¹ Salam walina lahi Yakobus, atana hi Allah jaka Tuhan Yesus Kristus,jaka habulu duba nakabihu nama watarangu tapinu tana. ² Kagu angwuagimi, mearakananya kamakalunguya kami mana U tamahala. ³ Jaka, kami peanya namahala walina taihimu peala mu kolingu nama kalungu. ⁴ Matakanyaka nadehha atimu kanakolingu makalungu jaka na utuh,jaka da eamangu namakurangu. ⁵ Jaka tounoukanaka,tangakeha bolumi eikanyaka nama kurang hikmat, jaka kana kareinyi tamarabba Allah, nama deha atina na woaboluda ngaradukada. ⁶ Jaka, kanakareinya kawalitena ta atina abi na bingungu peala nahamearanoungu nangalungu ta tahiku,kana iduya ngillu. ⁷ Touwu nama tou nutungngu danakolingumangu kanyuru walingu lahi Tuhan. ⁸ Natouwu namakadubang atina dana kawanarungu tadalu morikuna. ⁹ Kagu angwuagimi nama moriku dehha mikalungu jaka kapajagami. ¹⁰ Jaka tou nama eingu hapotina kapatutu noukanyaka tama padaku mearana narutu nama mati dedi. ¹¹ Jaka, mataladu namahunga nawajalu,jaka napamatidedi na rutu, nahelija nama kalungu.tounou jellakananya na touwu nama eingu. ¹² Nawoanya kanyuru natouwu nama tarungu tadalu kanawoanya cobaan, jaka na koalingu nama kalungu walina lahi marabba Allah. ¹³ Jaka nama touwu kana cobaya, abi napanewingu,"nyouwa cobanaga hi Allah." jaka hi Allah eamangu nama cobaya langka touwu dama kalungu jaka namu tagu dana cobamaya langka gearaya. ¹⁴ Jaka, tangakehana na touwu hi woanya pataguna walina ta ihi taguna. ¹⁵ walina takabu atina kana tubuhingu,jaka kana U ya tadoku jala, jaka nawoadanya na mati. ¹⁶ Kagu anguwuagimi naha buhagu,abi wolumaya dama kalungu. ¹⁷ Nahakolimi nama deha jaka nama reihi kalungu walina nimmi deata,napa puruna hi Bapak nama wahangu, lahi nammu eamangu nama kurangu jaka namawuna nama paheapangu. ¹⁸ Walina takabu atina, jaka kanawoluda wainada Firman nama kalungu jaka iata mearada wuang nama molungu, tangakehana naha woluna. naranguya jaka napahalakunya Firman Tuhan ¹⁹ Kagu angwuagimi nama dehha, pamatarunya yayi: touwu ngaradukami kami leddah rangu, jaka mi lambatu kami panewi, jaka mi lambatu kami bani. ²⁰ Mangnga, nabanimi tou rara danakalumangu tahaga Hi Allah. ²¹ Jaka wigimi,leaha damakalungu jaka dekiha namaringu Firman Allah nama tubu walina nimmi daluku, nama kulihu patulungu tadewada. ²² Firman Tuhan kami pahalakuya abinyiakaya na ranguminya; jaka dami pahalakunyaka, nyiami mitipunya na ihi tagumi. ²³ Jaka, na touwu kanarangunya na firman, dana pahalakukanya, mearana na touwu nama kaninnu wikina. ²⁴ kana kolinguka paka ninnu wikina halakunanyaka, jaka dengananyaka na ngoarana weiga taka ninnu . ²⁵ Jaka na touwu nataliti hukum nama kalungu, yaitu hukum nama jagada, jaka kada pakera kaluya,abi jiakaya na ranguda jaka na dengangu, jaka kada pahalaku tekkanya firman Tuhan. Nawoada weimaringu weimalala. ²⁶ Jaka na touwu kana panewika na oalina na taatu ibadah, jaka dana patujellakanya na lammana,jaka natipu nya na ati taguna. ²⁷ Ibadah nama kalungu tahaga Hi Allah jaka na amada iata lihi ealuha na lakeada analalu dama hilu eingu ama inana jaka nama mati aruweida/lada tadalu malaratu na moirikuda, jaka kada jaga ya na ihida walingu tapinu tana