¹ Batunaka, olidadigu, mi riki wiwi wala mata ka ti Muri. Na telakku na atigu boku helu tuluhu gi nama pa hama ti yimi mula nama tungu ya jiaya na j'awa mi. ² Mi magang wikimi hagang ta ahu, mi pa atiya ta hagang nama pahalaki ya nama da hamu, dangu pa ati hagang ti yidda dama menyunat ihu, ³ mula yitaka tu nama bersunat palanga takang, nama hamayang ti Ngahu ni Allah, pa oha ya i Yehu Kritu, dangu nama dapa lipa weya na muruk ta pinu tana ⁴ jiapa laka ningu lata gu boku kabaina hagang ta tada tolu ihugu. Ba nikangu tu nama ningu latana bana kabaina na muruk pinu tana, parihung wali yani: ⁵ Ku sunat ta ladu nama kawalina parengu Israel, walingu ta kabihu Benyamin tu Ibrani. Panamat na Hukum Taurat, yanu tu Farisi wa. ⁶ Ta dalu pakaluagu ku pamayilla ha da kaboguru ni Allah, dangu ta dalu padenungu ta wawa Hukum Taurat, daku jala a. ⁷ Taka jia, ngara duka na nama pa uttu wa a nana, nucu ladu ku rugi mula nai Kritu. ⁸ Padenungu, ngara dukka na ku padda ya rugi wali ningu kupena i Yehu Kritu, Muri gu, jiaya nama pa ka'ihuk ku walingu ta hawayik ku. Mula i Kritu, ku bula dabada ka mula ngara duka na hama kangudduha ka! peku ku toma nai Kritu. ⁹ Bada itta wa ti Kritu da wengu manang magu napa kolu gu ta Hukum Taurat, taka nama nina walingu ta lipa we ti Kritu, jiaya ya nama manang walingu ti Allah nama palatangu ti lipa we. ¹⁰ Dewa na ku tada pahammu na Yina dangu na biha muruk baliNa, dangu pa kahaungu dalu mayilla na bana pahamangu wengu Yina ta dalu matiNa ¹¹ peku ta patupung na kolu na na kiddu bali walingu ta jonga tu mati. ¹² Taka nu, da mula hawingu kolungma giya dangu da hawingu pa tuppu magiya, taka ku wengu kehana peku ku wappai ya pa hamana i Kritu Yehu na wappa wa yanu. ¹³ Olidadi gu, da we wikkumagu patuna ka boku wappaiya. Taka yina, hauwu na napa halaki gu; ku bullana taka denga gu dangu ku patajji wiku gu nama nina ta haga gu. ¹⁴ Ku hagang pangalangu ta pawukku gu peku ku koluna na wudda na, jiaya ka na pa oungu surgawi walingu ti Allah dalu Yahu Kritu. ¹⁵ Mengu ka yitta ma bolungu pangadang hama tuna nu. Jiaka du pangadang tuna nuka, i Allah na itta torra higiya ti yumu. ¹⁶ Taka jia yina, menguka ka muruk pangalang wengu manang da nama nina ti yitta. ¹⁷ Olidadigu, keriya ka nama hamu ti yanu dangu ita patadaya ka da tu dama pahalaki ya nama hamu ti yanma. ¹⁸ Mula, da dangu da tu dama da buhana na harikka nai Kritu. Na palolukuda ya, ku lali loluk gimi ti yimmi dangu ya ku loluk balimigi ya wengu wai mata. ¹⁹ Ta huppu muruku da kolu na mati molungu, mula na allah da yidda jiaya ka da kabuda yidda, dangu da pa oha d ayidda hagang tama pama ke danga. Pangadang da yidda hagang ta muruk pinu tana. ²⁰ Taka yina, na parengu da yita jiayaka na surga, giddada ka yitta nida ta kalua ba patena i Juru Selamat, jiaya ka i Muri Yehu Kritu. ²¹ Na pahepa daiya na tolu tada ihu irak da dangu na pahepang hama tada tolu ihu kabibakNa. Wengu kuahaNa nu, Kritu na makka bana pakarodduku dabba ha ta hagaNa.