¹ Hilu walung ti Yehu Kritu, napa unai i Allah ti Yehu peku napa itadai ti wicu palima nai Yehu bagarai nama cubu. Yehu Kritu na ungiya nahilu ya lewatu malaikat-Na peku napa tomanai ti Yohanes, na wicu palima-Na. ² Yohanes na jaduka saksi wulu pulung ni Muri dangu jala Yehu Kritu, gara ngara dukana napa itana. ³ Na pamaring pamalalaya na tu nama baca patorahya pulung li peka ya dangu na pamaringu pamalala jalaya yida nama rangu ya dangu nama palakuya garaya napa tuluhuda ta pulungu lipapeka, mulanaka narahi nama tuku. Patebu nai Yohanes hagang ta pucu kaboguru ta Asia ⁴ Walung ti Yohanes, hagang ta pucu kaboguru nama nida ta Asia. Na namu pa ayungu dangu ta riki wiwi wala mata duma mi yimi walung ti Yina Nama Nina, Nama hawingu Nina, dangu Nama helu Nomina; dangu jala walung pucu ngahu macua nama nina ta haga hangaji-Na, ⁵ dangu walung ti Kritu Yehu, Saksi nama manudu, nama kawunaya na muruk bali ta jonga tu mati dangu nama rihuya na kabibaku walung tangaji hawayuku nama nina ta pinu tanah. Ti yinaika, nama panamu pa ayuda yita dangu nama podah da yita walun ta doku jala wengu wai reNA, ⁶ dangu nama pakahauda yita ta uma hangaji, imam-imam duma nai Allah dangu Ama-Na, ⁷ Botinaka, Yehu mena wengu arumangu, dangu ngara duka da mata da itai Yina, tu jalang ka yida dama pamayilaiYA; dangu ngaru duka da parengu ta pinu tanah da hia karoduk mulana ka Yina. oh wemu, oya na cubuya! Amin. ⁸ " Yanu jiawa ka nakawungana dangu nakajupuna, pulung ni Muri Allah, Nama Nina, Nama hawingu Nina, dangu Nama nama helu Nomina Nama Ngahu Biha." ⁹ Yanu, i Yohanes, oli dadi dangu oli buhami napa teku wai ngerana dalu haduka, dalu uma hangaji, dangu dalu ta can ti Yehu, niga ta parengu nama namangarungu Patmos mulanaka pulungu ni Allah dangu napapeka paitanai Yehu. ¹⁰ Yanu nakadopara i Ngahu Macua, ta rahu Ladu ni Muri, dangu yanu marangiya na ngahali nama lingu walungu takadengagu hama puni trompet, ¹¹ nama wena, "Tuluhu dabana ngara napa itamu ta hau buku dangu panidaia nu ta pucu kaboguru: ta Efesus, ta Smirna, ta Pergamus, ta Tiatira, ta Sardis, ta Filadelfia, dangu ta Loadikia." ¹² Mangaka, ku bilak kadenga peka kagu itaya na ngaha li nama panewu ti yanu. Batunaka boku bilak takadenga, ku itaya pucu kaki dian amahu, ¹³ dangu tapa dua kaki dian nu, ku itaya na tu nama hamanai Yehu, na binu jajang dangu na paku tera amahu ta kuru-NA. ¹⁴ Nakatiku dangu na logi-Na kaka hama wulu bebi, hama kaka salju; dangu na mata-Na hama diur apiya. ¹⁵ Wicu-Na da kabibak hama bihu habarak ta walapaga dangu na ngahali-Na hama katurullu wai wiwa bakulu. ¹⁶ Ta lima awana-Na, na ketana da pucu adinu dangu ta ruwiwi-Na na luhiya na hapangu kiruhu dama kadabungu matana, dangu na Ngora-Na na habila hama na mataladu nama wajal ¹⁷ Tunaka boku itaya Yina, ku kanabu ta wicu-Na hama tu mati. ta kajia, Yina na toya na lima awana-Na ta pinu ihugu yanu dangu napanewu, "Abu hawadadi; Yanukadi Taka Wunga dangu Yanukadika ta Hupu, ¹⁸ dangu Nama Muruku. Yanu kumatika, taka itabalauka KU muruku palupangu, dangu Yanu maketana na kuci molungu dangu na kuci Hades ¹⁹ Jiayaka nu, tuluhu baluna gara bali napa itamu, dangu gara ya nama cubu nucu dangu gara bali ya nama cubu nama lapahu. ²⁰ Jiakadikaya nama kawiningu garaika pucu adinu napa itamu ta lima awana-Na dangu pucu kaki dian amahu nu. Pucu adinu nu jiakadika da malaikat walu ta pucu kaboguru; dangu ta pucu kaki dian nu jiakadika da pucu kaburu."