1 Ako Yesus Kristus,Latalla gedum lam gesurot bila gensol 2 solmi lubiling Yesaya gesurot migem gamadesa, akasi "anuilei:! na anmabo megaboh megatangsa gamiawingsubo yaeyeibai mikagakane meatadi (Meleaki 3 : 1) 3 Anma gamanok tung piybatami itmalisa jeibaiya gobaite piytatokde me Latalla gotaninte "jeibaia gasole "(yes.40 : 3) 4 Yohanis Piybatami lime anma gafilangmi wal gasakwete gewongme gomgapaising ganinsi geboka gegasa gobuh. 5 Yudea manemi mea yerusalem manemi gaima sue yohanis gatade. gayordan giyliwaimi lime gafilang miwal gasa anma no-nok tongmana geboka gegasa genua gogasole. 6 Yohanis gefalak bo gegosa lubang kul gebasa bongkul giywangma anga bee libo genesa lawang giyli 7 Yohanis ga wongkawaisa akasi"Nalaleisa anma nok gamung suesa nasiy gatadesa norana gewa kul ahsakwe norana. 8 Nala lime ifilangmi wal, gabo Gala Ga Roh bila paka me ing 9 Yohanis Lime Yesus Gafilangmi Wal Watu-watubo anga migafonggodeya Yesus ga nasaret manemi, Gasue galilea gebukta, Yohanis ga Yordan giyliwaimi lime Yesus gafilangmi wal. 10 Long-long liwaimi tame Yesus Ga leite tesa adiy angga lakiybo Roh bila luman atiymi siybo linte siy Yesus gafilangta nising. 11 Gasakbo sorgami lakbile siysa akata lakbile gemgamade ako nedum Lam bo nagasama galalak na atafane. 12 Long-longde legawinte mang Roh bila ga Yesus pultemea piybatami. 13 Ga piybatami watu karbiyat gabo setanga Ga galil gasiy. Yesus sakpe sak oh karnok ganaisamami, Malaikat gasue gatang tanatiy 14 Yohanis ga ukang ba mi gawintea, Yesus gaya galilea manemi wongtaitang Latalla genangme tomta paising. 15 "Ga kawaisa " watule teigolemang., Latalla yamesa le lafiymang, imunga migakiy mesurat bila genaggoi. 16 Yesus Ga galilea getame gawata goitak, Yesus sa simung gegate, gasa wai gekak Anderias, tamewaimi puh gabarwe minatung gasi gal mutia ap kia gedu. 17 Yesus Ga gebai nalak noi ganinsi Na iobaete anmakang gendi gatangbai. 18 Simun ya Anderias ganok ge puh gedibo le Yesus goi. 19 Ga kabiy okiydea Yesus Ga leisa Yakobus gepa Sebadius wai Yohanis gekak ga tamewaimi ge puh migobai. 20 Yesus Ga puna guiti ganiak ganok gepa ge iy ta meanma bo gomoh gotawaisa ganendebo gabo ganok yesus goimang. 21 Ganiak Gaya Kapernaum manemi angwatu akuh watumi ganiak Gatawe akuhkadiy gide. 22 Anmakangbo suwe Yesus Ga wongkawai gowaisingsa gegofakia, minatung gasi Yesus Ga anma gom sa Gerumaiu we biy ahli taurat genag getawana. 23 Ang watumi Akuhkadiymi anma nok katai gosubiytemang ganiak ga kailakide. 24 Kawaisa akasi minau agobaite menotaninte? nala nenglak ala ma? ala anga anmabo bilapaka Latalla tadi. 25 YesusGa dumbo anga gekadade Ga kawaisa akasi" aram! dumbo anga gemingmi nisingge eime lentagole. 26 Katiybo anga dum anga gogaset gogayo ga kiylakide me adiypaiy, ganiak katiybo anga gemungmi melenta goi gememang. 27 Anma mutia gegofakia tawing temangte gewe geme, kawaisa akasi akomi minai ide ako rumai barang pia me tom tapaising! Gala katiyue geparenta gowaisingte ako. 28 Ika puna-puna Yesus geluai gemaringa me Galilea goite goiwe. 29 Yesus me gesakola-sakola gekang puna tayoka akuhkadiya gedibo Simun ya Andreias, Yakobus, Yohanis gekang. 30 Ganintuwbo gaya Simon gekadiy midea Simon genataka, gobode bo talemang Simon game Yesus gebai. 31 Yesus gawe gatade Simon genataka gatanga gofungbo gatang pul, asole lasing, gasole lasininde fadotadena gefadiya gobodesa gomal demang gasolebo galmutiya gatalasinmang 32 Gabole tiysama demang, lewatisiya gawintemang anmakanga nok katiya gosubiyte mang, anma pulte mesuwe Yesus gatade. 33 ganiak anmabo manemi geitawah bosue awinggami. 34 ganiak anma adu gelam gefadiya Yesus gobaite gomal demang, gasa setangue miboi misorote, ganintuwbo Ga setang gawa gesah ganinsi lakkawaige, gasakwete setangue genglak. 35 tana mung mibilade, tana mituta,Yesus Ga gasolebo ya wetabo kilrama, gasakbo Ga angmi akuh. 36 ina Simon ya anmabo gekang ga Yesus go kiya. 37 gabo ya gatawiy,Ga gebaiya anma anungmang ako okiyah. 38 ganiak Yesus ga gebai mensi sinung ya manebo telafiymidensi nalo wonga kawai,angak gatung nasuwemang. 39 angaktung Yesus Ga Galileyah gemane goite,goiwe, ya akuhkadiya goiwe mi Ga wongkawai gasakbo,setang karnok miboite takleimang. 40 ganiak anmanok fadiybo gomatsa rohtat gasuwe Yesus gatade gagasilbu gokunde ga Yesus mi gasoi ganingsi Amabung bang nefadiya gobaite nomalde ." 41 Gemunga dokeiy me gotaninte,galilluwe getamade,Yesus gatanga me gegasole meyah geihsa gefane,"Ga kawaisa" Namabung na nobaite nomalde. 42 angwatu mi ge rohta nung gonademang anmabo anga geihsa bila demang. u 43 Yesus golong bo anma anungmang bo anga megawang ganinsi gogaminang. 44 Ga gobai telei ibiya me anma nok dewe gebaina minai akmi migafonggodemang,ganintubo ala eimea Imam gogonte gasakbo ala atangbo mente me Musa geparenta genaggoi ganinsi meLatalla gekangbai. 45 Gasintubo abiygobungge anungme anungmangmi gomgapaising mane-mane kanah gasiak gatung Yesus gabiy ilang lolena manemidewete bawaigo,mane bo kil rama,ganintubo mane-mane kanahsa taber sue Yesus gatade