KAROH BO LATULA GALIL GENANG ¹ Gegesah genang, nenok netayai, nami isoi, Tuhan Yesus gemungmi na ifom ifasing, ganinsi solmi i niyatami gatafaneya, itanganitu gobayente latala galil genang, angak adu gobai. ² Ganinte ukang perenta tau geng nibii Tuhan Yesus ge kuasa mi me ibaina. ³ Latala gegamabung sa akhasi, imunga bila pakha de, boka gasa i ge okay; ⁴ Ila tamong mana tauganininta, i isi we bila paka, luparu mide. ⁵ Bii we sultuk-laktuk gosuima, solmi anma bo latala genglakna getawadena, ⁶ ganinsi anma we noktayai gokoh gomayangna, gasii gakona. Tuhan geng anmo, tiiya gogaway, solmi getanau name ibaiya, na mattungkang me ibang mang. ⁷ Latallah si yoitiinsi bila pakadenau gatung siyotiina, ganmanti bila paka de gatung siyaitinimang. ⁸ Angak gatung mageng wong lak gogasikii, anga bii anmakang gogasiina, latalla gogasikii mang, geng Roh bila me sinmang. ⁹ Angak gatung nok tayai mitayey mitasama, ila anma nonok yai galila gosuibo gobelente me ingma, ila ifa le latalla iyom bo mitayey mitasama de. ¹⁰ Gasak wete ii le gobaite me inok le Makedonia mi genmang. Ganintu bo nenok le, nami isoi ta gem bata-bata de, ganinsi i kong-kang gobai, ¹¹ suipa bo nising lasing sa munasamade, lakmata ye yangak sakagosui, ¹² gasakwe atangak saka me fungbai, solmi me anma wisikatami gatadi, ganing bo bii nuanok le la kabana. ¹³ TUHAN GAI SUWE Nenok netayai, nimaidansi, ila we anma gabodeta inglak de na ganinsi imunga sidinapuna, anga solmi anma rumai bareng gegona getawa, ¹⁴ angak gatung si gogasole bo, anma bo Yesus ganii mi gabode ya ganimbo latala geng gaitotawah. ¹⁵ Lak mata bo ako Tuhan gewonglak me ibaiya, silbo tana singkanga, tana nising te meya Tuhan yame, bii fa anma gabodaya migawingsuma. ¹⁶ Tuhan surgami, penghulu malaikat gama ganeng yame, latalla ge trompet gamade bo yame, gasak bo anma Kristus mi gaboda ya gesu gengkane. ¹⁷ Gasak bo silbo tana singkana bo misiniya, wak gemungmi taneng take te linsama mi Tuhan mi tatawi takang mising. ¹⁸ Angak gatung lakmato bo ako me tawing talih rumaidu.