¹ Walingu ti Paulus dangu Timotius, wicu palimana i Yehu Kritu, hagan ta tu perhaya ti Kritu Yehu nama nina ta Filipi dangu ta pa ama paina jemaat dangu majelis: ² Na wai maringu wai malala dangu pa li aloga li magawa walingu ti Allah, Ama da yita, dangu Muri Yehu Kritu na koru gallu mu yumu ! ³ Ku palangingu hagang ti Allah kira pirangu ya boku namu wu. ⁴ Nigi mi yimi ngara duka mi ta dalu habayang gu, ku habayang wengu riki wiwi wala mata ⁵ mula na kahaungu mi bimi lipa peka ya na Injil walingu ta ladu kawunga na toma ta ladu na ya. ⁶ Na madungu na ati gu ba tuna ka Yina nama kawunga ya na parama hamu ta jonga mi yimi, Yina jala nama pa tuppuna lodu toma ya na rahi na i Yehu Kritu. ⁷ Na malangu taka na boku pad'aya nama tungu ya hagang ti yumu mula yumu nigu ta ati gu. Tukan na maniga ta penjara hamang ka boku ugu tulu oligu dangu peneguhan na Injil, yumu hawingu jadi oli rama gu ta waimangu wai malala ti Allah. ⁸ Allah jiaya ka na haka hia gu, ba lali nami taka gu mi yimi ti pa namu pa ayingu ni Yehu Kritu ⁹ Na habayang gu : Dewana na pabuhangumu kana tabangu, wengu pengu makattu mu; ¹⁰ peku mu piaku bu panamatu na nama hamu; peku mu hamu ati dangu dau irrak a ba toma ya na ladu nai Kritu; ¹¹ dangu mu dedu pata ma denungu nama walingu ti Kritu Yehu tuna ka na biha dangu pa oha nai Allah. Na Mayilla nai Paulus na Pagehai ya na Bajarangu na Pulungu ni Muri ¹² Oli dadigu, Ku rijungu peku my pena garra ya nama cubbu ti yanu na jad'i kemajuan bagi Injil, ¹³ peku na ngara dukka na nama totu ya na uma hangaji dangu na tu hawayiku na pena baku hukungu ta gallu mula Kritu. ¹⁴ Na hawayiku na oli perhaya da nama tabangu na lipa we ti Muri mula na hukung gu ya, na rihi pa tara bani ba patoma na pulungu ni Allah wengu dapa pada ya na hawadda. Nina walu da tu dama patomana na ngara nai Kritu wengu kabalik ku ati dangu pa gabangu, taka ni jalana nama wengu wuku ati hammu. ¹⁶ Yidda dama wuku ati hamu pahalaki ya mula pa namungu ka'dangu da pena yanu da panyiaga ti ya mula ba tulu oli na Injil. ¹⁷ Taka na dama wuku ati da hammu, dapa halakiya mula kabaluku ati, dana warahu atima na, dapa ngadangu kana tabangu na haduka ti yanu ba ta gallu hukung wa. ¹⁸ Mangka garra ya na wuda na? Nama pa ka'ihuku jiaya ka wengu garra amadi, wengu pata pa tadalangu hamang ka wengu pata hammu, i Kritu ba patoma na, dangu mulana ka nu ku rikki wiwi walla mata. Ya, ku pangalana na rikki wiwi walla mata, ¹⁹ mula ku pena palata na nahabayangi mi dangu na patulungu ni Ngahu Macua Kritu Yehu, garraya nama awingu dadi na ti yanu, jiaya nama payellaga tama harui ²⁰ Na pawukku atigu nama bolungu jiayaka boku daku raha ya nama ke. Taka ku kolluna na tara bani peku i Kritu, gahama nina nucu dangu pangalangu, ta paohaya ta ihu gu, da dalu dangu mati. ²¹ Mula tora duma gu, muruku duma nai Kritu dangu mati jiayaka na uttu ²² Taka jia yina, jiaka boku muruku ka ta ihu gu ya, jia tuna ku ramma peku kolluna wuana. Taka, giddaiya napa pelli gu, yanu daku pema na. ²³ Niga ta du'a jonga pe pellu gu. Na wukku ati gu ka ku cammana ka na muruku ya dangu ku arena i Kritu, mula jiaya nama parihi hammu. ²⁴ Taka jia yina, dumamu yummu, na rihi pa ningu wuddana boku muruku ta hada tolu gu ya. ²⁵ Wengu bolungu ati ya, ku pena ku engang aregimi yimmi ngara duka na mula na rikki wiwi walla mata mi ta dalu lipa we. ²⁶ Jiaka ku bali ti yimmi, maka na maningmi na tabangu ti Yehu Kritu mula na yanu. Pa Kahowungka dangu Pangala na Pajukang ²⁷ Tuna ka nu, murukka wengu pata nama pa tub'ba duma nai Injil Kritu peku boku meka ka dangu ku pa jabur dangumu, dangu ba jiaka daku meka ka, ku rangimi ba tuna ka yimmi bimi denguru tijang ta dalu howu dewa, wengu ka haungu pangadang, mi pajukang pa arengu duma na lipa we walingu ta Injil ²⁸ Abi hela wikki dimi bana pa hawadami da gabba mi, mula nu jiakaya ka na tada ruhhak da yida, taka na muruku palupangu mi yimi, dangu na tada nu walina ti Muri. ²⁹ Mula duma nai Kritu yimmi daka nyurru gimi da duma perhaya meha ma, taka jala peku ta ma yilla mula na Yina. ³⁰ Jiaka di kanu mi hagana nama harui hama napa itami ti yanu napa haga gu, dangu nama ta rahi na ya ku rahai ya pa.