¹ Ya nama langa einya walingu ha naduga, napalangu rangumi, napalanga itami waingu mata,nama langa papa atimi jaka napa hanamu waimi ki mami,nou jiaya nawini nama moriku. ² Namoriku nei palangu peadanyaka jaka paitaminyaka. kammi hakahikanya jaka mi hoarunya laijiami na moriku pangalangu dama eingu dirana, makalanga einguya ta haga amada jaka palanga pekamanyaka lahi nyiami. ³ Napa langa itami jaka napa rangu nei, kammi tikikadanya kada pa oali wainya kada pawai denga kagimi. kapa denitekangu, apa wai dengamanya hi Allah ama jaka na anana, Hi kristus yesus. ⁴ Ngala dukana neyi kammi tulihaya kapiku ginu kana naegiatigu. ⁵ Ya jiaya napa tiki napa patoma dagimi witina namu jaka napa patoma dagimi,Hi Allah jiayaka nawahang jaka lahi namu da ei amangu maka petangu. ⁶ Jaka awidakaka kata pa oali wainya ata pawai ya namu,manga ata morikukaka daku tama kapetangu, wallukdanyaka jaka data pahalaku manyaka nama padening. ⁷ Ami, halaku kanyaka nama wahang, mearanakanamu nama wahang, kammi pa oha-pa wainya nyiami hatou-hatou, jaka na kaina hi yesus. ⁸ Jaka awimikaka daku doku jalamangu, meranaka ami tipuya na ihi wikimi jaka nama kalungu da ciamanyaka lahi iata. ⁹ Jaka ata mangaku dija da doku jalada, namu mamanudaya jaka na awida dana kilolu doku jalamada jaka napa warahu daja tangala dukada dapa woluda. ¹⁰ Jaka awimu jellaka daku wolu memang hingu manga doku, woludanyaka namu mapatipu jaka winina da hilu ei amanyaha lahi iata.