¹ Banuyaka, saulus, mbana pangalangu papandoiya dangu pametiha hagangu nda muritnd nai Miri, nalaku hagangu lahangaji mbokulu, ² dangu nakarai huratu welungu, napa mbada etina lainyuna sinagoge - sinagoge la damsyik halaka nggamu mbiaya naparahaya na anda nuna, hamangkai mini dangu kawini, halaka njakana ngalanguka ndumana lapatahanja la yeruhali. ³ Mbama manjadangunaka papaga, marenitutunayaka Damsyik, dangu njiawuwa mbiana nama hambila welingu la awangu natapalangi mbana wigirunya. ⁴ Halaka, hi nakanabu la tana dangu narongu kariaku nama wananya, saulus, saulus, nggina nyumu panjaraka nyungga? ⁵ Saulus napa arangu, "nggamukauka nyumu, miri?" dangu, wana mbanapani, nyunggamaka yehu, napapa njaramu. ⁶ dangu tama lakuataku, dangu nyumu patakaunya nggaraya napapalakumu. ⁷ tau - tau malaku pahama dangui saulusu ndualaku danda pani nggara - nggara kambada halayaka paronguya nakariukununa, ka danda ngitang gabiaya. ⁸ saulusu na ndualaku la tana, dangu ndamatana ndapambulangu, kadana ingtangu'a nggara - nggara. halaka, tau - tau nuna napaundinya dangu limana dangu napatamanya la damsyik. ⁹ Dangu, mba tailu mbualodunapa, ndana njadi apapa ngita dangu pangangu hamangmbui paunung. ¹⁰ larehi nuna, ningu ha atu murid la damsyik, namatamungu ananias. miri nakariaku lainyuna lapapa aunya, ananias! halakai ananias wana,yianakaka nyungga, Miri." ¹¹ halaka, miri wana lainyuna, hadangu lakuwa la anda matanji, dangu la umanai yudahu himbu pangalangu tau nama tamungu saulusu rukuna, taruwa, tau nuna mbahabayangna , ¹² dangu na halaka pangalanya napa ngita wangu halaka ha'atu tau namatamungu ananias na mai dangu natuyana limanahodita kana hili ngitaki ¹³ Mbatunanu, ananias napani, Miri, nyungga mbada rongu nggunyaka welingu la tau ndangu rukuna tau yiana, kadira danguya nama akatu nama mbada palakuya hagang lakabugur manangmu la yeruali, ¹⁴ dangu lai yohu ningu mamangunaya na kuaha welingu la wunang - wunang katiku membelenggu mbuludabana natamu,mu." ¹⁵ kaba tunanukai, Miri napani lai nyuna, "lakuwa rukuna na tau yiana kaba alatuya papindigunya ndumana pangandiya natamugu la hagangu laparaingu - paraingu hawiangu, dangu maramba - maramba, ludu paraingu ihiral. ¹⁶ Kabanuyaka, nyungga padaingu pangitagunya laigamu mbadira ndanguya kanama harui rukuna natamugu ¹⁷ halaka, ananias nalakuka dangu na tama la uma nuna, dangu na mbanjaluha nda limana la katikunai saulusu, miri yehu, namapa ngitangu wikina lainyumu la anda mbau pamaingu, kabada utuhumaugaka kau ngita mbeli ndangu na binugau ngahu matua." ¹⁸ kabatunanuka, larenina nunambui, hamanjangu nepi iangu nama kanabu welingu lamatana dangu na ngita mbeli. kamatunanu, hina hadangu lapa paparununya. saulus pakiringunanyaka papatakanya rukunai Yehu ¹⁹ dangu, kabahalaka pangangu, Saulus napakaparuyaka. hida pahama ndngu murid - murid damsyik mbapira mbualoduda. ²⁰ Dangu, pakiringu papaniya rukunai Yehu la sinagoge - sinagoge dangu napani, Yehu kaba anai Alla." ²¹ Mbuludabana tau namaronguya nda hamngatar dangu ndapa'arangu, kadanyuana a'una nama niya la yeruhali namapametiha nyuda nama wana nama tamungununa dangu kanama mai laiyohu dangu ningu oawukuna pangandiha nyuda mbajapaha halenggu lahaga wunang - wunang katiku? ²² Kaba tunanukai, saulus kataba kaparuna dangu ndira mbinguha nda tau yahudi ndama todu damsyik kanabutinyai yehu kaba karituya. saulus nalolohu welingu latau yahudi ²³ kabana ganapka bapira bualoduna. tau yehudi hakongkolndayaka kahaungu papametiyai saulusu, ²⁴ kabada hakongkol ka pinahakai saulus. nyuda haharndajaka nda pindu - pindu lodu dangu rudungu kapametiya. ²⁵ halaka kabatunanu, marid - murid saulus nda ngandi larehi rudungu ndangu ndapapurunya welingu la tembok dangu nda ngeru papurunya howawa lakuru karanjang. saulus la yeruhali ²⁶ Halakai Saulus nataka la yeruhali, na kamangu papambulungu dangu murid. kabatunanu, mbuludabanda ndamangadat danda parahaya kabanyuna kaba muridya. ²⁷ Mbatunaka, bernabas ndapa yapa lima dangui saulus, hina ngandiya la hangaji, hinapa pa'mbajarangu lai nyuda nggina hi ngitayai miri la anda mbaulaku, dangu mbada kariuku lainyuna, ludugikina hina turu mbeni papa'ni la tamunai Yehu la damsyik. ²⁸ Dangu, saulus ndapa angungu dangu nyuda kabada luhuka ndangu mbanda tama welingu la yeruhali hina pambanarungu turu mbeni latamunai Miri. ²⁹ Nyuna nakariuku dangu padebat danya dangu tau helenis, kanyuda parukangu mandanya papametiya. ³⁰ Halaka angu dedi mangunjunda nda pinya rukuna yiana, nyuda nda ngandiya papapurunya la kaisarea dangu utula la tarsus. ³¹ Rukuna nuna, kabugur la yudiea, dangu galelia, dangu samaria na ngalangu damai dangu natumbu, dangu, naluri ndalu mangataduna lai Miri dangu lahanangu ngahu matua, nyuda taba ndangunda. petu la kuataku lida dangu kuataku yope ³² Kalarehina, kai Petu mbada wigirunya mbuludabana napa ngianuna, ndangu mbui na lua patadaluha nda tau - tau parahaya ndama todu la lida. ³³ lai nu, kana ngalangu ha a'atu tau namatamungu eneas, nama mbada katuda la ngiapakatudana kaba walu mbuadauna kaba kaliparnaya. ³⁴ halakai, Petu napani lainyuna, "Eneas, Karitu Yehu napapanjagau. hadanguwa palanyapyauwa na ngapaka tudam! Dangu, larehina nunamai una, Eneas hadangu. ³⁵ Halaka, mbuludabana tau nama todu la lida dangu saron nda ngitaya napabeling lai miri. ³⁶ hau rehi, la yope, ningu ha'atu murid taukawini namatamungu tabita, njaka njaka wana nama dorkas. na mbinuya papa ndoi mahamu dangu ma mbuhangu pasadeka. ³⁷ kala lodu - lodu nuna njadinanyaka, ka hidunya dangu meti. halaka. kabada halandanyaka paihuyaka tau, ndapaka tudaya kurung mangiadita. ³⁸ kai lida ninya latutunai yope, kada murid, kabanda rongudayaka kai petu mbaninya lainu, ndaparangu tau madua ndangu karai monungu ambu njiatudamuka palua lapa ngiama nyuma! ³⁹ halaki, petu hadang dangu na laku ndangu nyuda dangu, katakadanyaka, hida ngandiyai petu kurung mangiadita. mbuludaba tau kawini ndaningu lengu ndualakudanya lakaranai petu hida hi, halaka hida pangitanja nda kali ndalu ndangu katari hangia na pakali pandoinai dorkas kabada pa angungupa nyuda. ⁴⁰ tunanuka, petu naparaja mbuludabanda paluhu, halaka hina hambayangu. kabatunanuka, nahagang lama meti tabita dangu napa ni, tabitan, hadanguwa! halaka nataukawini nuna hina pambulangu dangu nangitayai petu mbana uhuku. ⁴¹ mbatunakanu, napanjuanya lima lainyuna dangu ndulaya papahadanya pandualaku hina pa aungu tau - tau pawai dangu nda kawini ndaningu leingu, hina pangitanja kai tabita mbanalurika. ⁴² dangu, kanatumbu lainu maripambakuluya mbulundabana la yope, dangu dangu tau parahaya lai miri. ⁴³ Halakai, Petu todunyaka papama daingu la yope namatamungu himungu, ha atu tau pandoi manulang.