¹ Ngala dukana na tou nama wainya na moiri yesus jiaya hi kristus na jaji lahi Allah. ² Ya jiaya, iata ta peanya ata millaja ati ngaladukada da anana hi Allah, Toungu ata millanya ati nama Rabba Allah jaka ata pahalakuha ngala dukada dapa rehana. ³ Jiaya namila atina nama rabba Allah, iata ata wainya ngala dapa rehana, manga dapa rehana dada buatu mangu. ⁴ Jiaya, ngala dama walingu tamarabba Allah dataluya napinu tana, ya jiayaka nama taluya napinu tana, witina namaninguda. ⁵ Geara hinguya nama taluya napinu tana, ada jiaka yaka nama wainya nama rabba yesus ajiayaka na anana hi Allah. ⁶ Jiaya nama amingu waingu weijaka wei raa"Hi moiri yesus kristus"da jiapakaya ana waingu wei,jidika nawaingu weijaka na. Hangahu harina jiaya nama peakaya nama kalungu. ⁷ Jaka eija tilu ngarada dama panewi ta awangu. ⁸ - Hangahu hari - wei - ra, jaka nakatiluda jaji hangi danya ⁹ Ata rangukayaka napatiki Tou rara,napa tikina nama rabba Allah jiaya nama reihi kulihu. witina napatikina loluku nanya na anana. ¹⁰ Natou nama wainya na anahi Allah eingu tadana taihina natou damawainya nama rabba Allah jaji tou patipuya na tou nouwu dana waimanya nama rabba Allah analolukuya aga nanya naha woananya na anana. ¹¹ Ya jiayaka napatikina, na Marabba Allah nawoadanya namoriku malodungu, yana moriku malodungu einya ta Ana na. ¹² Ngaladukana na tou nama buhanya nea nana,na kolingu moriku, jaka ngaladukana na tou dama buhanya na Ana na dana kolingu moriku. ¹³ Ya nyouwa kutiki bolugumi jaka nama wainya naana nama Rabba Allah, kammi peanya ami kolingu moriku malodungu. ¹⁴ Ya jiayaka namaninguda tahagana, agana hingunya napa kareida, nama tutu topa kabu atina, enga naranguda. ¹⁵ Jaka ata peakanyaka agananya napakareida ana rangu da, ta peanyaka ana woadanya napa kareida. ¹⁶ A eikanguka nama itaya naoali beina nama wolu hala,dama arangu jaka matidengangu,na tou nou kana kareiya hi moiri, kana woanya moriku na oalina. ya namu eijelanya nahala napamati dengangu,jidika doku tiki magunya nahala yayi. ¹⁷ Ngaladukana dama kalungu, pahala denganguya, ya namu, ei jelaja nahela dapa mati dengangu . ¹⁸ Tapea bolunya ngaladukana na tou nama walingu tama rabba Allah dana wolu mangu hala ya duna nama jaji walingu tama rabba Allah, napahigiluya hi padibangu dana rega maya. ¹⁹ ya jiata ta peangu wikida awalida tama rabba Allah jaka ngaladukana napinutana,einya tawawaparehana hipadibang. ²⁰ Jiata tapeanyaka, ya na anana nama rabba Allah aminyaka anawoada pangadangu hita peanya ajianya nama tutu tidu, jaka duda ka eijelada toma tutu tama tidi kata kolinya namoriku malodungu. ²¹ ngala dukami aku anagimi,pamaroungu wikimu walingu tapata pinu tana.