui mbulu daba dapa pani nama da hamu welingu da tau dama njala nama akatu lai Ala. ¹⁶ nyuda ba tau ma mbuhanya paha winna manu, ma imbu-imbu ma njala, angui nama tundunya napa pawuku wikina; nyuda ma pani mbokulu ha angui maha ruku manundu duma pautung wikina. ¹⁷ Angu dedi-angu dedi dapa namu, nyumu mi palaku tundunya la kanadingu dapa pani da papahurungu-papahurungu Miri da nyuta, Yehu Karitu. ¹⁸ Nyuda bada pani madanggau, "la rehi napa, daingu ningngu dama dapa mbuha tau dangu nama tundunya na pawuku wikina nama njala". ¹⁹ nyuda naida tau-tau dama palaku ya napa pahili wangngu, da tundunya papalaku pinu tana, angui dama daningngu ngahu da. ²⁰ Jiapa kai tanu, nyumu, angu dedi-angu dedi napa panamu, pawulaku wikimu la dita pawaimu nama parihingu pahamu angui hambayangu la dalu ngahu matua. ²¹ Mu pamatuang wikimu la panamu nai Ala la dalu patiang na pawuku da i Miri da nyuta, Yehu Karitu, nama dutu dakita la luri palupang. ²² Mu ana ningngu mila etimu duma nyuda dama mangadatu-dama mangadatu, ²³ Mu paita nja anda la ndalu mbau rambanja welingu la epi. da duma da hawiangu, pangitanja da bara etimi la dalu binu mangadatu, la dalu ba deta mbuhanya napa palaku da nama binu pawuku wiki la pinu tana. ²⁴ Duma nyuna, nama kuaha pajangga kau dena kanabu angui napa luakau lapa pangia kanjaka pawuku na la dalu binu mbaha eti ailulu. ²⁵ Duma ha atu-ha atu na i Ala, nama pahanggiala hawuala da, la dalu Karitu Yehu, Miri da, pawualaku, nama parihingu, kaparu, angui kuaha lundu napa: la kawungnga na, nahu, lundu napa-napa ya. Amingu.